علشان تقيل عالمعده سميد لوحده بدي اخلط السميد مع الطحين اللي تعرف طريقه بس ما يكون فيها حليب بودره ارجوكم تلحقني بدي اسوي بكره بأذن الله .انا مره سالت بالمنتدى عن كعك بطحين وطبعت الطريقه والى وقت الجد بدي اعمل لقيت فيها حليب بودره انقذوني شو احط بداله

أم يوسف من عيوني ..
بس مش اليوم
خليني افتش لك في دفاتر الوصفات اللي عندي .. وان شاء الله تعالى بالقى وصفة من غير حليب بودرة
قولي يارب.
سلام.

وعووووووووووود حبيبتي ما تطولي علي لبكره بدي ان شاء الله اسافر اعمل مع اهلي انا مبسوطه لأنها اول مره بعمل الكعك مع اهلي واخواتي يعني بكره بالنسبه لي عيد الكعك

اه نسيت وعود ارجوكي المقادير تكتبيها مش بمقدار كاس اكتبي بالكيلو انا ناويه اعمل 3 ك مخلوط مفكره يكون 2 سميد 1 طحين

وهاي طريقة المعمول بدون حليب بودرة

المقادير:
3 كيلو سميد
كيلو سمنة نباتية
وقية وربع زيت قلي
2 ملعقة صغيرة خميرة
رشة ملح
ماء دافئ حسب الحاجة
قليل من ماء الورد او ماء الزهر حسب الرغبة
سكر ناعم للتجميل

الطريقة:
احمي زيت القلي قليلا واضيفي له السمن وعندما يذوب اسكبيه فوق السميد وحرطيه بالملعقة جيدا حتى يمتزج السميد بالسمن وبسيه جيدا .. واتركيه مغطى اقل شيء 6 ساعات ويفضل بسه من الليل

ذوبي الخميرة بنصف فنجان ماء فاتر وملعقة سكر كبيرة ودعيه حتى ترتفع الخميرة ثم اسكبيها فوق الخليط وحركي جيدا ...
رشي الماء تدريجيا ولبدي بيدك حتى تصبح العجينة متماسكة وجامدة...
خذي قطعة بحجم البيضة وادعكيها بيدك جيدا (ضعيها بقبضة اليد واعجنيها بواسطة الضغط عليها بفتح اليد واغلاقها عليها بقوة)... ثم امسكي القطعة بيدك اليسرى عندما تطرى واحفريها باصبع اليد اليمنى دوري القطعة بيدك وانت تحفريها حتى تصبح العجينة رقيقة(نفس طريقة عمل الكبة)،
ضعي فيها الحشوة وسدي أطرافها جيدا.. وضعي الجهة المغلقة لأسفل ثم رتبيها اما بالملقط او القالب....
رتبيها في صينية واتركي مسافة بين الحبة والأخرى.. واتركيها حتى تختمر
اخزيها بفرن متوسط الحرارة حتى ينضج المعمول فتصبحالحبة متماسكة ولون اسفلها قريبا من الاحمرار
وصحتين وعافية ,وكل عام وانت بخير .. وبس تخلصي من عند اهلك تعي ساعديني...
ملاحظة
لحشوة العجوة يفضل اضافة لكل كيلو عجوة ملعقة قرفة ناعمة، هيل مطحون ورشة سمسم محمص وان رغبت يمكن اضافة رشة من كبش القرنفل الناعم (المسمار).

تسلم ايديكي يا وعود الخير..
بصراحة عمبتشجعوني اعمل معمول..سؤال يا وعود اديش الوقية..و سؤال تاني...جربتي هالطريقة و شو رايك فيها ..و اذا عندك طريقة اطيب برايك عطينا ياها عارفة راح نعزبك و نغلبك بس صراحة مشتهية اعمل معمول
شو رايكم مين اطيب بالطحين والا بالسميد انا جربت بالسميد و كتير طيب...واللي بطحين كيف طعمو
و شكراااااااااااااااا

شكرا وعوووووود غلبتك معي .كلك ذوق وشو انتو بتسووا عالعيد كعك ولا معمول ؟

أم مودي .. ربنا يبارك فيك يا ذوق انت غلبي ولا يهمك ياما غلبت قبلك..
عيوني الوقية هي الربع كيلو يعني 250 جرام وهذه طريقة الوالدة الله يحمها
بس انا بشوف ان الحليب بيعطي الكعك طراوة أكثر.. بتعرفي اهل زمان كانوا يخلطوا السمنة النباتي مع السمنة البلدي..
وبالنسبة لي بأفضل طريقة الكعك بالطحين وحتى في البيت بيفضلوا عن السميد لأنه اخف على المعدة وان شاء الله تعالى باعطيك طريقة الأخت ام سامر بكعك الطحين كثير طيبة وسهلة وكمان طريقة الأخت صافي .
طريقة أم سامر:
- 3 كوب طحين
- كوب سمنة سايحة
- عجوة
- بهارات الكعك (يانوسن،شومر، محلب مطحونين )
- ماء فاتر
- ملعقة خميرة
- ملعقة بيطنج باورد
- (حبة البركة + سمسم محمص حسب الرغبة)

الطريقة:
- نعمل حفرة في الطحين ونضع فيها السمنة السايحة، ونفركهم مع بعض جيدا ، ثم نضع الماء الفاتر ونعجنهم وثم نضع بهارات الكعك والسمسم ونضع الخميرة والباكنج باودر ونعجنهم مع بعض، وبعدها بنكون عجنا التمر بابلهارات والسمسم، وبعدين بتقطعي العجينة كرات صغيرة وبتحشيها بالتمر على شكل إسوارة أو عن طريق كبسها في القالب ...

طريقة saffy:
المقادير:
- كوب وربع حليب بودرة
- كوب وربع سمنة سايحة
- 6 ملاعق شاي سكر
- ملعقة شاي ملح
- نصف ملعقة من كل من (حبة البركة، سمسم، يانسون مطحون خشن، شومر مطحون خشن، محلب مطحون)
- نصف كوب ماء دافئ
- كوب حليب خالي الدسم
- 3 كوب طحين
الطريقة:
ذوبي الخميرة في نصف كوب ماء دافئ مع السكر وغطيه لمدة 10 دقائق، في هذه الأثناء نضع الحليب في خلاط الكيك ثم نصب عليه السمنة، بعدين نصب خليط الماء مع الخميرة ونضيف الملح مع الحليب السائل.
نخلط البهارات مع الطحين ومن ثم نضيفهم ملعقة ملعقة إلىالخليط حتى تتكون عجينة متماسكة ، اذا لاحظت ان العجينة في ايديك طرية كثير يعني ما بتتشكل أضيفي مزيدا من الطحين حتى تحصلي علىالعجينة المطلوبة ، شكلي الكعك حسب رغبتك وسخني الفرن لمدة ثلث ساعة ثم اخبزي..



أم يوسف .. ان شاء الله صحتين وعافية..
انا باعمل النوعين كثيرة غلبة شو تحكي.. سي السيد والاولاد بيحبوا الطحين والنواعم اللي عندي بيحبوا السميد.. فلازم ارضي الجهتين.

صحتين على قلوب الجهتين وانا عندي ابو يوسف بدو طحين لحاله والأولاد بدهم مخلوط وانا ماشي معي الجهتين كله زاكي الله يديمو علينا وعليكم بألف صحه وعافيه

بسم الله

اختى انا اعمل الكعك بخلط النصف سميد والنصف دقيق وبيطلع جنااااااااااااااان ورائع