كيكة ستي مشاركتي للغالية ام ماهر ^_^
يسعد صباحكم صبايا
الحمد لله خلصت امتحاني ورجعتلكم هههه
حبيت اشارك ام ماهر الغالية بموضوعها
طبعا هاي الكيكة الكل بعملها وكل وحدة الها طريقتها ولمستها الخاصة
انا بحب اعملها بسفن اب او ميرندا حسب
واولادي للاسف مابحبو هاد الكيك هههه بحبو الكيك الاسفنجي والكريما اكتر
نيجي للمقادير
٤ بيضات مع فانيلا ومعلقة خل صغيرة
كاسة ونص سكر
نص كاسة زيت ومعلقتين كبار سمنة
كاسة مريندا او سفن اب
كاستين طحين منخل مرتين مع بكيت بكنج باودر
اانا بحط استخدم خلاط العصير بحط البيض وبخلطو منيح لحتى يفتح لونو
بحط السكر وبخلط منيح وبعدين الزيت والمريندا
وبكون منخلة الطحين وبصب الخليط عليه
بنحرك بالخفاقة اليدوية
بنصب الخليط بالقالب المتعارف عليه
انا صرت ادهن القالب بطحينة اسهل من الطحين والزيت ومستحيل يلزق
وبخبزو بفرن محمى مسبقا عدرجة حرارة ١٧٠
بدو نص ساعة تقريبا
ان شاء الله يعجبكم وتجربوه كتير طيب وسوفت
في امان الله
Sent from my iPhone using منتديات لكي app.
الحمد لله الذي سخر لنا هذا وما كنا له مقرنين
رد مع الاستدلال
الروابط المفضلة