بنات الله يخليكم ابغا طريقه مضبوطه للتراميسو لاني اخذت كذا طريقه بس مانفعوا وفيه حلى ثاني ذبحنى زوجي يبغاني اصلحه ذقته عند مطعم كنه رز امريكي ولذيذ

هلا طيف .......كأنك معايه على الخط......
انا اليوم ارسلك الخدامه تشتريلي مقادير التيراميسو واريد اجربها.......بس طريقتها ممممم
روووعه.......شو رأيك تنتظريني اسويها باجر ,,,,,,,وإذا نجحت ....اكتبلك المقادير......
انا بحطلك صورتها.....

السلام عليكم ورحمة الله وبركاته

وانا بعد في انتظارج
بس يارب تكون سهلة
وبدون جرامات

مع اني اعرف انها صعبة
ولها عدة طرق منها
بالكيك
والبسكوت اسهلها




تعالي ام وديمة
اختى مدحت المافينز اليوم ......وقالت لذيذ
ربيعت اختى تخبلت على كيك الحلوى

وين كيكة النعناع


تحياتي

لا تخافين طريقتها سهله بس إن شاء الله بسويها باجر......
آه يا مس شيف نسيتها اسمحيلي عزيزتي ........
ولا يهمج.......راح اكتبها.......

الله الله عالتيرماسو اللي يفتتتتح النفس..
لك شووووووووو هيدا يا ام و دووووووووووم...شئ بيعقققققققققققد والله
يالله استنى المقااااااادير..ابييييهم بسسسسرعة

هلا ام مووودي تسلمين عزيزي...........
هي التيراميسو في الثلاجه وانا صايمه...................إن شاء الله لما تخلص واتذوقها إذا كانت حلوه اكتبلكم الطريقه...........
بس شكلها يقول لذييذه بنشوووووووف ادعولي تطلع حلوه..........
لما اشتريت الليدي فينجر لقيت طريقة التيراميسو فيها وبداخل البسكويت كيس كاكاو بودره......
شو رأيكم اكتبلكم طريقتها بعد..............

طبعاااااا و قطططعا ياا عزيزتي..
شوووفي..اي شئ تشوفيه و تشتهيه..لااازم تنزليلنا اياااه
مو انت ذويقة..و انا صراحة شخصيا مقتنعة في ذوقك في الاكلاااات..

من عيوني عزيزتي.......

يا بنات انصحكم تجربونها تجنن ....تهبل بصراحه عجبتني .......
يالاله بسرعه بكتبها لكم.....علشان تجربونها......وتردون عليه........
المقادير:
بسكويت الليدي فينجر.....اصابع ...
بيضتين
ملعقه قهوه....
4 ملاعق طعام سكر ناعم
كوب ماء
علبة جبنة ماسكربون 500 جم..
ملعقتين Kahlua liqueur انا ما كان عندي ما حطيت غير قهوه...
شوكولاته مبشوره بالمبشره.....تقريباً 4 ملاعق كبيره ...او اكثر على حسب الذوق..
كاكاو بودره...للتجميل..
الطريقه:
نحضر قالب مربع صغير.نضع عليه المنيوم....
نخلط كوب ماء ساخن+ ملعقه قهوه...انا استخدمت قهوق جولد.....
نغطس كلا الجانبين بشراب القهوه....ونصف طبقه وحده من البسكويت على القالب....
نخفق البيض جيداً مع شوية فانيلا.....الى ان يثقل ثم نضيف سكر ونخفق مجدداً......
نخلط جبنة ماسكربون + 4 ملاعق صغير ه شراب القهوه......اللي عملناه....
ثم نضيفه الى البيض ونخفق مجدداً ....نضيف الشوكولاته المبشوره.....ونخلط..
نضع نصف الخليط على البسكويت......
ونصف طبقة اخرى من البسكويت ( بعد غطسها بكلا الجانبين بشراب القهوه)......
نضع طبقه الماسكربون ......وندخلها الفريزر ساعتان......
ثم ندخلها الثلاجه العاديه.....
وعند التقديم نضع كاكاو بودره.......
وبالهنا والشفا.......جربوها تراها لذيييذه....واعتقد احلى بالكيكه.....
اتمنى ان تجربونها......وخاصة طيف.......علشان زوجك.......يالله سويله مفاجأه.....

نسيت اقولكم.......تحفظ في الفريزر.......وقبل التقديم بساعه تخرج من الفريزو وتوضع بالثلاجه......لأن لما رحت اشوفها لقيتها شوي سائله.....فالافضل حفظها بالفريزر......
تحياتي....واعتقد لو تستخدمون الكيك بدل السكويت يكون احلى....