السلام عليكم خواتي في منتدانا الغالي

اليوم سويت كيكة أناناس هي حلوة وسهلة وانشاء الله تعيبكم

أولا المقادير:

1/2 كوب سكر (للحرق)
علبة أناناس كبيرة


4 بيضات + رشة فانيلا
3/4 كوب سكر
3/4 كوب زيت
2 ملعقة صغيرة بيكنج بودر
2 كوب صحين
عصير الاناناس

الطريقة:

نبدأ أولا بحرق 1/2 كوب سكر في مقلاة على النار ( أنا سويته مباشرة في قالب الكيك )

نخليه على نار متوسطة لين ما يحمر السكر ويصير مثل الكراميل

وهذي الصور

يوم حطينا السكر على النار



وهاي الصورة بعد ما احترق السكر واصبح كراميل




الحين نصف شرائح الاناناس في القالب لمدة دقيقة بعدين نقلب الشرائح على الجهة الثانية ونطفي على النار



الحين نسوي الكيكة
وهي كالمعتاد

نبدأ بخفق البيض + الفانيلا لمدة دقيقتان
بعدين نضيف السكر ونخفق قليلا
ثم الزيت
ثم نضيف عصير الاناناس وأخيرا الطحين + البيكنج بودر

وندخله الفرن على 170 درجة لمدة تقريبا 35 دقيقة

هاي الصورة يوم طلعناها من الفرن



وأخيرا يوم قلبناها




انشاااااء الله تجربونها وتعطوني رايكم

رووووووعه تسلمي

ماشاء الله يسلمو ايديك بتشهي يميميميم

الغالية أم فئ

الله يسلمج واسعدني مرورج

أم شهد وحلا

تسلمييين حبيبتي على ردج

وانشاء الله تجربينها و أكيد بتطلع أحلى من ايدينج

تسلم ايديش حبيبتي بس ماقلتي لنا كم مقدار العصير الاناناس والزيت وننتظر منك المزيد

شيء رائع جداً تسلم الأيادي

اللـه يعطيـج العافيـه العميـميـه
وماتقصـرين على الكيـكه الحلـوه

من زمان ابي طريقتها بهالشكل المزبوط ..................
يسلمووووووووووووووووووو حبيبتي من جد روووووووووووووووووووعه
و اتطلع لمزيد من وصفاتك الحلوة

يسلمو بصراحة روعة ومضبوطة