رجاء خاص للمغربيات

**ام منصف** · 11-09-2006, 10:41 PM

السلام عليكن ورحمة الله
الرجاء من الاخوات المغربيات اعطائي مقادير سلو ويريت ايكون سلو فاسي المقادير تكون عفاكم ب2 كيلو دقيق حيتاش غير انا وراجلي عفاكم متعطلوش علي رمضان قرب

اوسمحو ليي الى صدعتكم

يلاه وريوني لحداكة ديال لمغربيات

**ام منصف** · 12-09-2006, 01:58 AM

يبنات فين النخوة العربية ولاوحدة بغات ترد علي حشومة عليكم يابنات بلادي فينكم

**ام ملينة** · 12-09-2006, 03:20 AM

اختى ام منصف لا استطيع قرائةطلبك ولا استجيب فلك المقادير 2 كيلو دقيق محمر اومحمص .كيلو لوز مسلوق لنزع القشرة عنهتم تحميره في الزيت كي يكون الد .كيلو زنجلان او سمسم محمص سكر كلاصي اوبودرة حسب الرغبةفي درجة الحلاوة 250 جرام زبدة مدابة .3 ملاعق نافع او يانسون مدقوق .3 ملاعق قرفة ناعمة زلافة اوكوب كبير عسل وان كان عسل نحل يكون افضل.ملعقة مسكة او مستكى حرة مدقوقة.هناك من يضيف 250جرام انيلى مطحون. نطحن اللوز والزنجلان اي السمسم ونخلط العناصر الجافة من دقيق ولوز وزنجلان وسكر ونافع وقرفة ومسكة ونصب الزبدة المدابة والعسل ونخلط الكل وادا اردناه متماسك اكتر يمكن اضافة الزيت النباتي ولمن تريد القليل من زيت الزيتون نعركه جيدا ونضعه في صحن التقديم ونرش على وجهه اللوز المحمر والمهرمش اي المفروم قليلا .اتمنى ان يعجبكى سلو مدينة فاس ولك ولجميع الاخوات رمضان مبارك سعيد.ام ملينة

**ام منصف** · 12-09-2006, 01:06 PM

شكرا حبيبتي ام ملينة ان سلو الفاسي معروف بلذته واعذريني لانني اتعبتك ورمضان مبارك عليك وعلى كل افراد اسرتك

**pomme rouge** · 12-09-2006, 11:52 PM

عواشركم مبروكة ليكم و لكل العضوات

**halima_22** · 13-09-2006, 08:38 PM

السلام عليكم
الحبيبة ام منصف انا غديا نعطيك مقادير لي كاندير واخا؟
2كغ ديال الدقيق محمر ومن الاحسن تصيفتيه لفران ديال الزنقة الى كانت التقة.
1كغ ديال اللوز مصلوق ومقشر ومقلي فالزيت وكنهرمشوه زيان.
1كغ كاوكاو محمر فالفران ومقشر مهرمش مزيان.
1كغ زنجلان محمر ومطحون.
3دراهم حبة الحلاوة مطحونة.
3دراهم النافع مطحون.
10دراهم عطور سلوا من عند العطار.
سنيدة مطحونة على حسب الدوق.
2/1 كغ زبدة مدوبة مع الزيت النباتية.
كناخدوا كل هاد المقادير ونخلطوهوم مزيان حتى يولي بحال الرملة وكادرية فسطل وكتاخدي منه وبالصحة والراحة.
كانتمنى يعجبوك هاذ المقادير وخا ماشي من فاس.

**om yassin** · 13-09-2006, 08:51 PM

كنضن اختي هده مقادير مزيانة وانت اختاري اختي لبغيتي المهم السلو مغربي وعواشركم مبروكة لكل العرب

**ام منصف** · 14-09-2006, 02:45 AM

الف شكر ليكم على اهتمامكم هاذو هوما المغربيات معروفات بحسن الضيافة

**halloula** · 16-09-2006, 11:36 PM

اختي سلو المزيان ما فيهش الكاوكاو كيكون غير اللوز حيت ان الكاوكاو كينفخ جربي غير اللوز وتشوفي واللي بغا شي حاجة كيعملها و رمضان مبارك سعيد

**KARIMA81** · 18-09-2006, 11:08 AM

رمضان مبارك الله يدخل علينا بالصحة والعافية

دعو معاي باش نكون حاملة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: رجاء خاص للمغربيات

أدوات الموضوع

العرض