يابنات يا حلوات

يا بنات من منكم يعرف طريقة عمل المنجأونه (المنجأونه)نوع من الفطائر المصريه
وعلى وشها شكر بس عوزه اعرف المقادير بتاعتها واعتقد انها من بورسعيد
فياريت تشدوا حيلكم وتردوا عاليه لحسن المره دى بجد هزعل
لانى قبل كده طلبت اكله جزائريه ( القرنبيطه ) ومحدش عبرنى ليه كده معرفش
ياله همتكم معايه وقولولى على المنجأونه المصريه ولكم الشكر
............................................

معلش الاكله الجزائريه اسمها ( القرنيطيه )ولكم الشكر

ايه يا بنات مفيش حد عاوزيساعد هو ايه الموضوع يا اخوات يا مصريات النجده فين
المنجأونه اللى على وشها شكر قبل دخولها الفرن .

كان نفسي اساعدك بس ما فهمت ايش هي للاسف

شوقي يا اختي
منين تجيبي هدي الاكلات الصعبه
انا من مصر وعمري في حياتي ما سمعت عن هدا الحلا
بس ان شاء الله اسالك جارتي من بور سعيد ولو عرفت هارجع اقولك عليها

اختى النجم الفضى واختى النجم البرونزى شكرا على مروركم
الاكله اللى اسمها (قرنيطيه ) دى اكله جزائريه بس روعه
و( المنجأونه دى مصريه مائه بالمائه )وشكرا لكم

أهلا بك يا أشعار وبسؤالك أنا من بورسعيد وبنعمل المانجأونة فى يوم شم النسيم ويسعدنى أن أقدم لك طريقتى
المقادير:5كوب دقيق-3بيضات-فانيليا-خميرة بيرة-كوب لبن-كوب إلا ربع سكر-كوب إلا ربع سمن-ماء اذا احتاجت العجينة لتصبح سهلة التشكيل ولا تلصق باليد
الطريقة:ينخل الدقيق مع ذرة الملح ثم يضاف البيض ثم الفانيليا ثم الزبد ثم السكر ثم اللبن ثم خميرة البيرة بعد ذوبانها فى نصف كوب ماء وتعجن المكونات جيدا ثم يضاف الزبيب حسب الرغبة ويمكن الاستغناء عنه ثم تترك لتختمر من 5:4ساعات ثم نقطعها الى اجزاء حسب الطلب ونبرمها لإسطوانة طويلة ثم نمسك طرفها ونلفه حول بعض حلزونى ثم توضع فى صاج الفرن مدهون بالزيت ونتركها تختمر مرة ثانية ثم ندهن وجهها بالبيض المربوب ثم نرش عليها سكر خشن ثم ندخلها الفرن حتى تستوى ثم نحفظها
ويارب الطريقة تنول رضاكى ولو طلعت حلوة ياريت تعرفينى لأنى سأفرح جدا إنى نفعت أخواتى

بسم الله الرحمن الرحيم

اهلا بحبايبى من مصر وبورسعيد تعبتك معايه ربنا يخليكى اختى المنتقبه
لانى كنت حسه انى عوزه اعملها ونفسى فيها بس مش لاقيه حد عارفها عندى هنا فى السعوديه
وكانت جارتى فى مصر هى اللى بتعملها ليه ...
الف شكر وجزاكى الله كل خير ونفسى الاخوات فى المنتدى يجربوها حلوه مع الشاى ............

لاتعب ولاحاجة أختى أشعار أنا لا أبخل بأى شىء أعرفه عن أخواتنا فى المنتدى
وأنا أتمنى أن أعرف كل شىء لأرد على جميع أخواتنا فى كل شىء يسئلوا عنه

هلااختي الغالية

بصراحة من البداية كنت حابة اساعدك بس مع الاسف ماعندي كنت اي فكرة
عن الحلى فلذلك فسحت المكان للاخوات والحمد لله حصلت طلبك
واسفين الغالية