السلام عليكم ورحمة الله
انا الان حامل و لله الحمد و الشكر فالشهر الرابع يارب يقر عيني بطفلي او طفلتي سليم او سليمة معافى يارب. و عندي الحمد لله بنوتة زي قمر ربي يحفظلي اياها يارب و يجعل اولادي من عباد الله الصالحين. و حياتي ماشية الحمد لله بيجو مشاكل و بيروحو الحمد لله على كل حال و الحياة تستمر. الان حماتي بدها ولد و خوات زوجي كلهم حاشرين مناخيرهم فحياتي و بدهم يعرفو ايش عندي ولد و لا بنت كان استغفر الله العظيم الامر بايدي و كلهم عاملين فيها رابعة العدوية يعني الصلاة و الدين و اللي بتجيها فرصة تروح تعتمر و لا تحج ما بيفوتوها. لكن بعاملوني كاني اذا ما جبت الولد كانو فيا نقص و حماتي ست كبيرة هي سبب كل هالارق و من يوم جبت بنت و هي مستلماني بدها ولد بدها ولد. وزوجي قالي لو ما جبتي ولد امي راح تروح فيها. 🙀 بيني و بينكم مش فارقة معي.اللي يجيبو ربنا كويس لكن هما معيشيني فضغط و توتر مش طبيعي بسبب هالموضوع حتى اني بطلت اتصل و لا اطمن على حدا منهم و لا حتى ارد على اتصالات حماتي لانها بتسممني بحكيها المنمق اللي كل نفاق و كذب بس عشان اطلع مني معلومات عن زوجي اللي هو ابنها للاسف.
و هلا بدها يا عيني عليا تزورنا المشكل مش انها تزورنا المشكل انها بتحشر مناخيرها بتسويلي فيها ام العريف فكل شي عاملة زي القلم الاحمر بس بتصحح مش عارفة انو كل واحد حر فحياته. لكن بما انه ابنها فبدها اياه يعيش هيك و بهيك اسلوب و ياكل هيك و مش عارفة ايش. و انا كمان بتدخل فحياتي انا كمان.
و بتقولي كلام عن جد بمسك حالي بالعافية و ما برد عليها عشان ست كبيرة و بقول مع حالي الله يكون معي لما اكبر.
لكن ايش رايكم فموال انهم بدهم ولد و الا امهم راح تروح فيها ههههه هادي عن جد لحالها نكتة.
الروابط المفضلة