السلام عليكم ورحمة الله وبركاته
أشتهيت لكم هالكنافه اللذيذه جدا جدا جدا
سويتها لحمولتي اليوم ومدحوني مدح لاصار ولا أستواء
المهم عشان ماأطول عليكم
المقادير والطريقه:
علبة كنافه أفضل تكون من السنبله
بياله ونصف سمن أو زبده
تمسكين الكنافه وتنتفينها وتقطعينها بالسمن أو الزبده(واذا كنت معصبه حطي حرتك كلها فيها..............أمزح)
بعدين أقسميها نصفين أفرشي القسم الاول الصينيه البايركس الكبيره
بعدين صبي عليها هذي الخلطه: اللي طريقتها
كاس حليب سايل
3ملاعق نشاء ذره
تحطينهم في قدر على النار الين تثقل شوي
بعدين تحطين عليهم ملعقتين جبن سايل
وعلبة قشطه
وفنجال ونص سكر وتحركين الخلطه زين
بعدين تصبينها القسم الاول من الكنافه
بعدين حطي القسم الثاني من الكنافه على الخلطه
ودخليها الفرن الين تشوفينها أحمرت من فوق ومن تحت
وبعدين طلعيها واقلبيها في صينية التقديم
وصبي عليها الشيره (وتكون ثقيله شوي)
وترشين عليها الفستق
وبالهنا والعافيه
أتمنى رؤيت ردودكم وأكون لكم من الشاكرين
الروابط المفضلة