ابل مااحكي جدولي انا عندي بس ولد عمرو خمس شهور وزوجي بروح ع الشغل من 7 ل3 برجع

جدولي بصلي زوجي الفجر وبيجي بصحيني وانا نصني نايمة لانو ابني بنيمني ع 3 بليل الله يهديلي اياه
بعدين بنام بعدين مرات بقوم اعمل فطور لزوجي ابل مايروح ع الشغل وبرجع بنام

طول الفتره الي نايمة فيها ابني بضلو يدفش في وانا نايمة وبشدني من شعري يعني مابرتاح بنومه

بعدين بفيق بعمل فطور الي وبرجع بضب البيت بعمل غدا وبزبط حالي وبشوف شو بدو ابني اغيرو احفاضو ارضعو وهيك
ع الساعه 3 بيجي زوجي منتغدى وبنام شوي وبرجع بقوم

في مسابقة عالميه مشترك فيها عبارة عن تاليف كتاب عن (الدمقراطيه في الاسلام) بضلو قاعد يشتغل فيها ليأدن المغرب انا بهلوقت بكون عم بضب بالبيت او بكون عم العب ابني
بدو ليرجع زوجي لبعد العشا بصلي وبيجي مرات بروح عند حماتي او حدا بعرفو بفترة المغرب وبعد العشا ازا كنت بالبيت بقرا قران وفي مسبحه بالاصبع كتير حلوه الواحد بسبح وهوي مش حاسس متل

وبفتح النت وبحكي مع رفقاتي وبشوف الاخبار
وبس يجي زوجي بعمل عشا وبرجع زوجي للمسابقة وهيك

بس اكتر شي مقهوره منو اني تركت الجامعه بسب ابني مجنني برا مابطلع صوتو بس نروح ع البيت بتقوم قيامتو بضلو يبكي
انا لما كنت بالجامعه ماكنت اداوم كنت انتساب كان زوجي هوي الي يشرحلي المواد بس للاسف تركت
انا اهلي مسافرين ف السكايب بضلو مفتوح طول النهار الا لما يجي زوجي منسكر...

اما الغسيل تقريبا كل يوم لانو عندى ابني صغير ف بضلو يوسخ ازا مش كل يوم يوم بعد يوم
والكوي انا عندى مكوي متل

بريح كتير والله يعني تقريبا ساعة ونص بخلص كوي لشهر كامل

انا لقيت افضل شي لتنظيم الوقت:

1-اني اكتب شو بدك تساوي طول النهار وكل مايخلص شي ع اكس عليه

2- والمكوى كتير بريح

3-واي شي مش بحاجتو اكبو على السريع عشان مايصير في كركبه بالبيت ويصعب علاي الشغل

عفكره هاد زوجي الي بتوقيع الله يخليلي اياه هو وابني

السلام عليكم : ربي يعينك أختي أنا مرت على هذه الفترة وبعرف أنها صعبة وربي يقويك ووفقك

كتبت بواسطة كل أمل بالله

السلام عليكم : ربي يعينك أختي أنا مرت على هذه الفترة وبعرف أنها صعبة وربي يقويك ووفقك

حياك الله اختي ...

اه والله صعبه بس الله بعين ....

شكرا اختى على نقل تجربتك

الله يوفقك ان شاء الله تظبطى حالك وترجعى الجامعه

والله بيعين وان شاء الله يكبر شويه وتعرفى ترجعى وتكملى

حبيبتي كلها ايام وتمر وتشوفي ابنك كبر من غير ماتحسي بأذن الله تعالي
وان شاءالله بس يكبر شوي راح تتنظم امورك وتقدري تكملي دراستك
الاطفال في العمر لسا نومهم واكلهم يكون ملخبط شوي لأنهم لسل صغار
بس يكبرو شوي راح يتعود علي نظام البيت ان شاءالله
كلنا مرنا بهذه المرحله مع اولادنا راح تعدي علي خير ان شاءالله
الله يحفظ لك زوجك و ابنك ويوفقك حبيبتي

الله يحفظك ويحفظلك زوجك وابنك يارب
وربي يبارك في وقتك ويجعله خير وشاهد لك لا عليك يوم القيامة
ماشاء الله على يومك وجدولك
وان شاء الله تكون يمفيدة ومستفيدة معنا
موفقة عزيزتي

ما شاء الله الله يخلي ليك عمرو ووالد عمرو

ويوفقكم دائما ويحفظكم من الشيطان الرجيم

وما تزعلي بخصوص الجامعه فأبنك هو احلي ما في الدنيا الله يبارك لكم فيه

الله يبارك فيكو على الردود الطيبه ...

ان شاء الله بكرا بتتحسن الظروف وبرجع للجامعه...

ما شاء الله تبارك الله جدول رائع و جميل
بارك الله لك في وقتك و عملك و حفظ لك طفلك وزوجك
اجمل ما في الحياة هو ترتيب الوقت وتوزيع ساعات اليوم و استغلالها بالشكل الصحيح
هنا فقط تكون الأعمال غير مجهده و يكون هناك ايضا وقت للراحه
و العباده وصلة الرحم حتى لو كان عبر السكايب
اما المكوى المريحه بكل اسف لم تظهر الصوره عندي

جزاك الله خيرا اختي العزيزه على مشاركتك المفيده
بالتوفيق ان شاء الله .

جدول جميل وبالنسبة للجامعة لما يكبر ابنك ربي يخليهولك ممكن تكملي

أعانك الله