السلام عليكم

من شوي وانا أتصفح لقيت طريقة عمل مربى التفاح لأم عزيزان الله يجازيها كل خير , وبعدها بشوي تذكرت ان شجرة التوت اللي بالبيت يبيلي أقطف الثمر منها

على طول رحت للشجرة (( ترى الشجرة توها صغيرة عمرها 4 سنوات )) وثمرها محدود بس انا لمن كنت أقطف الثمر كنت أـذكر شغلتين

الاولى رواية كنت قرأتها من مدة واسمها (( موسم قطف العنب )) ومضمونها لكل مجتهد نصيب

والثانية مربى ام عزيزان

عاد قلت في خاطري ليش ما أسويه محصول اليوم البسيط مربي وأحصل فيها على مربي التوت ..

بس اللي وقفت عنده اتي ما أعرف طريقة تحضيره

فياليت ثم ياليت اللي تعرف لا تبخل علي علموني وخلوني ارفع راسي قدام الاهل والخلان .. أبي أتعلم ..


وهذه هي صورة التوت ..








في شغلة ثانية بعد

لمن كنت بالزراعة شفت نبته وبراويكم صورة ورقها .. ذكرت ان زوجي قالي ان هذه شي يؤكل بس ما يعرف اسمه فياليت اللي يعرف اسمه يقول لي و يقول لي في شنو اقدر استفيد منه ..

شوفوه





ولكم مني خالص الشكر

ممممممممممممممم

صورة التوت تخبببببببببل ما شاء الله

يا ريت الصحن قدامي

تبارك الرحمن يجنن شكل التوت

وشوفي هذى الطريقه

1 كيلو توت+5 ك سكر +عصير ليمون

نقع التوت في السكر في الثلاجة 8 ساعات ثم يطهى على النار

مع اضافة اليمون وتركها تغلي لمدة 30 دقيقه

وطبعا منقول

واعتقد النقع راح يخلي التوت يطلع ماء من نفسه مع السكر ... وتطبخينه في مائه

اما الصوره الثانيه للاوراق ماعرفتها

صورة الاعشاب هذي هي الروزماري...بتكون ريحتها زكية
استخدميها وهي طازجة بعد الثرم
وممكن تجففيها وتستخدميها

هي تستخدم بكثير من الطبخات بس انا استعملها بحشوة البيتزا

الغلية هند : لو أن بيتك جنب بيتي لكان رسلت لك الطبق بمافيه

شكرا للغالية ام عزيزان على الوصة واكيد راح اجربه وبقول لكم الرد

اليلاس : يعني هذا هو الروزماري اكيد

وأهو اللي معروف بحصى البان ؟؟

بس الروزماري أهو نفسه الزعتر البري لو لا ؟؟

بس زين سألت لأن النبته كثر زرعها وتحتاج لقطف على الاقل أجفف الاوراق واستخدمه ..


شكرا للجميع

هي الروزماري بالانجليزي و روماراه بالفرنسي و بالمغربي نقول لها اليازير او ازير و هي جد طيبة و خصوصا مع الاسماك .
خذي اختي سمكة تحبين شوائها في الفرن او على الجمر و ازيلي الاحشاء طبعا و ضعي شقوق في السمكة من الجهتين و رشي الملح فيه و في البطن المفرغ و رسي وريقات في الشقوق و ايضا في البطن من الروزماري و تمتعي بنكهة لا تقاوم.