اهلا بالزهره المتلالآه
نورتينا بموضوعك الجميل الذى كنت اتناقش فيه مع اختى
فانا حاليا والحمد لله اقول خيرا او اصمت وساعات الصمت طالت بى
لقد تعرضت الى الكلام واللمز من قبل اخوات زوجى او احداهن بالتحديد
بعد زواجى انا كنت بعيده عن عائله زوجى بحكم المكان فكنت اتكلم مع اثنين والثالثه فى المناسبات والاعياد
انا ولله الحمد مريحه زوجى ومشاكلى داخل بيتى ولا احد يعرف عنى شىء
ففوجئت باخت زوجى الكبرى تقول انها تبحث عن زوجه لابنها وتتمنى ان تكون مثل زوجه خاله
تقصدنى انا فردت عليها قائله اه مهو عاوز واحده فلاحه زى مرات خاله
وثانى مره كانوا معزومين عندنا فكنت عامله محشى واصناف اخرى فواحده من اخواته ما شاء الله انت عامله المحشى صغير وشكله حلو والحله كلها مقاس واحد فانا رديت عليها وقلتلها انا مش بعرف اعمله غير كده
ردت على قالتلى اه مهو كل الفلاحين بيعملوه كده قلتلها بجد بس بصراحه انا عمرى مشفتهم بيعملوه الى كبير
ومحدش بيعرف يطلعه زى ده
ويا ريتنا فلاحين هو حد يطول احنا طول عمرنا مش عارفين حتى نروح الريف ولا عندنا ارض ولا زرع
واخدت الموقف عادى جدا ولكنى وجدت انها دائما تقحمنى فى كل موضوع علما باننى غير موجوده معها نهائى وفى بلد اخرى ولا اذهب لزيارتها نهائيا
ومن كتر تجاهلى لها جاءت لزيارتنا وفوجئت انى ارحب بها واقوم بواجب الضيافه
ففوجئت بها تعتذر لى عن ما صدر عنها فى حقلا لان اخواتها غلطوها فيما فعلته واننى لم اؤذيها
ولكن للاسف بعد ما اصبحت علاقتنى كويسه او عاديه مكالمه اخبارك ايه الحمد لله تمام تمام
انها كانت ستخرب بيتى بالقيل والقال فقررت الا اكلمها نهائيا واذا اتصلت بزوجى ارد عليها واعطيه الهاتف
وهى ستجن لتكلمنى وانا اقول (يا نحله لا تقرصينى ولا عوزه عسل منك )
وطبعا هذا مثل مصرى وحاليا لا اتحدث مع احد بعد ان جلست مع نفسى ووجدت ان هناك من يجلس
ويستمتع بالجلسه وبعدها يقول وقالو ا وقلنا
قررت ان يكون الانسان حريص فى حديثه جدا علما باننى لم انعود على ذلك نهائى لان امى رحمه الله عليها كانو يقولون عنها ست لا تخرج العيبه من فمها وانا ولله الحمد اخذ منها الكثير
انت عارفه عندما ابتعدت شويه كل واحده نفسها تكلمنى ولا يستطبع احد ان يقول عنى شىء لانى لا اعطيهم الفرصه بالتجاهل وعدم المشاركه فلم اعد انا محور الحديث والحمد لله
اللهم عافينا من اللغو والنميمه
انا رغيت كتير اسفه على الاطاله
الروابط المفضلة