انا بشتري منه اثاث البيت يعني اشتريت غرفه النوم خشب اصلي ب350قبل 9 سنين واشتريت الغساله والنشافه قبل 5 سنين وكانوا جداد كان لهم 6 اشهر شارينهم الناس وباعوهم ومعهم الكفاله من هوم ديبوا 200 الاثنين
واشتريت الغاز ب120
وغرفه احمد ب100 دولار خشب وحلوه اذا بدكم بنزل صور
وبعنا الفان في نفس الوي سايد
بس عمري ما فكرت ابيع ملابس عليها يمكن زوجي ينجن
انا كنت اخذ الملابس معي علي عمان لاولاد اختي واخوي بس ما نزلت هذه السنه وبعض الاجيان بعطيهم لناس بعرفهم والباقي عندي يمكن اتبرع فيهم بس الاعاب لا بالكرتون جداد ما بدي ابيعهم بالخساره بفضل اعطيهم لناس بعرفهم افضل وباخذ ثواب

ما شاء الله تبارك الرحمن أفكار روعه يا غالية متابعين معك
ودي و احترامي ..

صاحبة المسك افكارك روعة روعة روعة الله يجازيكى خير وبانتظار المزيد
امانى حبيبتى فى الكفاح انا زوجى مثل زوجك تمام copy 2 هو دايما يحسسنى انى مش هاعرف اشتغل ولا اروح ولا اجى ولا اعمل حاجة بس هاقول ايه؟؟!!!!!!!!!!

الله كريم

أزولة وأنابيللا تسلموا لى يا غوالى

المرة اللى فاتت إتكلمنا عن البيع على كريجز ليست وبعض الملحوظات عليه وطرق الإستفادة منه




النهاردة هأكلمكم عن طريقة بالنسبة لى تعتبر المفضلة .. وإستخدمتها فى بيع الملابس المستعملة


وحاجات ولعب الأطفال المستعملة .. وهى محلات وأسواق البيع للغير أو ما يسمى بالــ


Consignment Stores / Fares

أولا أحب أعرفكم على الكونساينمنت ستورز


الكونساينمنت شوب هو محل للبيع للغير يعنى بيآخد منك الملابس مثلا ويعرضها للبيع عنده


فى المحل بتاعه فى مقابل نسبة من الربح .. أو ممكن المحل نفسه يشترى منكم الملابس واللعب


مثلا ويديلكم ستور كريدت يعنى زى كارت تشترى بتمنه من المحل أو يديلكم فلوس لكن بتكون أقل


يعنى مثلا لو البضاعة بتاعتكم تم تقديرها ب١٥٠ دولار بتآخدو كارد للستور تقدروا تشتروا


منه ب ١٥٠ دولار أو تآخدوا فلوس كاش بس بتكون أقل مثلا ١٢٠ أو ١٠٠ دولار على حسب سياسة المحل


ثانيــا : معارض البيع للغير


ودى بتكون عبارة عن سوق كبير مقام على أرض واسعة جدا وكل الناس بتعرض أشياء عندها


مستعلمة أو جديدة من ملابس أطفال لملابس حوامل ولعب وحتى حفاظات الأطفال وهكذا على حسب المعرض


يعنى المعرض اللى إشتركت فيه كان لكل الأشياء الخاصة بالأطفال أو السيدات الحوامل


المميــزات: من وجهة نظرى


بنلم الحاجات وبنعرضها مرة واحدة كلها فى معرض مدته فى الغالب ٣ أيام *


مش بأضطر أرد على تليفون إستفسارى زى كريجز ليست *


محدش بيتفق معايا على ميعاد ويخلفه زى كريجز ليست – مش دايما طبعا *


محدش بيعرف مكان البيت بتاعك زى الكريجز ليست أو الجراج سيل مثلا *


مش بأشيل هم السيكيوريتى وإن حد يسرق حاجة أو كده *


الشيك بيجي لي على البيت على طول ومضمونين *


ممكن أختار إن الحاجات التى لم تباع تتبعت للتبرعات للملاجئ مثلا ولأغراض خيرية *


الحاجات التى لم تباع وقمتم بالتبرع بها ممكن نعمل بيها ريبورت وتتحط فى التاكس بتاعنا *


العيــوب: من وجهة نظرى برضه


إعداد الملا بس لازم يكون على مستوى عالى وبيآخد وقت شوية علشان نحط البار كود والأسعار *


توصيل الأغراض للمكان وأرجع تانى أعمل بيك أب للأغراض التى لم تباع *


طبعا النسبة اللى بيآخدوها والإشتراك فى المعرض – حسب المعرض *


المنافسة بتكون قوية أكيد لأن بيكون فيه حاجات كتير معروضــة للبيع *


ملاحظاتــى

الماركات تباع بسرعة *


ملابس الأطفال الكبار تباع بسرعة جدا بالذات من ٦ سنين فما فوق *


ملابس البيبيهات بيكون فيه منها ملايين القطع – رخصوا التمن علشان تتباع *


لا تحاولوا بيع الملابس المبهدلة أو المتقطعة أو المبقعة .. سيتم رفضها من المعرض نفسه *


لو عايزين نآخد نسبة أكبر من مبيعاتنا يبقى نتطوع فى المعرض بيحتاجوا متطوعين كتير *


إشتروا لعب الأطفال من هناك بيكون فيه لعب كتير حلوة وجديدة كمان وأسعارها خرافة *


لو عايزين تشتروا ملابس ده بيرجع ليكم .. كتير هتلاقوا هناك ملابس جديدة بالتيكيت بتاعها *


المعرض اللى رحته وإتعاملت معاه إسمه جاست بتوين فريندز موجود بأغلب الولايات


ودى مجموعة من الصور أخدتها بنفسى فى السيل اللى فات





ملابس صيفية ومايوهات وعوامات كمان




أ

لعاب لكل الأعمار ودراجات وسترولرز ( عربات الأطفال) والواجونز بتاع الأطفال وكتير كتير





ملايات وبطاطين ومستلزمات غرف الأطفال





ملابس كل الأعمار من صفر وحتى ١٨ سنة





أحذية وشباشب وصتادل أولادى وبناتى وكل الأعمار


بصراحة معرض هائل ومنظم جدا وعندهم سيستم أونلاين تقدروا تشوفوا إيه اللى تم بيعه وبكام والمفروض يطلع لكم شيك بكام


إن شاء الله هأشترك بالمعارض القادمة وأنصحكم به وبشدة الحمد لله المرة اللى فاتت عملت مبلغ حلو $$ جدا جدا


هناك العديد طبعا من المعارض المشهورة ولكن لم أقم بتجربتها شخصيا مثل


وانس أبون أ تشايلد


ذا إكستشاينج أعتقد بتكساس فقط


كيدز كلوزيت


وغيرهم العديد من المحلات فقك إبحثوا فى جوجل وستجدون العديد من المحلات والمعارض


طبعــا مش عايزة أقول لكم إن دى الطريقة الى ناسبتنى أنا وظروفى لكن ممكن قوى دى ما تكونش طريقتكم


المفضلة وللمزيد من طرق الإستفادة من الملابس وكراكيب البيت تابعونى

ليوم ميعادنا مع الجراج سيل واليارد سيل




الجراج سيل أو اليارد سيل للى ما يعرفهوش هو سيل بتعملوه فى حديقة منزلكم أو بيشترك فيه


مجموعة من الجيران .. بيعملوا جراج سيل .. زى سوق بتبيعوا فيه كل حاجة مش محتاجينها فى البيت


لعب … مجلات … ملابس بكافة الماركات والمقاسات .. أدوات مطبخ .. أدوات كهربائية وهكذا


وهذه بعض من انصائح المفيدة لعمل جراج سيل ناجح


١- المكـــــان


مكان الجراج سيل مهم جدا جدا … يجب أن يكون فى مكان مزدحم ومعروف


لو عايشين فى منطقة نائية أو مكان بعيد عن الطرق الرئيسية .. حاولوا تشوفوا


أحد من أصحابكم يسكن فى منطقة أكثر إزدحاما مثلا وتستعيروا أو تأجروا


منه الجراج أو اليارد بتاعه فى يوم هم مش موجودين أو مسافرين مثلا أو حتى موجودين


٢- الزمـــــان


زى ما المكان مهم أيضا توقيت الجراج سيل مهم جدا جدا فمثلا لا تحاولوا عمل جراج سيل فى


أيام الصقيع الشتوية والثلوج وأيضا كذلك أيام الحر الرهيب إختاروا الشهور اللى بيكون فيها


الجو عندكم معتدل فى أغلب الأيام … أيضا راجعوا النشرات الجوية وإدخلوا على الويب


سايت بتاع النيوز أو الويذر تشانيل للتأكد من أنها لن تمطر فى اليوم الموعود


أيضا لاحظت فى منطقتنا إن الويك إند هو أحسن وقت نعمل فيه جراج سيل .. راجعوا المنطقة


بتاعتكم وشوفوا فى الكريجزليست تقدروا تعرفوا الجراج سيل الناس بيعملواه إمتى تقريبا


٣- العمــل الجماعــــى


كلما زاد عدد الأشياء المعروضه فى الجراج سيل كلما زادت أعداد الزبائن


وبالتالى المشتروات إعملوا والتى فاميلى جراج سيل إستفيدوا إنتم وأصدقائكم


على شرط كل واحد تكون أغراضه بجانب ويآخد باله منها كمان كل واحد يهتم بفلوسه


لأ توزيع الفلوس بعد البيع بيكون صعب جدا فكل واحد يخلى باله من حاجته ويلم فلوسه بنفسه


أضمن بكتير وإختاروا الباك يارد الأوسع فى منازلكم وكمان اللى موقعها أحسن


٤- الإعلان … الإعلان .. الإعلان


الإعلان عن الجراج سيل بتاعكم مهم جدا ممكن تعلنوا فى الجريدة المحلية وده


هيكلفكم حوالى ٣٠ دولار للإعلان لمدة ٣ أيام .. وفى الغالب الإعلان فى


الجريدة المحلية على الإنترنت يكون مجانى … وأيضا مهم جدا الإعلان بكريجز ليست


ناس كتير من اللى بيحبوا يروحوا الجراج سيل بيدوروا فى الكريجزليست أولا


٥- طريقة وكيفية عرض المعروضــات


ودى خطوة مهمة جدا جدا قبل يوم الجراج سيل لازم تعرفوا بالظبط هتعملوا إيه




لازم نشوف إزاى هنعرض اللعب والملابس وادوات المطبخ وخلافه لازم تعملوا إسكتش كده


يكون فيه طريقة وأماكن عرض المعروضات وتشوفوا إذا كنتم هتحتاجوا طاولات إضافيه أو صناديق أو أو


٦- عمــــل اللافتـــــات


مهم جدا اللافتات تكون واضحة بخط كبير وواضح للمارين بالسيارات من جوارهــا


كمان ما يكونش فيها كلام كتير لأن الراكبين بالسيارات ما فيش وقت يقرأوا كلام كتير


يكون بها سهم للإشارة إلى المكان يمين شمال أو على طول ويكون واضح وكبير


ويكون تحته مكتوب المواعيد من كذا لكذا أيام إيه بالظبط وفيه شوية نقاط يجب مراعاتها


حددوا مين اللى هيعمل اللافتات ويخلصها إمتى بوضوح ::


أيضا حددوا مين اللى هيقوم بوضع اللافتات بالشوارع وأى شوارع ::


ولازم تتأكدوا من المدينة أولا شروط وضع اللافتات بعضهم يمنع وضعها على الأشجار أو الإشارات ::


فلازم تتأكدوا الأول من ضوابط وضع اللافتات وإلا تعرضتم لغرامة


٧- وضــع الأسعـــار


يجب وضع الأسعــار وبوضوح على المعروضــات وخليكم مستعدين للتفاوض


أيضا أحب ألفت إنتباهكم إن القادمين للجراج سيل عايزين يشتروا أغراض بأسعار


زهيدة تشعرهم إنهم أخدوا صفقة ناجحة علشان كده ما تحطوش أسعار عالية لأنها


مش هتتباع وبدل ما الكراكيب مركونة فى البيت من الأفضل التخلص منها ولو بسعر


أقل بكثير مما إشتريم به


٨- صندوق للنقـــود


لازم يكون معاكم صندوق للنقود وخلو فيه شوية فكة يعنى كوراترز ودايمز وكده


كمان لازم يكون فيه حد متفرغ للصندوق ده ويكون معاه ورقة وقلم لتدوين


كل ما يتم بيعه وبكام لسهولة الحساب بالنهاية


٩- عروض آخـــر السيل


فى آخر السيل نقول مثلا آخر ٣ ساعات أو أكثر ممكن تعملوا عروض


مثلا كل شئ بنصف الثمن أو تقوموا بوضع صندوق كبير وتكتبوا عليه كل شئ


ب ١٠ سنت أو تجيبوا أكياس بلاستيك وتقولوا إملئوا الكيس ب ٥ دولار .. وهكذا للتشجيع


١٠ – الليمون والكوكيـــز


ما تنسوش طبعا ستاند لليمون والكوكيز المصنوعة بالبيت ولو الجو بارد يمكنكم بيع


القهوة والهوت تشوكليت وأيضا البانكيك الساخن الطازج كل ده يباع سريعا فى الجراج


واليارد سيل … وفرصة لتعليم الأطفال طرق بسيطة لكسب المال وتعليمهم التعامل مع الكبار



والبيع عد الفلوس وحسابها بطريقة صحيحة ودى حاجة بتبسطهم جدا جدا وتعليميا مفيدة جدا جدا


دى كانت مجموعة من النصائح اللى أتمنى تفيدكم لو قررتم تعملوا جراج سيل

ماشاء الله تبارك الرحمن ,,, موضوع راااااااااااااااااااااااااااااااااااااااااائع ,,, اختي عندي استفسار يخص معارض بيع ملابس الاطفال وخصوصا الالعاب كيف ممكن نلاقي المعارض الي قريبه منا

موضوع روعة مسو كه ،أنا فتحت swag بكس ههه وصلت ١٠٨
حبيت أفيدكم جربوا في البحث quran تربحو ٨ بكس
أرجو كل وحده جربت بحث ربحت منه تحطلنا شو بحثت
جزاك الله كل خير على الموضوع كله روعة يستهل تثبيت و تمييز

kaman jarabt fi search: aldaleel altijary
rah terbaho 8SB
yallah meen yzawed

where are you?