الله يسر سفرك و يهون غربتك و غربتنا يا رب
ما شاء الله اماني كفت و وفت و ما خلت شي الا ذكرته الله يجزاها كل خير
بس انا بختلف معها بالنسبة للمضادات و الادوية لانه الادوية هون مفعولها اقوى و بتجيب نتيجة اسرع من الي من بلادنا
و الواحد بخاف انه يستسهل الموضوع و يعطي الدوا هيك
و احيانا الدكتورة تبعت بناتي اذا اخذوا مضاد و لا سمح الله مرضوا مرة ثانية بعدها بفترة قصيرة بتعطيهم مضاد ثاني لانه ما بيصير ينعطى نفسه مرتين بفترة قصيرة و هيك
اما بالنسبة للاسنان انا معها مية مية هههههه و اختاري دكتور شاطر
انا بجيب معي البهارات كلها حب و بحطها بالفريزر و بطحن اول باول مثل كزبرة و فلفل اسود و كمون و بجيب قرفة و ورق غار و لومي و هيل و سماق ووووو مثل هيك
او اللي بتكون مخلوطة مثل بهارات الفلافل او الكبة او الكبسة و اذا خلصت اكيد انتي بتخلطيهم و هيك
كمان بجيب معي المرامية و النعنع و الزعتر الورق او الزعتر للمناقيش اللي بينحط مع زيت
بس اذا انت جاية بوسم الزراعة اللي هو اسه
فجيبي معك شتل من البلاد و ازرعيهم عندك
بتصيري تعملي مونة السنة و هيك
طبعا هون فيه شتل لهيك بس بتحسيه انه عندهم البري
انا لانه بناتي صغار و طبختنا صغيرة جبت معي السنة الماضية
ورق عنب و حطيته بالقناني و نشفت باميه و ملوخيه و جبت فريكة ..ههههههههه يعني معي وزن لازم استغل الموضوع خخخخخخخ
و بالنسبة للزجاج انا بجيب معي كاسات الشاي و فناجين قهوة و كاسات العصير و حتى كاسات المي لانه بالبلاد فيهن شغل كثير و احلى و ارخص من هون
بلفهن بورق الجرايد و بحطهن بين اللبس ما بيصير عليهن شي
و دلة القهوة كمان جيبيها
و مثل اماني جيبي مناظر من بلادك لانه هون بتحتاجيها او بتشتاقيلها
و كمان هون بيعملوا يوم للثقافة البلادان و كل واحد يجيب عن بلده شغلات و اكيد اولادك رح يشاركوا فيها
انا بعيد الفطر و الاضحى بزين البيت جبت معي هلال رمضان و الفوانيس ع كهربا بس جبت الها محول من هون
اللبس انا بالنسبة اللي الشتوي قللي منه قد ما تقدري
لانه هون ابداااااااا ما رح تقدروا تلبسوا الصوف او اللبس الثقيل اللي داخل البيت
لانه هون تدفئة مركزية و حتى لما تروحي ع المول او زيارة مستحيل تقدري تلبسوا لبس ثقيل
و اللبس الخفيف جيبه بس هون اللبس بتالتنزيلات بصير رخيص كثير و بيوصل لدولار
و ممكن مش ماركة بس بيوفي غرض و كويس
و اكيد رح تصيري تشتري من هون حسب الموديلات فما تكثري منه معك
لبسك انت الجلابيب و العبايات كثري و قصريه و زبطي الطول من البلاد لانه الخياطين هون غاليين و بتكبي اللبس و لا بتزبطيه اوفرلك
و حسب منطقتك ممكن تلاقي خياطين سعرهم رخيص يعني احنا هون الخياط بياخد 20 دولار بس بشيكاغو بياخدوا 5 و هيك
هذا الي متذكره لانه اماني ما شاء الله ذكرت كل شي و انا معها بكل شي حكته
الروابط المفضلة