السلام عليكم اخواتي
اذا ممكن بدي طريقة البيتي فور اذا ابتعرفوها وتكونو مجربينها لاني جربت حلويات كتير وما زبطة
وشكرا لكم

بسم الله الرحمن الرحيم
السلام عليكم ورحمة الله وبركاته

أختي الفلسطينية :

اليك طريقة للبيتيفور سهلة ولذيذة ولكن لاتستعمل بألة البيتيفور ولكن تشكل باليد
على شكل دوائر وأن شاء الله تعجبك

المقادير :

نصف كأس زيت
نصف كأس سكر
2بيضة
فانيليا
تخلط هذه المقادير بالخلاط
ثم تضاف الى :
كأس طحين + كرتون نشا + م ص ب ب

وتعجن الى أن تصبح عجينة لينة ثم تغطى بكيس لمدة نصف ساعة
ثم تشكل باليد على شكل دوائر وتوضع بالفرن وتحمر من أعلى وأسفل
ثم تحشى بالمربى وتلصق بالأخرى وتدحرج على جوز الهند وبالهنا والعافية

أتمنى أن أكون قد ساعدتك
وأجعلك بحفظ الله ورعايته

كيفك يااختي كل عام وانت بخير انا سابقا قدمت بتيفور وكتير من الاخوات قدموا بتيفور فيكي ترجعي من قسم الحلويات عموما انا هلاء جبتلك معي البتيفور اللي انا مقدمتوا وعاملتوا من كتاب عندي نقلتوا بس شكلوا وطموا ايش عن جد شي بجنن تفضلي

البتي فور الالماني بالشكولاته

--------------------------------------------------------------------------------

السلام عليكم ورحمة الله وبركاته

كيفكم اليوم عندي بتيفور بجنن بهوس العئل جربوا وشوفوا
المقادير:
2ونص كوب طحين ابيض
ثلثين كوب زبد
ربع كوب سكر
كوب بودرة كاكاو
بيضه
شراب الكاكاو او الصلصه:
كوب سكر
1ونص كوب من قطع الشكولاته الساده
2 ونص ملعقه طعام زبد
العمل:

بنخفق الزبد والسكر منيح بالخلاط الكهربائي
في صحن تاني بنذوب مقدار الكاكاو في قليل من المي الساخنه وبعدين بنضيف تدريجيا مقدالر الطحين وبعدين بندمجح الخليطين السابقات مع بعض منيح وبنضيف عليهم البيضه وبنعجن الكل سوى حتى تصير عنا عجينه متماسكه وبعدين بنعملوا باليد بنشكلوا زي مابتحبوا على شكل ورود او على شكل احرف او على شكل ارقام وبعدين بنحطوا في فرن هادي النار لمده ربع ساعه وبنطلعوا وبنتركوا يبرد
بنعمل شراب الشكولاته او الصلصه بنذوب الشكولاته وبنضيف عليها السكر والزبد وبنخلطهم منيح كتير حتى نحصل على صلصه سميكه وبنسقط البيتفور البارد في الصلصه الدافئه ثم ترفع فورا وتوضع حتى تبرد على ورق ماص وبيقدم مع الشاي او القهوي الف صحه ويارب تستفادي عليه

اختك موزي كمان فلسطينيه وبارك الله في كل امه المسلمين

اخواتي موزي و التائبة للة شكرا لكم على هالوصفات الزاكية وانا رح اجرب الطريقتين ان شاء اللة في اقرب فرصة علشان الحمل مغلبني شوي