الغرييييييييييببة عشان العييييييييد
بسم الله الرحمن الرحيم
السلام عليكم و رحمة الله و بركاتهازيكم يا أخوات
وحشتوني أوي أوي ، معلش غبت عنكم كتييييييييييير عشان كنت مسافرة بس كنت باتابع المنتدى في النت كافيه بس على السريع،،،،،،،،،،،،،و تنفيذا لوعدي السابق بتقديم بعض حلويات العيد هاقدم لكم الغريييييبة و أنا عن نفسي جربتها و كانت النتيجة أكثر من ممتازة يا رب تجربوها وتطلع حلوة عشان تدعوا لي.
المقادير:
2 كوب دقيق.
كوب سمن.
نص كوب سكر بودرة.
معلقة صغيرة فانيليا.
أنصاف لوز أو بندق مقشر.
الطريقة:
نضرب السمنة كوييييييييييس أوي لحد ما تبقى هشة و لونها فاتح.
نضيف السكر مع الاستمرار في الضرب.
نضيف الفانيليا و نقلبها كويس.
نضيف الدقيق بالتدريج لحد ما تتكون عجينة يمكن تشكيلها(ممكن ما نستخدمش كل كمية الدقيق وممكن نزود شوية ).
نسيب العجينة ترتاح شوية و بعدين نشكلها كور صغيرة و نحط في وسطها لوزة أو بندقة و نرصها في الصينية و ندخلها فرن هادي لحد ما تستوي من غير ما يتغير لونها و بالهنا و الشفا.
رد مع الاستدلال
يا رب الغريبة تظبط معاكم و أهم حاجة فعلا زي ما قالت أم وديمة هو الخفق الجيد للسمنة و السكر، و بالهنا و الشفا 
كل عام و انتم بخير
الروابط المفضلة