ما شاء الله عليكي يا مسوكة
حاجة تفتح النفس اوي اوي
الله يقويكي على الباقي
وفي انتظار البقية.

مايا .. pingo>> هي مسوكة كمان استعملت الصودا في تنضيف الفريزر .

مسوكة حلوة فكرة الصودا لمسح الثلاجة
وفعلا تمنع الروائح من الثلاجة
انا قرأت ملف عن الصودا واستعمالتها في التنظيف بالفعل رائعة بس كان هادا في ركن التنظيف والتجارب المنزلية.

فينكم ؟؟؟؟ يعنى مش شايفة ولا واحدة فيكم فى إيدها مقشة واللا جلانش واللا فوطة مبلولة!!!
قومى يا بنت إنتى وهى إشتغلوا فى البيت

هههههه أبلة الناظرة جت

وحشتكم مش كده؟؟؟ والدليل إنكم مفتقدينى ... صح؟ << وااااثقة من نفسها

طيب طيب أنا هأقول لكم كنت متخبية فين ...
كنت مشغولة مووووت بموضوع الإنتخابات أصلها بدأت عندنا من يوم الجمعة وحتى الجمعة القادمة وإحنا هنرسل بالبريد يعنى إديلها يومين واللا حاجة علشان توصل وأنا ما كنتش عارفة أى حد ومنتظرة بقى المناظرات والمناظرات إتأخرت حاجة تقرف والله ... المهم بقى إستعنت بالله وبحثت فى الإنترنت ودورت وإستخرت وخلاص الحمد لله تم الإنتخاب وربنا يستر

إدعوا يا بنات لمصر والدول العربية كلها ربنا يول علينا خيارنا يا رب ويفرجها علينا جميعا وعلى أهلنا بسوريا آمين

أم جوجو ... كيفك يا قمر ... فين يوميات التنضيف بتاعتك

فعلا الصودا وكمان الخل بينضفوا حاجات كتير قوى ومش غاليين وجرين Green

أخبار التنضيف إيه وصلتى لغاية فين؟

بعد ما روقنا التلاجة والفريزر وروقنا نفسنا






وكالعادة نبدأ يومنا بالأذكار والإستغفار وطلب العون من الرحمن





ونشرب القهوة ونتمزج ونتكيف وخدى نفسك بالراااااحة على الآخر





مش عايزين إستعجال وكروتة فى التنضيف





الواجب اليـــوم





تنضيف فوق التلاجة وفوق الفريزر وفوق دواليب المطبخ





هنشيل الحاجات كلها





ونمسحها وننضف مكانها كويس





لو تحبى ممكن تفرشى حاجة تحتها قبل ما ترصيها تانى





ممكن ورق جرايد بحيث إنه ميبقاش باين





أو ممكن مفارش بلاستيك أو ممكن من غير حاجة خالص





ولو هتعزلى يبقى تشيلى كل حاجة فى الكراتين



زى ما إنتى متعودة وأى حاجة مالهاش لازمة تتشال على طول وبلاش كركبة






متـابعة اليوم الحادى عشر من هنــــا

نخرج شوية بقى من المطبخ بعد ما تعبنا فيه اليومين اللى فاتوا






ولسه... بس هنرجع له بعد ما نآخد منه بريك يومين الويك إند دول





برضه نفس السيناريو بتاع الترويق والشاى والقهوة





وبعدين الواجب بقى مش عايزين دلع





دولاب الأولاد





آن الأوان إننا نقوم بطى لبس الأولاد الشتوى وترتيب الدولاب بتاعهم





نلم اللبس الشتوى ونعينه فى كراتين أو شنط





ونطلع الصيفى ولو إنتى مسافرة زى حالاتى حطى جزء كبير من لبسهم بالشنط





والحاجات الصغيرة أو اللى مش هتستخدم تانى نتصرف فيها زى ما قلنا قبل كده





متابعة اليوم الثانى عشر هنــا

وده اليوم ال ١٣

بما إننا فى الويك إند ومش عايزين شغل جامد بقى ونضيع الوقت




هنعمل النهاردة حاجة بسيطة بإذن الله




بعد الترويق كالعادة والإستعانة بالله




ييجى الواجب النهاردة




وهو غسل ستائر الحمام ( ات) لو عندك أكتر من واحد




بس هو ده كل اللى مطلوب منكم




متابعة اليوم الثالث عشر

اليوم ال ١٤ .. ده كان إمبارح الأحد

اليوم الأولاد فى البيت علشان كده لازم نشغلهم شوية





أهه على الأقل يطلعوا الطاقة فى شئ مفيد غير إنهم يتخانقوا مع بعض





اليوم يوم لم وفرز وتنضيف اللعب





ودى هتكون مهمة الأولاد لكن بإشراف مباشر من أحد الأبوين





أولا : يتم فرز كل اللعب والتخلص النهائى من اللى مالهوش لازمة





ثانيا: تنضيف كل اللعب المتبقية إما بالمسح أو الغسيل فى الغسالة لو ينفع





ثالثا كل اللعب ترجع مكانها لو إنتو مش معزلين وتتوضب الأرفف بتاعتها





أما لو هتعزلى زى حالاتى يبقى كله فى الكراتين يتشال وعلى المخزن مباشرة





وأشوفكم فى المتابعة ... شدوا حيلكم

مسوكة حبيبة قلبي

الله يوفقكم يارب لاختيار الاصلح وان شا ء الله يعم السلام والمحبة في مصر وجميع الدول العربية.

انا اخبار التنضيف عندي عادية لاني مشغولة مع ابني جواد عنده مواعيد مع الدكتور في مدينة بعيدة عنا شوية ومش بلاقي وقت للتنضيف والتعزيل يادوب ارررجع واحضر الاكل واروق عادي
بس انا متابعاك وعاجبني اسلوبك .

لانو اذا بنعمل مرة وحدة التنضيف بنتعب ... واحسن شى وحدة وحدة .

وخصوصا انو انا ضهري كمان بيوجعني لما اشتغل كتير.

حبي لكي يا عسولة.