السلام عليكم ورحمة الله وبركاته
شلونكم يا أغلـــى بنات في أحلــى منتــدى
هذي اول مشاركه لي واتمنـــى تنال على اعجابكـــم ..
اليوم بنسوي مع بعض طبق حلو الدارسيـــن وسهــل وطعمه لذيــــذ تبون تعرفون المقادير تعالو معاي..
المقاديــر:
3 اكيــاس صمون صغيــر
6 قطع جبن كيــري
3 قشطة نستلــه
3 حليب نستله محلــى كبيــر
دارسيـــن مطحون لتقليب الصمون .. نسيت اصوره
كاكاو فليــك + صلصة كاكاو للتزييـــن
*ملاحظه: المقادير يمكن زيادتها وتقليلها حسب الطبق المستخدم
والحيـــن نبتدي مع بعض الطريـقــــه ....
بالخلاط نخلط الجبن + القشطه + الحليــب لما يتجانس الخليـــط ونخليــه ونبتدي بالخطوه الثانيـــه ...
نبــدأ بتقطــيع الصمون الى اربــاع طوليـــه مثل ما موضح بالصـــور..
.:1:.
اول شي الى نصفيــــن
.:2:.
الى اربع قطـــع
والحين نقلــب قطع الصمون في الدارسيـــن مثل اللي بالصوره
نلاحظ الفرق قبل التقليب وبعد ...
مو جنه نسينــا الخلاط خلاص نسكره ونبتـــدي ..
نصب شوي شوي شوي من الصلصه في طبق التقديم ونصف قطع الصمون بعد تغطيتها بالدارسيــن يعني نقلب ونصف نشوف الصوره مع بعض ..
وبعد ما ننتهي نصب باقي الصلصه بين قطع الصمون وهذا الشكل النهائي..
والحيـــن نخلي الطبق في الفرن لمده 5- 10 دقايــق بس لتحميــر الصمون بس وبعد ما نطلعه نخليــه يبرد شوي وبعدها نخليــه بالفريزر من ساعه - 3 ساعات انا اسويها قبل بيوم بالليــل مثلاً ليوم ثاني قبل الغدا اطلعها علشان شوي تذوب ونزينهــا بصلصة الكاكاو والكاكاو وتقــــــدم ...
وبالهنـــاء والشفـــاء
جربوها واذا عجبتكم ادعولـــي
تحيــاتي للجميـــع
اختكــم ... الغاليــــه
الروابط المفضلة