السلام عليكم ورحمة الله وبركاته


انا بموت في الشكولاته لما احرم حالي منها كاني حرمت حالي من ابني بفضل الشكولاته على اي شي وانا مابحب الرز ولا الخبز بس شو شكولاته اللي لا يبليكم بهل المرض ههههههههههه انا خايفي يصير عندي مرض السكر مش عارفي شو بدي اعمل كيف بدي ابعد عن الشكولا تلائوني ليل نهار في المطبخ بعمل شي جديد عن الشكولاته
اليوم مارس بس على طريئتي يارب يارب يعجبكم ولاتجاملوني انا مابزعل بالعكس بحب النصيحه حتى اتعلم منكم

ياستاتي المكونات
الطبقه الاولى:

بسكوت ماري او شمائل او اي بسكوت خفيف وحلاته خفيفه ومش محشو
نص كوب حليب سائل
بيضه
وفانيلا ملعقه صغيري
تلث باكيت زبد
ملعقتين سكر او اكتر حسب الرغبي

الطبقه الثانيه:

3 ملاعق كاكاو باودر
نص باكيت زبد
بيضه
وسكر حسب الرغبي بس انا بحط كمان ثلاث ملاعق عشان مابحبوا كتير حلو اللي بحبوا احلى يزيدوا السكر
حليب باودر ملعقتين
قليل من الفانيلا


الطريقه

بنخلط كل مكونات الطبقه الاولى بست البيت سوى لمده من 5 الى عشرة
وبعدين بنخلط كل مكونات الطبقه الثانيه بست البيت سوى لمده من 5 الى عشرة
وبنحط مكونات الطبقه الاولى اللي هي المارس في بايركس وبصب فوئيها الشكولاته بنتركها لحتى تتماسك وتبرد بالثلاجي لمدة نص ساعه

كلواااااااا وادعلولي مافي حدا اجى عندي واكلها الا وعجبتوا وسالوني عن الطريقه وكمان اللي بشجع انو مكوناتها متوفري باي بيت وسهلي كمان

موزيييييييي

يممم

شكله يجنن


تسلم ايدج يا عاشقة الشكولاته قصدي يا موزي

شكرا شفق هاد من زوئك وايديكي كمان بس بتمنى تجربيها وتئولي رايك بصراحه

تسلم يدك يا موزي

باين عليها لذيذة

بس عندي سؤال : ممكن نستغني عن البيض لأني ما بحب البيض نيئ ؟

أو فيه طريقه أخرى ؟

تحياتي

اكيد ممكن نستغني عن البيض.......... خلي قشطة غير محلاة من اي نوع
ورشي على الوجه فستق او لوز او اي نوع من المكسرات


فعلا طعمها مثل المارس بالضبط
هي نفس طريقتي نصا

ودي تجربتها
بس ما فهمت قصدك

كتبت بواسطة موزي

بنخلط كل مكونات الطبقه الاولى بست البيت سوى لمده من 5 الى عشرة
وبعدين بنخلط كل مكونات الطبقه الثانيه بست البيت سوى لمده من 5 الى عشرة

يعني ايه ست البيت؟

جزاك الله خيرا

نادادر ست البيت هي اسم المكينة اللي تخلط المواد دايما الشيف اسامة بتطلع عندة انا متأكدة انك تعرفيها بس اختلاف التسميات
ولو كانت ما متوفرة عندك انتي اطحني البسكت وكملي خلط المواد كما في الطريقة بس بخلاط الكيك
انا استعمل خلاط الكيك لأن ماعندي ست البيت

جزاك الله خيرا أختي **الياس** على ردك

شو شباب جربتوها

ياخت لبله شرفتيني انت وكل اللي فاتوا وشكرا على سوالك

بالنسبي لسوالك لا مش ضروري البيض ومادام هي من الاختراع من البال يعني فيكي تزيدي وتغيري حسب ماتحبي وحسب وترغبي مارح ياثر اوكي

اما بالنسبي لاخ نادارا ست البيت زي عجانه الكيك او الخلاط الكهربائ اللي هو مكينه وحدي وبتغيري شفراتها المهم ان يكون خفقها اسرع من اليد واهم شي انك تخلطي كل المقادير سويه عشان يتجانسوا

طبعا للتزيين فيكم تضيفوا عل الوجه مكسرات او جوز الهند او فاكهه مقطعه او كريمه شانتيه زي مابتحبوا تسدئوا زوجي مرة كنت عاملي بوزة يعني ايس كريم وكنت عاملي المارس بس كل وحدي لحال رح جاب البوزة وحطها كطبقه تانيه على المارس واكلها شي بجنن هههههههههههههههههه

وبارك الله في الجميع