مرحبا خواتي ..

هذي ثاني مشاركة لي معاكم ..

حبيت استفيد من خبراتكم بما انكم ما شاء الله طباخات ماهرات و انا لساتني مبتداة ..


المهم انا اريد اعمل جيز كيك ..

المهم اريد اعملها بالسور كريم بس بدون استخدام البيض معاها .. يا ريت تعطون طريقة استعملها عشان اعمله .. و كمان اريد احط جيلي فراولة مع الحشو في الوسط .. يا ريت تعطوني ا لمقادير عشان تطلع معي مضبوطة و اصورها لكم تالي ان شاء ا لله ..


في امان الله .. كلي امل تردون علي و ما تخيبون ظني ..

شكرا مقدما ..

هلا اختي الغالية
حبيبتي
هل تبغين الجيز كيك لي بدون فرن ولا بالفرن لان لي بالفرن لازم بيض
انتظرك الغالية

المقادير ...
كاس ونص بسكوت مطحون ويفضل داي جستف
2 ملعقه كبيره سكر
5ملاعق زبده كبيره
2علبة جبن فلاديفيا
كاس سكر
ملعقه صغيره فانيلا
3علب سور كريم
3بيضات
كاس وثلث حبات كاكاو هيرشي بطعم الدارسين انا اخذت حبات الكاكاو الهيرشي وخلط معه ملعقة دارسين صغيره
الطريقه.
..نخلط البسكوت مع الزبده وملعقتين السكر ونضغطه في الصينيه ونرفعه علي جوانب الصينيه وندخله الفرن 8 دقائق ونخلط الجبن مع السكر والسور كريم والبيض والفانيلا لمدة 5 دقائق ثم نضع نص الخليط علي البسكوت ونضع عليع كاس من حبات الكاكاو الهيرشي الي بطعم الدارسين واذا مالقيتها حطي ملعقه صغيره منالدارسين مع ا لكاكاو ونحط عليه باقي الخليط وندخله الفرن لمدة تقريبا 45 دقيقه وخليه تبرد في حرارة الغرفه لما تذوبين ثلث الكاكاو الي الباقي مع ملعقة زبده وتزينين فيها الشيز كيك بطعم الدارسين وندخاها الثلاجه حتي برد وعليكم الف عافيه
معليش فيها بيض بس مظبوطه

اذا ماتبغي بيض نفس المقادير بدون البيض والشوكولاته واضيفي كيسين دريم ويب مع الجبن والسكر والسور كريم وحلي الجيلي بكاس ماء واضيفيه للخليط وحطيه فوق البسكويت وطبعا ماتدخل الفرن لانه ما فيها بيض
وتدخل على الفريزر على طول ولما تبغي تقدميها زينيها بالبسكوت المطحون اوخلطة الباي الجاهزه
انشاء الله اون افدتك

كتبت بواسطة عذبة لحساس

هلا اختي الغالية
حبيبتي
هل تبغين الجيز كيك لي بدون فرن ولا بالفرن لان لي بالفرن لازم بيض
انتظرك الغالية

هلا .. اختي بغيتها بدون فرن ..

على فكرة انا جايبة معاها جبن كيري و دريم ويب و قشطة بالاصافة الى السور كريم .. فاريد المقادير تكون من ضمن هالاشياء ..( طرار و يتشرط على قولتنا )


شكرا على الاخت اللي ردت اقول ما قصرتي و ان شاء الله نحاول نجرب اللي على جوكليت بعد ..

انتظر رد الاخت عذبة لحساس

اهلين اختي الغالية
حبيبتي في هذا الرابط تلقين جيز كيك بدون فرن
احذفي مقدار البيضة لاني انا حذفته وباقي المقادير اتبعيها كما هي وراح تحصلين على جيز كيك
طعم خيالي انشاء الله هذا المطلوب واذا في شي خبرينا ونحن بالخدمة الغالية
http://www.lakii.com/vb/showthread.php?t=178660