السلام عليكم ورحمة الله وبركاته
بماأن ماحد عطاني وجه اول مره نحاول مره ثانيه يمكن حد يتكرم ويتلطف ويتعطف ويرد (الله كريم)
نعطيكم هالمره حلى قهوه وانشاءالله يعجبكم
طبعا زايد هذا ولدي ومن كثر مايحبها سميتها على اسمه
المقادير: طبقة كيك شوكولاته اسفنجي (ارتفاع 1\2 سم)
غلافين دريم ويب
غلاف كريم كراميل
علبتين قيمر
م ص فانيليا سايله
بسكويت شاي
(1\2 كاس ماء مغلي + 1م ط نسكافيه +1م ط سكر)
للزينه : بيالة سكر + لوز مبشور ومحمص+2م ط او 3م ط ماء
الطريقه
1- نضع طبقة الكيك في قالب متحرك
2- نخلط الدريم ويب + الكريم كراميل +القيمر +الفانيليا بالخلاط ونضع طبقه رقيقه على الكيك ويدخل الثلاجه حتى يتماسك
3- نخلط النسكافيه مع الماء والسكر ونغمس فيها بسكويت الشاي ونرصه على الكيكه ونضع عليه طبقه ثانيه من الكريما ويدخل الثلاجه مره ثانيه
4- بعد مايتماسك ونطلعها من الثلاجه نذوب سكر الزينه على النار حتى يصير لونه بني فاتح ثم نضع عليه اللوز والماء ونحرك بسرعه ونصبه على الوجه تترك لتبرد ثم تقدم.
وبالعافيــــــــــــــــــــــــــه
الروابط المفضلة