انت يا بنت انت وهو وصايا ابو الفضل الست لبيت رومانسى
انت يابنت انت وهى
جره ايه يا استاذ محمد بت ايه بس
ايوه بنت وستين بنت لازم تشعرى وانت
بين يدى زوجك انك بنت وتدلعى عليه دلع البنت
على باباها واشعريه بانك تحتاجى له فى كل امور حياتك
المهم مش ده موضوعنا موضعنا اليوم كم وصيه هاتى ودنك
علشان الرجاله ماتسمعش ويزعلوا منى
اولا: الراجل بيحب يعيش فى دور النجاح والتفوق وانه خلص كله حاجه
وان هو الواد الجن الى لا بيهدى ولا بيون
دايما اشبعى رغبته واوعى تحسسييه بفشله اديله الاحساس
انه شاطر وانجز المطلوب بنجاح منقطع النظير اياكى تحسييه بالفشل
او التقصير او العجز لو عملتى كدا هيموت فيك مووووتثانيا : الرجاله مش بتحب اللت والعجن وتفاصيل الامور حاولى لو بتعرضى مشكله
لخصى وجيبى من الاخر جهزى كلامك قبل ماتقوليه واختارى الوقت المناسب
وانجزى واياكى تفضفضى انفعلاتك عليه مره واحده
هيخاف منك كل شويه امك كل شويه العيال
لو عندك مشكله روقى واهدى واكلمى معاه وانت على رواق ماشى ياجميلثالثا : الراجل مننا بيحب يفصل شويه يعيش فى غيبوبه لما يوصل البيت
شفتى الموبيل بتاعك لما تريحيه وتفصليه شويه وتشحنيه اهو الراجل كدا
شايفاه جاى من الشغل وانتخ على كنبه وفارد ظهره وخالق عالم عايز يعيش فيه
لواحده يفصل عن الكل عنك عن العيال عن كل شيىء عايز يبطل عقله عن التفكير
فى اى حاجه زى البيات الشتوى اياكى تخترقى عالم الانتخه الى هو فيه
راقبيه من بعيد لبعيد وسبيه يعمل اعاده تشغيل لاجهزته الحسيه والمعنويه
لو دخلتى عليه انت حره خربتى عليه الانتخه وهيرجع يشحن من اول وجديدرابعا : لما ينتقد حاجه فيكى ده مش دليل كره او بغض ليك ده دليل حب وعايزك تتغيرى
للاحسن فهو شايف لما يقولك حاجه سلبيه افضل ما يكتمها فى قلبه وبالتالى بعد فتره
ينفر منك خدى نصحته وناقده بحب وبلاش حساسيه مفرطه وماتكليش سمك ولا بيضخامسا :بيصمم يشوف العالم من وجهة نظره اللى اكيد صح.. عشان هو دايما صح..
لو عايزاه يقتنع باللى بتقوليه فهميه انه صح..وبعدين اشرحي حيستجيب بجد ليكى
يعنى بتتناقشوا فى موضوع لما تيجى تردى قولى مظبوط كلامك صح حبيبى بس لو كان
كدا هيكون واوو اوعى تنطحى وتقولى ايه ده فكرك غلط اسلوبك غلط مش
هيسمع للى جبوكى ههههههه ولا هيعبرك مفهوم
سادسا : بصي بأه المعضلة ده... بيحب يحس انك محتاجاه وانه اولوية عندك...
بس فى نفس ذات الوقت بيحب يحس انك ليكى حياة خاصة بتبهره .. فاوعى
تفتكرى تركك لحياتك للتفانى فى حبه حيسعده... بالعكس حيطفشه.. هو قمة الانجاز ان
الانسانة المبهرة ده بتاعته.. متبطليش ابهار ومتبطليش تحسسيه باحتياجك له
اوضح اكتر اوعى تدلقى عليه وتكونى مرميه اوى الراجل بيحب الحاجه الصعبه خليلكى مبهره
فى كل تعاملك مع اهلك اهله جيرانك علشان جواه يقول البت الموزه دى مراتى ويمسك فيكى
باديه واسنانه
سابعا :حبه مترجم فى تصرفات اكتر.. اهتمامه ببيقي واضح فى مسؤوليته تجاهك.. حاولى
متركزيش بس على الشوق الشوق.. وشوفي كل تصرفاته وقدريها... لان عدم التقدير رسالة له بالفشل.
. ولو حس بالفشل... حتبقي حياة كئيبة انا بقولك اهه
بمعنى انه ممكن يكون بليد فى كلام الغزل والعشق والتعبير عن حبه بلسانه بس والله بتصرفاته معاكى
عاشق ولهان ومتيم بيكى خوفه عليكى ماتطلعيش فى البلكون من البرد ثقلى وانت طالعه
كونه يتهبب ويروح شغله وصابر على مديره ماهو عشان بيحبك انت
وولادك وعايز يوفر ليكم حياه كريمه ومستتك ومخليكى ما تحتاجى لحد
فاكره يوم ماكنتى بتولدى اد ايه خوفه ورعبه عليكى
فاكره لما مرضتى كان بيجرى ازاى علشان يجبلك الدواء
والله ياشيخه انت مفتريه هو لازم يسرح بيك بكلمتين الفعل والله افضل الف مره
بس نعمل ايه بتموووتوا فى الكلام حتى لو ماعملش حاجه
اظن كدا ميه ميه الى هتعمل كدا
وجوزها زعلها تجيلى نخلعه مايستهلهاش
والى ماتعملش تتحمل الى هيجرالها
تشتكى بيكلم ستات على النت وسهران معاهم
ماهو من فشلك يافالحه مش عارفه تسيطرى ياخيبانه
انا تعبت سلام عليكم
رد مع الاستدلال
الروابط المفضلة