السلام عليكم ورحمة الله وبركاتة
اخواتي الكريمات مشكلتي حساسة جدا"
أتمنى كل من تدخل موضوعي تساعدني بنصيحة لوجة الله تعالى وتدعيلي من قلبها
والله يبارك فيكم ولولا اني بجد راحتي بهذا المنتدى كان ماشكيت لكم همي من بعد الشكوى لله عزوجل
كانت مشكلتي انه زوجي بشتغل بأوتيل
المشكلة انة انا ضليت 3 سنوات وأنا مخطوبة يعني مكتوب كتابي مع انة زوجي وضعة المادي كان مقتدر جدأ لكن أنا أصريت اني أكمل دراستي وأهلي قالو انا حابب أدرس بنتي دراسات عليا على نفقتي
وبعد التخرج تزوجنا والله يابنات احنا تزوجنا من هون وزوجي انكسر وضعة المادي بطريقة مؤلمة الحمد لله دائما" وأبدا
صار كلة ديون وكان جايبلي سيارة واحناخاطبين وباعها منشان يسد جزء من الدين وبعت دهباتي كلهم من نفس والله مش زعلانة
وكتبتلكم المرة الماضية انة مشكلتي انة زوجي مالقى شغل اضطر يشتغل باوتيل منشان يوخدراتب ومكان كلة عاريات وأنا بنكوي بالدار وهوبرجع فاتر بس بدة ينام
حتى صالة العرس كانت بالدين وعلية دين الأتات لازم يسددة لانة بالأقساط

اخواتي الغاليات ماقصروا والله يجزيهم بأحسن الجزاء ويبارك في كل أخت دخلت موضوعي ونصحتني اني أحاول بكل ما استطعت أبعد زوجي عن هاد الشغل
لأنة بشوف بنات والعياذ بالله ولأنة الراتب مش حلال لا حول ولاقوة الا بالله

المهم اليوم رن تلفوني مين ؟؟ اتصلوا فيي جامعة من دولة قطربدهم مدرسة لغة وكنت أناقدمت طلب زمان وبس قالولي زوجك مابنقدرندبرة بجي على حسابة طبعا في هاي الحالة رح يترك شغلة في الفندق
بس قال زوجي يلا بس تطلعي للخليج رح يتحسن وضعنا ورح نسدد ديوننا تخيلوا
أنا مش ضد اني اعاون زوجي لكن مابحب احس انة بشتغل وبغربة منشان أسدد دين يعني بطلع زواجنا من تعبي وعلى حسابي أكيد فهمتوني والله ما الي غيركم دايما مابتقصروا معي
والمشكلة سلفاتي كلهم جامعيات مش راضيات يشتغلو انا أحس حالي انة أنا الرجل ومطلوب مني الصرف والله شعور مش حلو بالمرة
زوجي منيح مش لئيم ولا بخيل وبحترمني بس أنا مابقدر أقلة مش مجبورة اتغرب وأتعب منشان اسدد تكاليف زواجنا
والله وضعي لاأحسد علية
أتمنى من كم أخواتي الرأي والنصيحة لمشكلتي والله يجزيكم الخير يارب والله نفسيتي مش مرتاحة وراسي بدة يتفجر وحسبي الله ونعم الوكيل
بارك الله فيكم جميعا"

وعليكم السلام و رحمة الله و بركاته
حياك الله اختي بسمة شمس
وفرج همك و اسعد ايامك اللهم امين
اختي هنا نقطه اريد ان توضحيها لنا لو تكرمتي تقولي ......

المهم اليوم رن تلفوني مين ؟؟ اتصلوا فيي جامعة من دولة قطربدهم مدرسة لغة وكنت أناقدمت طلب زمان وبس قالولي زوجك مابنقدرندبرة بجي على حسابة طبعا في هاي الحالة رح يترك شغلة في الفندق
بس قال زوجي يلا بس تطلعي للخليج رح يتحسن وضعنا ورح نسدد ديوننا تخيلوا

تقصدي ان زوجك يريد منك السفر لوحدك من غير ان يرافقك ؟ يريد منك السفر كي تسددي الديون و هو يبقى في عمله الحالي ؟
هل يعقل هذا ! لو قلت انك تريدي السفر و هو برفقتك لربما وجد هناك باب رزق افضل
لقلنا لك لم لا على بركة الله ، ليس عيبا ان تساعد الزوجة زوجها في البدايه على الأقل حتى يتم تسديد الديون و بعدها راتبك من حقك
وبذلك تكوني قد ساهمتي المساعدة و لم تتخلي عن زوجك في محنته ، و لكن ان تتغربي و هو يبقى في مكانه
لا اعتقد ان تفكيره صحيح و لا اشجعك عليه ابدا ، ان قرر ان يرافقك و يبحث عن عمل افضل في البلد الذي تودين السفر إليه
كان بها و إلا فلا تجازفي ببعدك عنه و لا تتغربي لوحدك من غير محرم مهما كانت الأسباب .

وفقك الله و اعانك .

اختي دهوبة ما بعتقد انه بده يخليها تطلع لحالها مابقدر يترك مرته اصلا
بسومة حبيبتي انا حاسة فيكي وبعرف كيف شعورك بس انا بحكيلك اعملي استخارة واتوكلي على رب العالمين واطلعي الشغل بالخليج منيح وهو ازا لقي شغل هناك اكيد وضعكم بتحسن ان شاء الله وساعتها بتسددو ديونكم
بس من اولها اعملي حد لكل اشي يعني بالنسبة للمعاش اللي بدك تاخديه مو كله يروح للديون وللمصروف وانتي ترجعي على بلدك ربي كما خلقتني كوني حذرة وشاطرة واعرفي كيف ادبري امورك وتتفاهمي انتي وجوزك كيف الامور بدها تكون
اسألي اهلك واخوتك وامك شو لازم تعملي ماخاب من استشار وما ندم من استخار
انا عارفة انتي كيف حاسة هلأ حابة هاي السفرة منشان جوزك يترك شغله وبنفس الوقت حاسة انك بدك تتحملي مسؤولية كل اشي لحالك
الله يفرجها عليكي يارب

اختي وفقك الله الى ما فيه خير
هذه فرصة جاءت في وقتها فكري في حالكم بعد سداد الديون وكيف ستكبرين في عين زوجك الذي يحبك والذي تتمني ان يبتعد عن عمله بالفندق
حاجةاخرى سلفاتك مايهموك كل واحد ونصبيبو انت محتاجة للعمل اعملي وهن ان لم يردن العمل فهذه حاجة تخصهم
اسمعي مني انا ايضا مريت بمشكلة الديون ورغم اني درست طب بيطري الا اني في بداية حياتي تنازت لاني لم اجد عمل بسرعةوعملت في التنظيف وعملت حلويات وبعتها انا موجودة وما نقص مني شيء وتعاوننا والحمد لله
ولا تحسسي زوجك ابدا بانك رايحة تعملي فيه خير
اختي هناك مشاكل اكبر في الدنيا وانت مازلت صغيرة مافيها عيب اذا تعبتي شوية الان لتعيشي بخيرفيما بعد
لا تنسي تصلي استخارة

كتبت بواسطة DAHUBA14

وعليكم السلام و رحمة الله و بركاته
حياك الله اختي بسمة شمس
وفرج همك و اسعد ايامك اللهم امين
اختي هنا نقطه اريد ان توضحيها لنا لو تكرمتي تقولي ......


تقصدي ان زوجك يريد منك السفر لوحدك من غير ان يرافقك ؟ يريد منك السفر كي تسددي الديون و هو يبقى في عمله الحالي ؟
هل يعقل هذا ! لو قلت انك تريدي السفر و هو برفقتك لربما وجد هناك باب رزق افضل
لقلنا لك لم لا على بركة الله ، ليس عيبا ان تساعد الزوجة زوجها في البدايه على الأقل حتى يتم تسديد الديون و بعدها راتبك من حقك
وبذلك تكوني قد ساهمتي المساعدة و لم تتخلي عن زوجك في محنته ، و لكن ان تتغربي و هو يبقى في مكانه
لا اعتقد ان تفكيره صحيح و لا اشجعك عليه ابدا ، ان قرر ان يرافقك و يبحث عن عمل افضل في البلد الذي تودين السفر إليه
كان بها و إلا فلا تجازفي ببعدك عنه و لا تتغربي لوحدك من غير محرم مهما كانت الأسباب .

وفقك الله و اعانك .

هلا فيك أختي لا الجامعة قالوا بعد شهرين رح ييجي يلحقني بس حتى لواجى معي رح يكون شغلة عادي والركنة كلها على راتبي لأنة وظيفتيب أحسن من شغلة لأنة هو لسى بدة يدور شغل
شكرأ لك اختي

كتبت بواسطة مجد الاقصى

اختي دهوبة ما بعتقد انه بده يخليها تطلع لحالها مابقدر يترك مرته اصلا
بسومة حبيبتي انا حاسة فيكي وبعرف كيف شعورك بس انا بحكيلك اعملي استخارة واتوكلي على رب العالمين واطلعي الشغل بالخليج منيح وهو ازا لقي شغل هناك اكيد وضعكم بتحسن ان شاء الله وساعتها بتسددو ديونكم
بس من اولها اعملي حد لكل اشي يعني بالنسبة للمعاش اللي بدك تاخديه مو كله يروح للديون وللمصروف وانتي ترجعي على بلدك ربي كما خلقتني كوني حذرة وشاطرة واعرفي كيف ادبري امورك وتتفاهمي انتي وجوزك كيف الامور بدها تكون
اسألي اهلك واخوتك وامك شو لازم تعملي ماخاب من استشار وما ندم من استخار
انا عارفة انتي كيف حاسة هلأ حابة هاي السفرة منشان جوزك يترك شغله وبنفس الوقت حاسة انك بدك تتحملي مسؤولية كل اشي لحالك
الله يفرجها عليكي يارب

الله لايحرمني من كلامك المريح يامجد شكرا لك هو فعلا كان يحكي على أساس انة كل باخدة رح يروح سداد والباقي نصرفة أناهاد الي قهرني ووان شاء الله خيريارب

كتبت بواسطة sana5783

اختي وفقك الله الى ما فيه خير
هذه فرصة جاءت في وقتها فكري في حالكم بعد سداد الديون وكيف ستكبرين في عين زوجك الذي يحبك والذي تتمني ان يبتعد عن عمله بالفندق
حاجةاخرى سلفاتك مايهموك كل واحد ونصبيبو انت محتاجة للعمل اعملي وهن ان لم يردن العمل فهذه حاجة تخصهم
اسمعي مني انا ايضا مريت بمشكلة الديون ورغم اني درست طب بيطري الا اني في بداية حياتي تنازت لاني لم اجد عمل بسرعةوعملت في التنظيف وعملت حلويات وبعتها انا موجودة وما نقص مني شيء وتعاوننا والحمد لله
ولا تحسسي زوجك ابدا بانك رايحة تعملي فيه خير
اختي هناك مشاكل اكبر في الدنيا وانت مازلت صغيرة مافيها عيب اذا تعبتي شوية الان لتعيشي بخيرفيما بعد
لا تنسي تصلي استخارة

شكرا لك أختي وبارك الله فيك كلام جميل والله يبعت الي فية الخير

اختي بسمة
ربنا يفرج همك و ييسر لك الخير

انا ارى يا اختي ان تتعاملي من مبدأ
من ترك شيئا لله عوضه الله خيرا منه
فاحتسبي نقودك التي سوف تصرفينها عليه و على ديونه
هي في سبيل التخلص من فلوس الاوتيل الحرام و العمل الحرام هناك
و استغلي تلك النقطة لتخلصي زوجك من هناك
ان كنت تضمني ان يترك العمل و يأتي فعلا و انه كشخصية ليس استغلالي
و سيعوضك في حين تحسن وضعه
تذكري انه هو من اشترى لك السيارة حين كان وضعه جيدا
يعني ليس بخيلا
و حتى لو ان عمله اقل المهم انه سيعمل و لن يجلس عاطلا و هو اهم شي
و ممكن تشترطي عليه ان يسدد لك جميع ما تنفقينه في حين يسر الله له الرزق الحلال

و تخيلي كيف يمكن ان تتدهور اوضاعكم الاسرية و النفسية و الصحية
بسبب المال الحرام

فما الاهم مالك او راحتك ??
احتسبيه لوجه الله اولا و تفاهمي مع زوجك على الشروط
حتى لا يعتاد و لا يعتبره حق مكتسب

و من يدري ربما هذا العمل رزق و فرج من رب العالمين من الوضع الذي كنت تشكين منه و من عمل زوجك

موفقة ان شاء الله

والله أنا شايفتا فرصة رائعة ويا اختي مافي فرق بين الزوجين المهم راحة البال
وهي فترة ويمكن زوجك يلاقي شغل أحسن من شغلك شو عرفك بالمستقبل شو بصير؟
نحن مرينا بفترة كتير صعبة أنا وزوجي وكان ما بيقدر يشتغل لحتى يعدل وضعو قانونيا وشهاداتو مع انو شهادتو أعلى من شهادتي (دكتوراه) وضليت أشتغل فترة طويلة ونصرف من شغلي لحتى الله فرجها وهلأ الحمدلله شغلو رائع وراتبي بوفرو الي وهو كمان بيعطيني مصروف
يا اختي الحياة يوم النا ويوم علينا فكري بالمستقبل ولا تحدي تفكيرك بوضعكون الحالي فدوام الحال من المحال وانتي أدرى لأنك جربتي
يعني كان خطيبك وجبلك سيارة من هون لازم تعرفي انو ما بضيع معو شي
أنا حكيتللك قصتي بس مشان تستفيدي ولأني واثقة انو ما بنعرف بعض
موفقة يا اختي

ما شاء الله الف مبروك طوق النجاة يا بسمة ،،
اتركي عنك كل وساوس الشيطان ،، بدي ادفع تكاليف زواجنا واسد ديوننا ،، وما الى ذلك ،، انا تزوجت ( ببلاش ) ،، يعني في مقاييس زواج البنات كان زواجي بأقل التكاليف وبدأت مع زوجي حياة بسيطة جدا ،، كان بدرس ووضعه على ربنا ،، لكن والله الان متربعة على عرش قلبه ،، اشتغلت وساعدته ،، وسكتت عن الكثير من مطالب الحياة ،، والان طالعين عالسعودية ان شاء الله بعقد شغل فوق ما كنت اتخيل ،، يعني بعيش اميرة معاه ،،
كل سنوات الالم والتعب بتروح ،، لكن الحب اذا راح بين الزوجين او انكسر او تعود الرجل على غير زوجته ،، لو قضيتي عمرك كله تصلحيه فلن ينصلح ،،

زوجك في الاصل كريم معك واكرمك ،، مين بشتري لخطيبته سيارة !!! وبستناها 3 سنين حتى تكمل دراستها ،، !! ،، لكن الظرف اللي هو فيه ظرف صعب جدا ،، بكفيه خبايص شغله الحالي ،، واجاكم من ربنا رزق كريم وحلال ،، شو بدك احسن من هيك ،،

طبعا رح يفكر بالدين ،، انا هللا وزوجي موقع العقد وشغل ممتاز ،، بس احكيله بدي اشتري شغلة بس نسافر بصير يحكيلي : انا بدي اول شي اسد الدين ،، ما تطلبي اشي هللا هههههه ،، هذا لا يعني انه بخيل او ما بده يعطيني شي ،، هذا يعني انه في هم كبير على راسه بده يخلص منه ،، النبي عليه الصلاة والسلام استعاذ من غلبة الدين وقهر الرجال !!

استخيري وتوكلي على ربنا ،، وانزعي زوجك من القرف اللي هو فيه ،، مين احسن برستيجك هللا بالشغل والتوظيف ،، والا زوجك ينام بغير حضنك وتخسريه ،،
مين احسن تروحي اخر اليوم تعبانة تلاقيه الصدر الحنون لالك ،، والا برجعلك اخر الاسبوع ملان وما اله نفس فيك ،،

اتركي الناس بحالهم ،، وقيسي اولوياتك بشكل ممتاز ،، واهم شي عندك زوجك والدين ينسد ،، وقطر رح يلاقي فيها فرص بلاوي للشغل ،، يعني باب رزق وانفتحلكم ،،
دعواتك