طريقة عمل حلوى السنافر ( حلوى كراميل + شوكولاته بالبسكويت ) لذييييييييييييييذة يم يم
السلام عليكم ورحمة الله وبركاته
طبعا اليوم جبتلكم وصفة تاكلون أصابعكم وراها
نبدأ :-
المكونات :-
1- 2 بسكويت أولكر ( و ممكن اي بسكويت ثاني حلو مب مالح )
2- كريم كاراميل ( حسب الكمية اللي تبين تسوينها و حسب حجم البيركس اللي بتسوين فيه الحلوى)
3- 3 أكياس دريم ويب
4- 3 قشطة (قيمر)
5- 1\2 كوب سكر
6- بودرة كاكاو
7- 1\3كوب ماء
8- 1\2ملعقة حليب بودرة
9- كوب حليب سائل ( حسب الحاجة )
10 - شوكلاتة فليكس أو أي نوع آخر ( بار واحد)
الطريقة :-
1- اعملي كريم كاراميل مثل ما ذكرت حسب الحاجة طبعا اعملي كريم كاراميل بالطريقة العادية و اتركيها لين ما تجمد و يفضل تحطينها في الثلاجة علشان تجمد عدل علشان الطبقة تكون متماسكة أكثر مب كريمة.
2- اسكبي الحليب السائل في ملة و أغمسي البسكويت بالحليب و صففي البسكويت على قاع البايركس و سوي طبقتين تقريبا أو أكثر
3- الحينة نبدأ بالطبقة الأولى . أضربي الكريم كراميل الجامد مع 3 قشدة و نصف كوب سكر و 2 دريم ويب ( يفضل تستخدمين خلاطة الضرب التي تستخدم للكيك و يجوز استخدام الخلاطة العادية ) و أضربيه لمدة 5دقايق الين ما ينتفخ و يصبح جامد و اسكبي هذي الطبقة على البسكويت و بعدين دخلي الطبق بالثلاجة علشان يتماسك و ما يتداخل مع الطبقة الثانية
4- الطبقة الثانية . اضربي 1\2 ملعقة بودرة الكاكاو + 1\3 كوب ماء + 1\2 ملعقة الحليب البودرة و أضربي لمدة 7 دقائق الين ما يصير الطبقة جامدة و فاتحة مثل الكريمة و ادهنيها على الطبقة الاولى برقة علشان ما يتداخلون مع بعض ..
5- أخيرا بشري الشكولاته الجامدة ( الفليكس أو أي شوكلاته ثانية على الطبقة الثانية بكمية كبير علشان الشكل و المذاق )
و بالهناء و العافية عليكم
جربوا الوصفة و ما بتخسرون .. عطوني رايكم فيها ..
frfar
الروابط المفضلة