السلام عليكم ورحمة الله وبركاته
صباح الخير
مابعرف في حدى بيعرف لفه الخميري جربوها واكيد رح تعجبكم
المقادير :
3 كوب طحين
1/2 كوب سكر
كوب لبن
3 ملاعق حليب باودر
خميرة
رشه ملح
بيضه
نص كوب زبد
الحبه السودة(القزحة)
بنحط الطحين بعد تنخيله وبنحط عليه رشه الملح والقزحه والحليب وقليل من الخميري وبنخلطهم سوىوبندير عليهم زبدي مدوبي على النار لحتى يتكتل العجين وبعدين بتجيبي زبديه وبتخلطي فيها البيض مع السكر مع اللبن منيح على فكرة فيكم تزيدوا السكر حسب الرغبي بس هي ميزتها بكون سكرها قليلوبنديرهم على العجين وبنخلطهم معوا بنكون مدوبين خميري في كاس ماء فاتر بس تعلى الخميري بنضيفها على العجين مع شويه ماء فاتر بحيث تكون العجيني لا رخوي ولا صلبي يعني عينك ميزانك طيب وبعدين ببتركي العجين لحتى يرتاح لمده ساعه ازا بتشوفي خمر شوي اعجني وردي اتركيه كمان ساعه يفضل تركه في مكان دافي بس ينفش العجين مزبوط زي عجين الكعك بلشي شكليه على شكل ضفاير او حلزوني او هلال زي مابتحبي وبعدين دخلي على الفرن بس يصير لونه زهر من فوق ومن تحت طلعي وادهني بفرشاه بيض وسكر مخلوطين مع بعض بس عشان يعطيه لمعان ودي فوتي على الفرن شوي صغيري وطلعيه وفي تغطسي الطبقه الفوق بالسكر او سكر وقرفي او بلا ما تغطسي يعني للزيني بس طعمها بهوس انا احيانا بكون حاطه سكر قليل وبيجوني ضيوف بحبو الحلا زايد بضيف سكر عليها كمان بتطلع رائعه
الف هنا
موزيييييييييي
مستنيه ردودكم
الروابط المفضلة