السلام عليكن بنات ...
انا حبيت هالمنتدى وايد وحبيت اعضائه اكثر لان الكل ماشالله متعاون ويشجع بعضهم بعضا .. وتحسين كأنج تعرفين الاعضاء من زمااان ...
ندخل بالموضوع ....
شفت موضوع لعمل كيكة الحامل .. وعيبتني الفكره وايد وقلت بطبقها ... بس اختي طلبت مني اني اسوي لها كيكه لانها عازمه ربيعاتها فالبيت .. و وحده من ربيعاتها توى مربيه فحبيت اهديها هالكيكه ...
طبعا كانت هناك مشاكل جمه واغلاط كثيره وكبيره وان شالله المره اليايه نتفاداها ...
وكان هناك استشارات من ام المجد ورندوش في عمل عجينة الفوندان وماشالله عليهن ربي يحفظهن ماقصرن بالمره واخجلوني بردودهن
ليش سميتها الكارثه؟؟؟...
لان
1- المارشميلو كان قليل بالنسبه للكيكه وماعندي حد اييب لي غيره.
2- السكر اللي استخدمته كان خشن شوي.
3- كل ما ازين يصيح ولدي الرضيع واتوتر بالشغل
4- وقت حشو الكيكه كان عندي وايد اشخاص بالمطبخ وانا ماعرف اشتغل فالحشره.
5- شفتي تاج السرير يوم حطيت القالب فالفرن وخلصت شفته جاهز .. بس يوم قطعت شريحه منه وببدا بالشغل شفت فنص الكيكه عجين ... يعني الكيكه مب مستويه من النص... شو سويت؟؟؟... شليت العجين من النص وحشيته بالفواكه والمربى وغطيته طبعا بالاخر بكريمة الزبده .. ولا من شاف ولا من دري.
6- قلت ان الفوندان كان قليل فلما كنت افرد الفوندان عالكيكه كان يتقطع عندي ويبين اماكن من لكيكه
الكيكه الاصليه على هذا الرابط ...
وهاي كيكتي انا اللي شغل تايوان ...
ماصورتها وايد لاني مب فرحانه بها ولا عايبتني بالمره ... المره اليايه بصور اكثر ^_^ ... حتى اني ماكملت المكملات فالزينه مثل الحذاء والفيونكه مع انهم وااايد كيوووت
سؤال لاصحاب التخصص...
بقت عندي كميه قليله من الفوندان ... اللي فيه السكر خشن .. شو ممكن اسوي به؟؟؟... هل اشكله باشكال عشان اتعلم عليه ؟؟؟ لاني مابا احطه على كيكه لان يوم تاكلينه تحسين بالسكر خشن
الروابط المفضلة