السلام عليكم
هذي طريقة كيكة الموناليزا خطيرة مره
عندنا في جدة ماحد يعرف يسويها الا محل الذواق و لا و بالطلب قبلها بثلاث ايام
بس ترى شغلها كثير و يبغالها و قت و فراغ
بس النتيجة تهبل
ندخل في المقادير و بلاش رغي
المقادير
1 - مقادير الكيك الاسفنجي ( قد نحتاج الى مقدارين او اكثر لكن كل واحد يصنع لوحده)
6 بيضات
1 كوب سكر خشن
1 كوب دقيق ابيض+2ملعقة طعام نشا + 2 ملعقة طعام حليب بودرة +ملعقة صغيرة بيكنغ بودر
ملعقة صغيرة فانيليا
2 - مقادير الكريمة
1 قالب زبدة 227 جم ( انا كنت استخدم لورباك بس الحين شوفي افضل نوع و جربيه لاني ما جربتها حاليا )
1 علبة حليب نستلة المركز المحلى
3 - التغطية
مربى مشمش ( انا افضل حلواني لانها افضل شيء )
عجينة السنبلة ( الي شبه البيف بستري بس الكبيرة مو قطع )
الادوات : صينة السويسرول المستطيلة الرفيعة و تكون مغطاة اما بورق زبدة او تدهنيها شوية زبدة و ترشيها بدقيق ثم تزيلي الدقيق الزائد )
نبدا الشغل
اولا تبدئي بعمل الكريمة لانها لازم تتماسك و تبرد قبل وضعها على الكيكة
نخلط الزبدة باخلاط الكهربائي على اعلى سرعة ( تكون الزبدة ماهي جامدة يعني تكوني خرجتيها من الفريزر قبل ساعة تقريباً ) الى ان يصبح لونها مائل الى البياض بدلا من الاصفرار
ثم يضاف الحليب تدريجيا بشكل خيط مع الخلط المستمر الى ان تنتهي الكمية
و تخلط 3 دقائق ثم تغطى باحكام و توضع في الفريزر
الكيك : زي اي كيك اسفنجي
السكر + البيض + الفانيليا بالخلاط الى ان يتجانس ( يعني تقريباً نصف ساعة يمكن اكثر بس مو اقل )
ثم نبدا باضافة الدقيق ملعقة ملعقة مع الخلط المستمر و تخفف درجة الخلط حتى لا يهبط الخليط
ثم يصب الخليط في الصينية و يخبز في فرن حار
و بعد ان نضجت الكيكة نكون محضرين الخليط ( ملعقتين مربى و يضاف لها نصف كوب ما و تخلط جيدا ) لتشريب الكيكة
و نقوم بتقطيعها طوليا ويشرب كل جزء و يدهن بالكريمة و يلف الجزء الاول مثل الاسطوانة و نكمل بقية الاسطوانة بالجزء الثاني و هكذا الجزء الثالث ثم تلف في ورق قصدير و توضع في الفريزر الى ان تسوي المقدار الثاني من الكيكة و تكملي الى نهاية كل المقادير( لانك اذا اردت حجمها كبير قد يحتاج صنع ثلاث الى اربع مقادير )
- التقطية : تفرد العجينة على الحجم المطلوب ( قطر دائرة الكيكة اللي سويتيها )
راح تكون طبقتين واحدة فوق الكيكة ووحدة تحتها ( الفتات لازم لتغطية الجوانب لا تخلي احد ياكله )
و بعد ما تخبز و يصير لونها ذهبي و بعد ما تبرد نغطي الكيكة بمربى المشمش و نحط التغطيتين الي فوق و اللي تحت و ندهنها بالمربى و تغطي كل الكيكة بالفتات مظبوط
و تقدم في صحن محترم و باهناء و العافية
اما عارفة لو انها بالصور كانت اوضح بس معليش
راح احاول اني اسويها في اقرب فرصة و اصورها عشان تستفيدوا اكثر
واذا عملتوها و نجحت و عجبتكم ادعولا ربي يوفقني في دراسة الماجستير و يحقق لي اللي اتمناه
و اي استفسار انا حاضرة
نغومه الامورة
الروابط المفضلة