انا دايما اعمل مربي الفراوله بنفسي و طريقتي سهله جداااا
و الحمد لله بتطلع زي الجاهزه تمام لكن طبعا الفرق انها مضمونه و من غير أي مواد حافظه
[IMG][/IMG]
فقلت اقول لكم عليها ممكن حد يستفيد منها
طبعا بعد ما ننضف الفراوله و نغسلها
[IMG][/IMG]
نضيف لكل كيلو فراوله 1/2 كيلو سكر
و نسيبهم في وعاء في الثلاجه لمده 24 ساعه
هاتلاقي الفراوله بقت كده
[IMG][/IMG]
يعني نزلت ميتها كلها
و الفراوله بقت رخوه جدا
اهرسيها كويس بالشوكة (ها تلاقيها سهله جدا)
و بعدين اتركيها علي النار تغلي شوية مع التقليب من فتره لأخري
[IMG][/IMG]
مش ها تاخد اكتر من 15-20 دقيقه
لما تحسي انها ابتدت تعقد زي الشيره او القطر تبقي كده جاهزة
ضيفي ملعقة او ملعقتين من عصير الليمون
و اتركيها تبرد او تبقي دافئه بس و عبيها في البرطمانات النظيفه و الجافه
[IMG][/IMG]
[IMG][/IMG]
و لو ناويه تعملي كميه كبيره ممكن تحفظيها لمده سنه في الفريزر في برطمانات صغيره و تطلعي منها حسب الاستخدام
و يارب تكون عجبتكم
و مستنيه تشجيعكم ليا و ردودكم الجميله اللي عودتوني عليها
الروابط المفضلة