حبيباتي ممكن اطلب منكم طلب بدي طريقة الكنافة النابلسية هاي اللي بكون لونها اورنج و عليها فستق حلبي و بالجبن الابيض
يا ريت ما تبخلو علي انا بعرف انها موجودة بالاردن و سوريا ما بعرف اذا بيعرفوها اهل الخليج انا عرفت انو مرة الشيف اسامة السيد عملها بس ما شفت الطريقة و كمان عشان انا بمصر حابة اعرف شو الجبنة اللي ممكن استخدمها الليبتكون حلوة و بتمط؟
و لكم خالص الشكر و اصدق الدعاء

أهلين حبيبتي أنا بعرفها طبعا الكنافة النابلسطية موجودة عنا بفلسطين و بحبها كتير
بس للأسف ما بعرف طريقتها
* ان شاء الله البنات هون يفيدوكي
* تحياتي

هلا حبيبتي شوفي الروابط وبالاخص
الرابط الاول هو فيك كل لي تتمنينه

معرض الحلويات العربي بالصور - اطلبوا اي اشي بحضرلكم اياه

اللى تحب الكنافة النابلسية تفوت وتاكل على الريحة

الكنافة النابلسية

اتمنى يكون هذا طلبك عيوني ومشكورة عيوني كيندة

شكرا الك كيندة و عذبة الاحساس الكنافة اللي في الرابط الاول هي اللي بدور عليها بس كنت بدي اسال
انا بعرف انو الفرك بنباع جاهز يعني ما بضمن ازبطه بصراحة و مدام موجود بجيبه جاهز بس المشكلة انو بكون ابيض انا بدي اياه اورنج هل بتلون تلوين و الا اصلا في بنباع ملون؟؟
وكمان شو في بدائل للجبنة العكاوي اعتقد انها مش موجودة في مصر؟؟
وكمان شغلة بالله
انا بشوف الكنافة اللي في الصور عندك و اللي بعملوها في مصر هون الفرك بيبقى فاكك يعني مش مرصوص و جامد يعني النابلسي اللي في بلاد الشام بتبقى قطعة وحدة الفرك ما بكون مفكك؟اكيد الو علاقة بطريقة التحضير فكرك كيف؟

يا عذبة الاحساس انا بدي اسال هنلي صاحبة الموضوع اللي في الرابط كيف؟و اذا حد عارف يا رب يجاوبني عسؤالي اللي فوق
ارجوكم

هلا اختي الغالية

حبيبتي بالنسبة للفرك سويه ولا تخافي تراه يطلع مضبوط وسهل اما بالنسبة لانوع الجبن
بصراحة ماعندي فكرة عيوني بس انا اذكر انها موجودة بمصر انتي اسئلي المحلات وانشاء الله تلاقينها
حبيبتي على حسب معرفتي الفرك لما بيكون مفكك مايكون ناعم بالمرة ومو مشبع سمن والثاني مصوص لان نعومته وتشبعه بالسمن يساعد طبعا هذا رايي
بالنسبة للغالية هنلي انشاء الله بخبرها واشوف رايها وانشاء الله ترد عليكي
وانشاء الله هم وحدة من الاخوات عندها فكرة تخبرك احسن مني

مشكورة عذبة الاحساس انا قرات في موضوع هنلي احدى الاخوات عملت الفرك و طلع يابس معها و الجبن يبست بالفرن و الاخت هنلي ما علقت عكلامها و البنت كانت تقول في غلط بالطريقة و بدي اسالها هل الفرك بفرق عن الكنافة(الشعر الابيض)؟و الا اذا بدي اعمل كنافة ناعمة لازم اعمل الفرك؟؟و شكرا غلبتك معي؟

هيني جيت اختي اسفه الي يومين مشغوله الاخت عذبه لفتت انتباهي مشكوره
شوفي اختي في انواع وطرق كثير للفرك في اخوات جربوها وزبطت معاهم وفي خوات طلعت يابسه وفي اخوات طلعت معاهم طريه كثير وزي اللي عليها زيت
شوفي طرق الفرك كنت حاططها لانه في اخوات ما بيتوفر عندهم الشعر تبع الكنافه - الشعر الابيض -- وانتي بتحكي انك في مصر فهو متوفر كثير اما جاهز او عند محلات الحلويات
عنا الكنافه نوعان او ثلاث -- الكنافه النابلسيه الناعمه وهي عباره عن الشعر الابيض بس نخليه ناعم مش على الاخر يعني زي السكر الخشن وتدهني الصينيه سمنه او زبده وترصي عليها الشعر الابيض المطحون
وممكن استخدام الفرك وهو سميد ودقيق وسمن وماء بس الشعر الابيض مضمون
اما النوع الثاني فهو الكنافه الخشنه وهي تجيبي الشعر زي ماهو تفككيه وترصيه في صينيه مدهونه بالسمنه
والنوع الثالث كنافه مبرومه
اما الصبغه فهي توضع مع السمنه التي تدهن بها الصينيه

معلش بنتي ارسلت الرد
اختي ما بنصحك بالصبغه لانه مرات بشوفها بتعطي على مراره في الكنافه بعدين احنا عنا بتنباع مع الشعر الابيض كيس صغير فيه بودره برتقاليه صالحه للاكل طبعا
احنا عنا في البلد بيعملوا الكنافه اورنج وكنت ادوقها واحكي مليحه بس ايام ما سكنت نابلس هناك بزبطوها كثير
وما بيحطو فيها صبغه احسن للصحه بيكون لونها بني فاتح
اما اذا بدك تحطي صبغه ذره صغيره مع السمن وتدهني بها الصينيه
والجبن مره اذكر احدى الاخوات حطت طريقه انك تجيب ليتر حليب ولما يغيل تحطي عليه خل او ليميون رح يفصل ويصير حبن بس ما جربتها وفي اخوات اعتقد يستحدموا جبنه الموتزاريلا يعين استخدمي جينه حلوه ولما تطبخيها تمط معاكي زي البيتزا

شكرا جزيلا هنلي و الله يجزيكي الخير
سؤال اخير لو سمحت ما فهمت قصدك ؟كيف افتفت الشعر الابيض هو متوفر عنا
بس يعني افتفته لما اشتري لقطع صغيرة و الا اطحنه زي ما قولتي؟كيف يعني؟ و بالنسبة للجبنة سالت و لقيت هون.