أرجو المساعدة من الأخوات عن طريقة حلى جواهر ؟

ياريت توضحي كيف شكله انا اعرف واحد اسمه كدا بيكون شوكولاته زي الكوب وفيها حشوه يقدم مع القهوه هل
هذا اللي تبغيه او حلى تاني يا ريت توصفيه علشان اقدر اساعدك

هلا اختي الغالية

ياحياج الله عيوني بيننا
حبيبتي هل تقصدين حلى الجواهر على اسم صاحبته وزي ماقالت ام رورو يجي بكاسات شكولاته ؟؟
او ببالونات الموية لصغيرة ؟؟؟

أشكرك على تفاعلك نعم هذا الذي اريده ولك جزيل الشكر والتقدير.....

السلام عليكم ياأخواتي الكريمات لم يأتي الرد بعمل الحلى أرجوا منكم الاستعجال وأكون لكم من الشاكرين

وعليج السلام والرحمة عيوني

حبيبتي تحتاجين شكولاته طبخ تذوب بحمام مائي او انج تخلين معاه ملعقة زبدة ويدخل الميكروويف لمدة دقيقة الى ان يذوب بعدين تجبين كاسات المافن الصغيرة وندهنينها بالشكولاته من كل الجوانب حاولي تخلين الطبقة شوي سميكة عشان لما تفكينها ماتتكسر معاج وتدخلين الكاسات الثلاجة لين تتماسك بشكل كامل

الخطوة الثانية
بعدين جيبي بسكويت اوريوا على حسب الكيمة لي عندك (من 10 حبات الى 15 حبة )
علبة قيمر
3جبن كيري
شراب شكولاته (ممكن الجاهز او لي تسوينه بالبيت ) بس كمية بسيطة يعني لاتزيدين عن 6ملاعق
اخلطيهم بالخلاط زين (البسكويت فتتيه احسن قبل لتضيفينه للخليط عشان يتضنين انه مايتم عندك
حبيبات) وجيبي الكاسات وحطي داخل كل كاسة حوالي ملعقة صغيرة بس يعني عبيه للوسط مو اكثر
وردي حطيه بالثلاجة بهذا الوقت خذي
شوية كنافة وكسريها صغار صغار وحمريها على النار الين يصير لونها ذهبي بعدين حطي شوي
منها على وجه الخلطة ممكن ترشين بالنهاية اما حليب نستلي المحلى او شكولاته سايلة

وانشاء الله تعجبج لما تجربيها وبالعافية

أشكرك ياحبيبتي وجزاك الله خير

معليش اتاخرت عليكي كنت بادوره وجبته لك بالصور

اول شى انا سويته بشكولا الجالكسى
وبالنسبه للبنات اللى يشتكون من سيحان الشكولاته عند بشرها
جربو طريقتى حطو الجالكسى بغرفه بارده وبعدين حطوه بالمطحنه واطحنوه
بيطلع شكله روعه كور صغارررررررر انا استخدمها فى التزين
او علشان تسيح بسرعه
5 حبات شوكولاتة جالكسي سادة
تكسر مكعباتها ثم توضع في حمام مائي وتحرك إلى أن تذوب تماماً ..
نحضر القوالب الورقية (اوراق البليسية)والي حجمها صغير
الطبقة الثانية
نخرجها من الفريزر .. ونكسر كم حبة بسكويت شاي (تقريبا حبتين) ونضعه في وسط كل قالب شوكلاتة .. ونرجعه في الفريزر

الطبقة الثالثة

تسوي توفي عادي ..

2فنجان قهوة سكر + 1علبة قشطة ..
نضع السكر عالنار الى ان يذوب ويصير لونه ذهبي .. ثم نضيف القشطة ونحرك حتى يتجانس الخليط

وتوضع في القوالب على البسكويت بس انتبهي مو تغطي القالب لا نصه او اقل.. وتدخل الفريزر
الطبقة الاخيرة

6 حبات جبن كيري + نصف علبة حليب نستلة الحجم الكبير
تخلط في الخلاط وتوضع في القوالب




وهنا بعد ما ساحت الشكولا وحطيتها بالقوالب

وهنا بعد ماخرجتها من الفريزر وفكيت الورق انا حطيتهافوق وحده ثانيه علشان ارفعها وتكون واضحه

وهنا بعد مافكيت الورق


وهنا بعد ما حطيت الحشوووه بسكوت وتوفى كيرى مع نستله ورشة شكولا


منقووووووووووووووووووووووول

الله عليكم جميعا والله كلكم ذوق والشكر الجزيل

السلام عليكم أرجوامنكم ياأخواتي توضيح الحشوة زين اللي ابيها وهي تكون سوداء وفيها حبيبات على فكرة أنا سويت الطريقتين الأولى ماظبتت مره أقصدالحشوة والثانية ظبتت والله يعطيكم العافية واني والله حبتكم من كل قلبي