بسم الله الرحمن الرحيم

طريقة عمل عيش السرايا :

رغيف كبير مدور خبز إفرنجي

يقشر الرغيف ويقطع إلى نصفين .

على وجه الغاز نضع صينية ونحق فيها كوب سكر ثم نضف عليهم 3 أكواب من الماء ، نتركهم على النار حتى يذوب السكر نهائياً .
نضع رغيف الخبز في وعاء ونضع فوقه السكر المذوب في الماء ونتركه حتى يتشربه .

الحشوة : 2 كوب حليب ناشف
1.5 ملعقة طعام سكر
1.5 ملعقة طعام كورن فلور أو طحين
3 أكواب ماء
نمزجهم ونضعهم على النار مع التحريك المستمر حتى يشتدوا ويصبحوا كريما .
ننزعهم عن النار ونضيف عليهم ملعقة صغيرة زبدة + 2 ملعقة ماء ورد وملعقة ماء زهر ونمزجهم مع الكريما .
نضع في طبق التقديم طبقة عيش السرايا ونرتبها ثم نضع فوقها طبقة كريما ونزينها بالفستق الحلبي الناعم .
ألف صحتين

تسلمي و على العموم رح أجرب وصفة الحشوة و ان شاء الله بتكون لذيذة لانه مش كل الوقت بيكون عندي قشطة

تسلمي على ها الطبق الحلو

يعطيكِ العافية

أهلين بإم مايا

عزيزتي طريقتك بتشبه طريقتي كتير ... الفرق أنا بعملها بخبز التوست منزوع الأطراف

وبحمره شوي تحت الشوايه من الجهتين وبعدين بضيف عليه القطر الساخن حتى يتشربه

طبعا بعد ما أصفه بالبايركس ...

أما الحشوه نفس حشوتك إللي هي شبيهه بالمهلبيه بس الفرق بعد ما تصبح زي الكريمه بضيف

عليها علبة قشطه وبحركها ... وبسكبها فوق التوست وبزينها بالفستق الحلبي

وكليها بارده يا سلاااااااام

تسلمي إيديكِ يا أم مايا

مشكوووووووووووورة حبيبتي

بس الخبز الكبير .. ماني عارفته

اوصفيه يالحبيبة

مش معقول يا النمرة.. نفس طريقتي... توارد خواطر والا شو الحكاية.
بس علشان التوفير احيانا باطحن الفستق الحلبي وبرش خطوط وخطوط من جوز الهند ..
ولما تكون الحالة تمام بارش الوجه بأنواع المكسرات والصنوبر..
يميييي شهيتيني وانا عاملة ريجيم.
على فكرة .. لكم سلام مربع من هنلي... لجميع الأخوات المشاركات في هذا الركن والمنتدى.

حبيبتي أحاسيس مرهفة الخبز الكبير نفس خبز الهمبرغر بس مدور كبير وهو خاص للعيش السرايا موجود داخل المخابز إنشاءالله . ( خبز إفرنجي )

شايفه يا وعود الحمد لله



المهم حسيت إسمه توارد بطون



أ و إنه إحنا التنتين نعدلات ... هيك زبطت ولا لأ ؟؟