معمول العيد من مطبخي ..كل عام وانتو بالف خير.. ^_^

كل عام وانتو بالف خير
اهم حلو طبعا بالعيد هو المعمول
وكل بلد الها طريقتها حتى كل ناس والهم طريقتهم
احنا عنا بفلسطين الاغلب بنعمل المعمول بسميد لحاله
وناس بتحط سميد وطحين وناس بتعمل معمول طحين

عملت معمول السميد وصورته وانشاء الله يعجبكم
المقادير
3 كيلو سميد
2 كاسة زيت مازولا
2 كاسة سمنة سايحة (استخدمت سمنة مصرية بطعم الزبدة)
2 قالب زبدة
نص كاسة سكر ناعم
2 معلقة كبيرة يانسون مطحون
2 بكيت فانيلا
2 بكيت او ملعقة كبيرة بكنج باودر
خميرة ملعقة صغيرة
مسكتة مطحون ملعقة كبيرة

للحشوة
2 قالب عجوة يعني 2 كيلو
تقريبا نص اصبع زبدة سايح
مستكة مطحونة


الطريقة

اول اشي حابة احكي شغلات مهمة لنجاح المعمول
السميد لازم يكون ناعم بس مو سميد فرخة لا سميد ناعم
السمنة والزبدة بعد ما نسيحهم عالنار لازم نخليهم يبردو عالاااااااااااااخر
ازا كانت السمنة فيها شوية سخونة المعمول بخرب انتبهو
ماتكترو خميرة لانه بعد خبرة الخميرة بتخربه
اعجبنوه بمي فاترة من الحنفية
لازم السميد ننقعه 3 ايام وكل يوم نحركه مرة او مرتين
عند الخبز لازم النار تكون حامية متل المعجنات بالزبط
لو كانت النار مو حامية بصير المعمول متل الخبز انتبهو

نيجي للطريقة والصور

اول اشي بنسيح الزيدة والسمنة وبنتركهم يبردو منيح
بنحط عليهم طبعا الزيت السكر الفانيلا والبكنج باودر واليانسون المطحون
بنحركهم منييييييييييح




بس نتأكد انهم بردو بنحط السميد




هلأ بنسبه بايدينا منشان السميد يتشرب الزيت منيح



بنتركه 3 ايام متل ماحكينا وبنحركه كل يوم مرتين



هلأ بس نيجي نعمل المعول انا بقسمه تقريبا ل5 او6 اقسام
كل قسم بعجنه لحاله وبحط عليه رشة خميرة خفيفة وبعجنه بالمي
بشتغل فيه طوالي مابخليه يخمر لانه بس اخلص كل الكمية بخمر لحاله

ا

العجوة هون حطيت عليها شوية زبدة سايحة وملعقة صغيرة مستكة
بنعجنها منيح وبنكورها انا عملتها قبل بيوم
على فكرة طعم العجوة هيك بجنن وبعطي نكهة روعة للمعمول

معلش ماصورت خطوات تشكيل المعمول بظن الفكرة واضحة للجميع




هون جاهزين للخبز
بس نخلص خبيزهم بنخليهم يبردو عالاااااااااااااااااخر وبعدين بنشيلهم من الصواني
السكر الناعم بتحطوه وقد التقديم احسن

انا حطيتهم بس بردو بطناجر من البايركس






وهي صورة المعمول النهائية ماشاء الله لاقوة الا بالله



انا هون حطيته باوراق البليسيه كنوع من التغيير






المعمول بدوب دوب بالتم وطعمه بجنن ماشاء الله

ماتنسوني من دعواتكم

بكفيني هاي انا مش طماعه
تسلم يدك يا عسل مبين بذوب دوب الف صحه عليكم
كل عام وانتم بالف خير

ماشاء الله رائع
تسلم ايدك
كل عام وانت بخير

يسلمو يا غاليه كثير كثير كثير روعه

صحه وهنا على قلبكم دائما متميزة وفنانه الله يسعدك

كل عام وانت بخير وكل اهلك بخير

معمول بيشهي و روووووووووعة يا مجودة ما شاء الله تاكلوهم بالهنا بس ابعتيلي حصتي
كل عام وانتم بخير

السلام عليكم

الف صحه وهنا
لكن اختي لماذا كل هذا سمنه وزبده وموزيلا الا يكفي نوع واحد ...يعني مرجرين او زبده؟

معلش صبايا مو راضي يعمل اقتباس لردودكم بشكركم كلكم لانك رديتو على موضوعي كتير انبسطت انه عجبكم وكل سنة وانتو بالف خير يارب

ما شاء الله

معمول فاخر على الاخر

بس دسم كثير ههههههه

كل عام وانتم بالف خير


وصحة وهنا على قلوبكم المعمول يارب

ماشاء الله عنك مجد ابداع وفن
تسلم ايديك وعينيك وصحتين وعافيه

ممممممم
يمي يمي كتير بشهي
خلص أنا معزومة اليوم عندك بعد الفطور ع كعكة
عزمت حالي من حالي
هههههههههه