بسم اللـه الرحمن الرحيم

السلام عليكم ورحمه اللـه وبركاته

يهلا وغلا ومرحبا ببنوتات لكِ الأمورات

هذه اول مره اعمل مشاركه مصوره من مطبخنا

وهذا كله لعيونكم الحلوه

خليني أبدا معاكم الحكايه من اولها

بالنسبه لي مستحيل اكل التمر لحاله

كنت مااكله الا مع الطحينه ..

بعدين زوجه خالي عملت طريقه مررره عجبتني بالتمر

وفعلا طعمه طلع يهبل

وصدق شهي مرره

و هي فعلا حركه غير ممكن تقدميها لضيوفك

شـوفو بالبدايه المقادير

مثل مو واضح بالصـوره

حنا بحاجه لـ

بسكويت للشاي - وقشطه - حليب مكثف محلي - نسكويك - وطحينه

وأكيد طبعا نحتاج للتمر

وأفضل شي يكون نوعه مثل الي بالصوره

الي مايكون لين مره ولا ناشف مره - اظن اسمو سكري -

الطريقه

اول شي نطحن البسكويت مثل الصـوره

وبعدين نخلط البسكويت المطحون مع الطحينه

اممم لا تكثرون طحينه مره

يعني مانبي الخليط يكون مره سائل

يكون شوي متماسك

مثل هالشكل

بعدين نبدا بتجهيز التمر بحيث انو نشيل النوا منه

بعدين نبدي نحشي كل تمره بشوي من خليط البسكويت والطحينه

يعني مو تملونها مره علشان منظرها بعدين يكون جميل

الحين نجهز صحنين

واحد نحط فيه .. الحيب المكثف المحلي

وواحد نحط فيه شوي من النسكويك أو اي بودره شوكولا

ونخلطه مع القشطه علشان يكون سائل

الخطوه الاخيره

ناخذ تمره .. وتغمسها بصحن الشوكولا

وناخذ تمره ثانيه .. ونغمسها بصحن النستله

بس لاحظو ان ماتغمسونها للنهايه .. يعني فقط للنص ..

الشكل النهائي

مشاء الله شكلها جنان يم يم
بسويها ان شاء الله
طريقة حلوة خاصة للي مايحبو التمر كنوع من التغير
سلمت يداك ريامي
الله يعطيك العافية

تسلم الايادي شهيتيني لدرجة اني رايحة اسوي دلة قهوة

مشكورة على الوصفة الأكثر من رائعة راح اجربها
وتسلم ايديكي

تسلم إيدج وشكرا

تسلم الايادي
والله شهيتيني بس المشكله ان التمر مو متوفرعندنا بالصين حتى القشطه

مشكووووووووورة شكلها يهبل يعطيك العافية

اخت وجدان علي طول ضلي لعيون البنات طلعي وصفاتك المتكتكة ومتحرمينا من طلتك الحلوة تسلمي وما قصرتي

اخت اريام يعطيك العافية وما قصرتي ودايما ضلي زودينا بوصفاتك وتسلم يدك وسلام

حقيقة شكلها روعه وممكن في الاخير نغز فيها أعواد اسنان ...حتى تكون اسهل للأكل
إن شاء الله اجربها

http://www.lakii.com/cookportal/inde...ok&cookid=1941