بسم الله الرحمن الرحيم

السلام عليكم ورحمة الله وبركاته



مرحبا لكل أخواتي بهالمنتدى الرائع

ممكن من فضلكن، اللي بتعرف طريقة عمل بسكوت للاطفال تخبرني؟؟

ابني عم يسنن ومغلبني، قالولي اعطيه بسكوت لحتى يعض ع سنانو

بس جبتلو من السوق، مابدو

فحبيت ساويلو بإيدي شي يكون مفيد ويعوضو عن نقص الأكل بهالفترة

فحبيباتي اللي بتقدر تساعدني بكون ممنونتا

وإلها ثوابي وثواب ابني

وجازاكو الله ألف خير مقدما


بعتمد عليكن ها......!

السلام عليكم ورحمة الله وبركاته
أخت ماسه اذا ابنك بطور التسنين يعني مازال عمره بالأشهر وأسنانه طبعا مو مكتمله فعملية المضغ عنده صعبه وما بيقدر ياكل الا الأكل الطري أو المهروس كليا او جزئيا واذا بدك اعملي بسكوت بيتي ممكن قطعه تنكسر بتمه وتدخل حلقه ويشرق فيها لا سمح الله
بدك بسكوت يكون مخصص للأطفال اللي بسنه وهوه موجود بالأسواق بأكثر من اسم انا كنت اعطي ابني جربر ولما تصير البسكوته صغيره شيلها من ايده حتى ما يبلعا واعطي غيرها واللي تزيد منه ما كنت ارميها دوبها بحليب وياكلها متل السيريلاك
البسكوت الخاص معمول بطريقه انه يدوب دوبان ما يتكسر تكسير بتم الطفل
واذا بدك تساعديه في جل مخدر للثه بس انتبهي ما تدهنيه على لسانه لأنه اذا تخدر لسانه رح يدايق كتير ويبكي حاولي بس تدهنيه على اللثه وكمان في لعبه خاصه بتحطيها بالتلاجه ولما تبرد بتعطيها للطفل يعض عليها بتبرد عليه اللثه
والله يفرحك فيه

نصيحتي لك اختي لا تعطي صغيرك بسكوت مسكر اولا لان اسنان ستكون عرضة لتسوس افضل شيء خدي قطع التوست انزعي عنها الحواف و قطعي اشكال متنوعة بقطاعة الحلويات او على شكل اصابع ليسهل عليه الامساك بها و ارسليها لفرن حام لكن حرارة هادية حتى تنشف و تبق مقرمشة اي حوالي نص ساعة و شوي احفظيها في علبة مغلقة و لا تخافي علىطفلك لان اللعاب كفيل يرطب التوست

الاخت الغاليه روزاليندا تسلمي يابعد عمري عالنصيحة

وكمان مبروك عيدميلاد ابنك الله يسلمو

بالنسبة للبسكوت والله لما خلص اتعبت قلت جرب البسكوت تبع البيت

مع اني جبتلو اكتر من نوع بس ماحبن ممكن لانن بلا سكر

رح جبلو لكلن اكتر من نوع وشوف اللي بحبو

وبالنسبه للجل جبتلو نوعين كل واحد بطعمة بس يقبرني او ما حطلوياه بلحسو ومابخليه بتمو

فمابعرف ازا عم يستفيد منو

والله مرات ببكي من قهري منو،مع انو صبور يقبرني بس بحس اني مافيني ساعدو

بس تسلميلي عالنصيحة

الأخت ام البنات

تسلميلي عالرد السريع ومعك حق والله بس مو ليطلعو سنانو يالأول؟؟؟!!!!

فكرة الخبز عجبتني رح جربها فورا

والحمدلله انو عندي اشكال حلوة للاطفال متل اشكال الحيوانات وقلوب ونجوم

والله يبارك فيكي عالنصيحة