أخواتي الحبيبات
ابن اختي آية في كل شيء وسيم طيب اخلاق عالية غاية في التدين أدب جم
يقف مع أبيه في محل أختي وزوجها وأولادها أحسبهم على صلاح وتدين أهله خطبوا له أخت كويسه وفرح بيها
وأهله حبوها وكله تمام اللي حصل بقى المحل ده في بلد قريبة من البلد اللي ساكنين فيها وفوق المحل عيادة دكتور
في امرأه تعمل عند هذا الطبيب ليست ممرضة يعني تدخل المرضى وتنظف زي كده وعندها بنت في الثانوية
البنت كل يوم تروح المحل باي حجة تفك فلوس تشتري اي حاجة بتشاغله وامها بتشجع وكل يوم يشوفها الصبح رايحه المدرسة وتبص عليه
ويشوفها وهي راجعه ملخص الكلام اتعلق بيها وامها طلبت منه يسيب عروسته ويخطب بنتها الكلام ده لم يعرف الا قريب
المهم الولد رفض يروح لعروسته التي تعلقت به واهله عملوا معاه المستحيل رفض وتركها وخلص الموضوع والبنت بعد كم شهر اتخطبت
طلب يخطب البنت اللي حبها أبوه رافض الموضوع نهائيا لأان مفيش أي تكافؤ نهائيا لا عيله ولا حسب ولا نسب ولا مال
شايفهم ناس بيئة والبنت جمالها عادي جدا لم ارها بس سالته هي جميله قالي لأ قلتله يعني الاربعه اللي الرسول قال عليهم مفيش ولا واحده
أهله جابوله طوب الأرض مفيش فايدة متمسك بيها بشكل رهيب ومش مهم اي حاجه تانيه أبوها كان فاتح قهوة وقعد في البيت تعب وكبر
الناس بيحذروا اهله منهم بتكلمه ع الموبايل رسايل حب وغرام الواد كان خام جدا واول حب فصعب الموضوع
التزامه قل أبوه بيهدده بالطرد وحرمانه من حقه في المحل لانه طول عمره بيشتغل مع ابوه واشترى له بيت هو واخوه
الكلام ده بقاله اكتر من سنه مشاكل وخصام وكل العيله راففضه الموضوع واخواته البنات زعلانات جدا هو بيقول كلمتها ع الحجاب
وسمعت الكلام وكلمتهم على كل حاجه انا عايزها وموافقين على كل رغباته انا بقول لاختي خلاص ياخدها وهو حر يتحمل
نتيجة اختيارة ابوه راض والناس صراحه مش راضيين بيه الا لما يجيب اهله الولد تعب وصحته في النازل جدا وبقى جلد على عضم وصعبان عليه
رايكم ايه الحل؟
الروابط المفضلة