اخواتى كل سنةوانتم طيبين خلاص العيد قرب وكلنا بنفكر نبدأ نجهز حلويات العيد ومن اهمها البتى فور ... واحلى حاجة فى البتى فور انه يطلع ناعم وبيدوب ...
جايبالكم طريقة البتى فور اللى بعملها من سنين طويلة والحمد لله ببيطلع ناعم وجميل وهى طريقة ال (1) - (2) - (3) - (4)
اولا ال (1) وهى 1كوب سكر ناعم
ثانيا ال(2) وهى 2 كوب زبدة ساقعة جدا من الفريزر
ثالثا ال(3) وهى 3 صفار بيض
رابعا ال (4) وهى 4 كوب دقيق منخول
عرفتم بقى ايه هى طريقة 1-2-3-4 وهى طريقة سهلة الحفظ والتطبيق
الطريقة :
نطلع الزبد من الفريزر وهى على وشك التجمد ونضربها باليد لمدة 5 دقائق حتى تلين ويبقى لونها فاتح
وبعدين نضع عليها كوب السكر الناعم ونستمر فى الضرب باليد حتى يصبح لون الخليط ابيض وملمسه كاقشدة وناعم
نخفق البيض مع الفانيليا ونضيف خليط البيض لخليط الزبد بالتدريج ونقلب بالمعلقة ثم فى النهاية نضيف الدقيق المضاف له نصف ملعقة صغيرة جدا بيكنج بودر
بعد ذلك تتكون لديكى عجينة لينة نوعا ما اذا لاحظت انها لينةجدا فهذا معناه ان الدقيق الذى تستعمليه لا يتشرب السمن بصورة جيدة ضيفى كبشة صغيرة دقيق واعجنى العجينة ....
العجينه دى هتعطيكى نتيجة بتى فور ناعم وليس هش مقرمش مثل البسكوت وذلك للاسباب التالية
1- لم نستخدم المضرب الكهربائى ابدا لانه بيدخل هواء كتير للعجين بما اننا عايزين البتى فور يطلع ناعم وليس هش مثل البسكوت .. وده خطأ بتقع فيه الكثيرات ... بسمع شكوى من صحباتى انها اتبعت المقادير الصحيحة لكن البتى فور طلع هش مقرمش مثل البسكوت ...
2- انه مش بنضيف بيكنج بودر كتير وذلك لنفس السبب حتى لا تتكون فقاعات داخل البتى فور ويؤدى الى هشاشته وقرمشته لان العجين زى ما انتو عارفين فيها بيض كتير
3- استخدمنا صفار البيض وليس البياض لنفس السبب لان البياض دائما ما يؤدى الى قرمشة العجين
4- البتى فور لا يسوى كثيرا فى الفرن ولا يحمر وجه فقط يصفر قليلا
جربوه ومش هتندموا صدقونى
والللى تجربه ويعحبها ... تدعى لى ولاولادى .......وكل سنة وانتم طيبين
الصور منقولة للافادة
رد مع الاستدلال
[
كتبت بواسطة MRMR_2008
الروابط المفضلة