بسم الله الرحمن الرحيم
كيفكم يا صبايا.. هلأ جبت اغراض للبيت و ناداني ابو السينامون بالسوبرماركت قالي عندي سينامون بده دقيقتين و بطلع من الفرن.. طبعا اولها قعدت افكر.. يا رنا .. انت عامله ريجيم و ما بيصير تاكلي سينامون من صباح الله خير .. بس خبركم .. رنا ام كرش.. ووقفت استنى بهالدقيقتين لحد ما يطلعوا السينيمونات من هالفرن ..
المهم .. ضربت صحبه مع هالهندي ابو السينمون و صرت ادردش معاه شوي و خليته يعطيني الصوص تبع السينامون كيف و ليش عندهم غير عن تبع البيت
اول شي
لازم يكون السينامون زي النار لما تحطي عليه الصوص ..يعني لسه طالع من الفرن
تاني شي.. الصوص عباره عن .. جبنه فيلادلفيا بتحطيها بالخلاط مع شويه مارجرين و سكر ناعم و روح الفانيا وروح الليمممممووووووون... و هذا هو السر لانه فيها شويه حموضه اذا بتلاحظوا و بعد ما اتطلعوا السينامون من الفرن على طول بتحطوا عليها الصوص من فوق و هو لحاله بيسيح... و بعدين بتحطوا كراميل فوق الصوص الابيض.. المره الجاي بجيبلكم طريقه الكراميل تبعتهم
أخذت السينامون و رحت عالسياره و اكلتها وهي سخته .. صح انفزرت.. بس هي طيبه!!!!!!
الروابط المفضلة