قصتي طويله قصة معانات استمرت ولا تزال مستمره لمدة اربع سنوات وللأسف الشديد سببها اقرب الناس لي امي وابوي
راح اختصر لكم قد ما اقدر انا متزوجة من اربع سنوات وانا البنت الوحيده والكبيره خطبني إنسان على قده وانا من عايله مستواها اعلى من متوسط
وافقوا امي وابوي على الشاب اللي اكبر مني ب سنه ونص وهم عارفين وضعه وكانت السنه الاولى اصعب سنه في حياتي
كانت عنده شوية ضغوطات ماليه بسبب دخوله في التجاره وتم النصب عليه فكان كل شي متعقد
تأخرنا في شراء الشبكه وبحكم ضروفه دفع مبلغ بسيط من قيمة الشبكه ومع اعتراض أهلي آلا انهم كملوا لي باقي المبلغ
وشروا لي شبكه عليها القيمه ولم نستطع شراء الدبله فتسلفنا المبلغ من امي وسددناه لها على دفعات
ولاكن لحسن حظي وصفاء نيتي تغيرت أوضاع زوجي ١٨٠ درجه فوفق ولله الحمد في تجارته
وعوضني كل الحرمان اللي كان في السنه الاولى وأصبح يهديني الكارتير و الشنيل والفرزاتشي
من ساعات ومجوهرات وملابس و عطورات و شنط واحذيه
ومن باب المساعده له في مشروع الزواج قررت عمل جمعيه وتسليمه اسهمه من البدايه
والحمد لله ساعدتنا الجمعيه في تكاليف الزواج وبعض أمور السكن والأثاث على العلم انه لديه شقه ملك
ولاكن هدمنا وغيرنا فيها وأعدنا بنائها والحمدلله ولاكن مقابل جميع هذي المصاريف لم نستطع شراء سياره ذات مستوى عالي
فأخذنا سياره صغيره ولازلنا نستخدمها ولاكنني أعاني من معايرة أهلي لي عليه وعلى عائلته وعلى بعض تصرفاته
انا لا أنكر ان أهله لم يقوموا بأداء واجباتهم والأصول المتعارف عليها لدينا ولاكن بالنسبة لي انه كان مكفي و موفي
ويحاول يسد اي ثغره تصدر من اهله بحر ماله فاهله ناس اكثر من عاديين ولا يملكون شي ولاكن امي تقارني دائماً ببنات اخواتها
وتقول لي يا حسرتي عليك شوفي فلانه وشوفي علانه على الرغم انهن لا يملكن شي انا لا أملكه قد يكون وصلهن بسهوله
ولاكن بنات خالاتي مرتبطين بأناس مليارديريه .. وبعض الاحيانا تقول لي امي احس اننا تسرعنا ..
او ان زوجك واهله مو عارفين قيمتك وانت واجد عليهم .. او ان زوج فلانه يناسبك اكثر منها ..
و مؤخراً تقول لي احنا وافقنا لاننا حسينا انك كبرتي وخفنا تتأخري في الزواج على الرغم اني تزوجت وعمري ٢٢
ولاكن مقارنة ببنات خواتها اللي تزوجوا في عمر ١٩ و١٨ انا تأخرت ..
في البدايه كانوا أهلي واقفين معي ويساعدوني في شراء الاشياء اللي تخصني ومجرد تزوجت انتهى كل شي ..
وبدايتها في شهر العسل نقصتني فلوس فكلمت امي اسألها بعض المال فقالت مستحيل ومافي مجال
وبعدين مش من مصلحتك وإنتي توك متزوجة أكلم أبوك اقول له بنت تبغى فلوس ولا من مسؤليتك تدبري الفلوس زوجك الرجال وهو يتصرف ..
وكانت هنا صدمة عمري .. ما توقعت في يوم من الأيام احتاج فلوس وما القى لي سند او ظهر ..
بنات خلاتي لو يعملوا لهم أزواجهم اتفه الاشياء تصير واو وعمل لها زوجها ودلعها ودللها وساعد ام زوجته في زواج اختها وأعطاها مبلغ وجاب لها هديه ..
في المقابل لو عملنا نفس الاشياء بالضبط نصير احنا ما سوينا شي .. ولو زوجي يجيب لي أيا كان عادي ماسوى شي هذا واجبه وأقل من واجبه ..
وبحكم اني موضفه واشتغل برا البلاد زوجي يجيني في الويك اند فقط ..
فمثلا اجي ابغى اشتري لزوجي هدية يوم ميلاده تجي امي تقول لي وليه تشتري له هو المفروض اللي يجيب لك مو انتي
ولا له داعي تبالغي بالهديه شي بسيط وخلاص اجي اقول لها لاكن يا امي هو ما يقصر علي ويجيب لي احسن الماركات وأغلى الاشياء بمناسبة وبدون ..
تقول طيب خير يا طير لا تصيري غبيه هذا واجبه وبعدين هو مو شايل مسؤليتك انتي شايله نص المسؤليه عنه
اقول لها بس هو يسافر ويجي لي كل اسبوع ولا ادفع ولا ريال لما يجي تقول انت غبيه وينقص عليك ..
تقول لي انا اشوف بنات خواتي متهنين ومستانسين انتي عايشه بصبر اقول لها بس هو ما يخلي شي في نفسي ولا عمري اتصلت عليه احتاج فلوس وقصر ..
تقول ايه تشتري الاشياء بعد تخطيط وصبر .. وبعد ما يجلس في المحل ساعه ويشاور نفسه ..
قلت لها لازم يجلس ساعه ويشاور نفسه ساعتين لانه يفكر في الفلوس لو دفعها ما حيجي مكانها ولا احد بيعطيه ..
وغير الكلام اللي يسم البدن اللي اسمعه من ابوي عنه بانه إنسان مهمل ما عنده احترام للوقت ويتصرف فيي الأمور حزة الحزة
وهو فعلا كذا بس لضروف عمله مش إهمال او استهتار منه هو ماعنده شي اكيد ومضمون انه راح يصير في الساعه الفلانيه ..
وغير انه حتى سواقته مش عاجبه ابوي اقول لابوي مره نروح مع زوجي والسواق يلحقنا يقول لي انتي شايفه زوجك كيف سواقته
انا اخاف لما اركب معه يكلم تليفونات ويلف فجاه بسبب عدم تركيزه هذا مو واحد ينفع ينمشى ورآه
وكلام ابوي صحيح بس بعد بسبب انشغاله المستمر يضطر يرد على التليفون وهو يسوق ..
وغير انه اي موضوع يكون في معاملات ماليه بيني وبينه مثل تحويل فلوس او دفع لتكت الطياره لو صار قدامه يفتح لي فيه تحقيق
ويشكك في زوجي ويسألني اسأله تدل انه شاك فيه وحاس انه بيلعب عليي او يكذب علي او يستغفلني..
وغير وغير وغير وانا حاسه ان هذا الكلام راح يأثر على علاقتي بزوجي لأنهم ناس يهموني ويهمني رأيهم
بس يقطع قلبي كلامهم عنه ويزعجني ويضايقني ولا اعرف كيف اتصرف
ساعدوني ....
الروابط المفضلة