أنا اول مرة أكتب فى المنتدى بس متابعة جيدة جدا لجميع الأخوات
برجاء فى نوع من الحلو خاص فقط بمدينة بورسعيد اسمه قرصة من احد مكوناته الحلبة والعسل الأسود
ومعرفش حاجة اسمها تحويجة لو سمحتوا اللى يعرف طريقتها يقوللى على وجة السرعة
عشان حماتى مش عاوزة تقوللى الطريقة وجوزى بيموت فيها وأنا قولت أكيد اخواتى مش حيبخلوا عليا

القراصه بالسكر والسمن او العسل =الكري=اللحوح ولها اسماء متعدده في كل بلد
المقادير
كوب دقيق
كوب لبن
بيضة
3 ملعقة صغيرة بكينغ باودر
ملعقة سكر
الطريقه
ينخل الدقيق والخميرة والسكر معا ويعمل حفرة في الوسط
يخفق البيض ويصب في الحفرة مع قليل من اللبن ويعجن ويستمر في إضافة اللبن بالتدريج حتى تتكون عجينة لينة
تسخن المقلاة ثم تدهن بقليل من الدهن أو يستعمل الصاج
يصب مل فنجان أو ملعقة كبيرة من العجين على المقلاة لتكون شكل القرص وتترك حتى تظهر فقاعات على الوجه ثم تقلب على الوجه الآخر
تقدم ساخنة كما هي او مع السمن والسكراو العسل وتخلط حبة البركه بعد تفتيت العجين المخبوز وخلطه بالعسل

انشاء الله تفيدك مع اني مو مصريه

دي من ملف الاخت دون
القرصة ( من بورسعيد )

2ونص كيلو دقيق
1 وربع كيلو سكر سنترفيش
نص كيلو عسل اسود
1/8 كيلو سمنة
1 كيلو زيت
نص كيلو سمسم
نص كيلو جوز هند
1/8 كيلو مغات
1/4 كيلو تحويجة
قليل من جوزة الطيب
الطريقة
ينخل الدقيق ويخلط التحويجة والمغات و السكر و جوزة الطيب
ونضع السمسم على وش الدقيق
نقدح الزيت والسمنة مع بعض ونصبهم على الدقيق وبكدة السمسم اللى
على وش الدقيق حيحمر
يضاف العسل ونبدء فى العجن والدعك كويس
ندهن صاج بالزيت ونصب فية العجينة ونبططها بالنشابة وهى فى الصاج
ونقطعها مربعات و ندخلها الفرن لحد ما تستوى وبالهنا والشفا
ملحوظة للبنات اللى ميعرفوش القرصة دى مشهورة جدا وخصوصا فى بورسعيد وبيبقى لونها اخضر مصفر بالسمسم واللى عاوزة تدوقها الاول حتلاقيها فى مصر عند محل فشور اللى فى جامعة الدول العربية او اللى فى بورسعيد طبعا

جزاك الله خير على حسن اهتمامك وسرعة الرد حدعيلك مع كل قطمة يا OMRORO-4

الف شكر عزيزتي ياريت تدعيلي ربي يرزقني ولد طيب وسالم
ما عرفت التحويجه ياريت اذا عرفتي ايش التحويجه تقوليلي تعبت وانا ابحث شكلها حاجه عند العطار مخلوطه