السلام عليكم ورحمة الله
وحشتونى اوىىىىىىىىىىى
انا رجعت للمنتدى بعد سنين غياب كنت عضوة قديمة وانا فى مصر وانقطعت فترة بسبب احداث لاتخفى عليكم والان انا اجدد اشتراكى من استراليا
مش هاطول عليكم هادخل على المفيد على طول
انا ولله الحمد كنت حد active جدااااااااا قبل زواجى شغل واصدقاء وخروج وفسح ومش اى شغل شغلى كان فعلا بيحتاج طاقه ومجهود ووقت كبير
دلوقتى انا متزوجة من حوالى سنة ونص وعندى بيبى ماشاء الله ربنا يحميه عنده 6 شهور والحمد لله وعايشة مع زوجى فى سيدنى لحد كده تمام؟؟؟
لا الحقيقة هو مش تمام اوى يعنى
اولا حصل عندى تغييرات كبيرة فى حياتى من السفر طبعا انتو عارفينها مفيش اهل مفيش اصحاب مفيش حد تتكلمى معاه وتفضفضيله
ثانيا صحتى والحمد لله على طول فى النازل (مش باتكلم عن الارهاق والكلام ده لا انا عملت اكتر من عمليه بعد الجوازمع انى كنت كويسة جدا قبل ما اتجوز ومش باشتكى من حاجه )
ثالثا ودى فعلا اللى مجننانى انى بقيت قاعده فى البيت باستمرااااااااااااااااااااار وقمة الملل والفراغ اللى اثرت على اعصابى جدااااا وبتخلينى دايما متضايقة ومكشرة فى وش جوزى اغلب الوقت
هتقولولى عندك ابنك , صح؟
الله يخليلى ابنى الحمد لله من النوع الهادى المريح طلباته يادوب اكل ونوم وتغيير الnappies وحتى بيلعب لوحده مع لعبه
هتقولولى شغل البيت ؟
ياجماعه مانتو عارفين اومال انا ليه حطيت التوبؤيك فى قسم المغتربات , كل حاجه هنا ماشية بالزراير وحتى الطبيخ بيجى من السوبر ماركت شبه جاهز ومش بياخد وقت
انا عايزة حد يفيدنى بتجربته انتو بتقضو وقتكم ازاااااااااى ؟؟؟؟
الروابط المفضلة