بسم الله الرحمن الرحيم

السلام عليكم أخواتي الغاليات...........

بصراحة انا عاوزة اعرف رأيكم في المشكلة دي..... صديقة لي مخطوبة طبعا طلبت مني النصيحة و طبعا لقلة خبرتي قررت اني ألجأ ليكم و ان شاء الله تساعدوني و نلاقي حل .......مش هطول عليكم و اقولكم المشكلة زي ما حكيتها بالظبط......

علي لسانها.....

انا بقالي تقريبا سنتين مخطوبة... و خطيبى من النوع الشديد جدا صعب التعامل معه...بس الحمد الله ربنا وفقني و قدرت افهمه و اتعامل معاه.... صحيح في مشاكل كتير بنا لكن بنرجع نتفاهم و نحلها مع بعض...
المشكلة ان بقالي فترة حاسة انه متغير من ناحيتى و كل ما أسأله عن السبب يقول ان مفيش حاجه و انا مكبرة الموضوع و هو مشغول و الكلام ده كله........ فقررت اني أسيبه براحته و مضايقوش بسؤلاتي.....
تقريبا مش بنتكلم في اي مع بعض من 3 او 4 شهور...
و الفترة دي كلها مشاكل علي الخروج و الملابس و طريقة الكلام و الاصحاب..........الي لآخره.......
و انا طبعا بحاول اهدي الموضوع و اقوله طيب و حاضر عشان ميزعلش مني....
و هنا تأتي الكارثة...... طلب مني فسخ الخطوبة...بعد سنتين و بصراحة مش عارفة الكلام ده بجد ولا بيخوفني بس لانه عارف انا بحبه قد ايه و متعلقة بيه جدا.... بس أنا طلبت منه يأجل الموضوع فترة...قولت لنفسى يمكن يغير رأيه.... و مش عارفة اعمل ايه لو كان الكلام ده جد....انا بحبه جداااا و مقدرش اسيبه..... خاصة انه كان مش ملتزم و انا وقفت جانبه كتير و الحمد الله الوقتي بقي ملتزم جدا و الكل بيشكر فيه....

اسفة جدا اني طولت بس انا حبيت انقلكم كلامها يمكن تفهموها و تساعدوني نحل مشكلتها

جزاكم الله خيرا

في انتظار ردودكم

اختى الغالية:
انصحى صديقتك ان تلبى رغبته
لأن الخطوبة للتفاهم والانسجام
وانتاج بوتقة جميلة
تجمع افكار مشتركة بين الاثنين
لتكون نبراسا فى بيت سعيد وجميل
اما خطوبة وخصام ومشاكل
وعدم كلام
ورغبته فسخ الخطوبة
وهى متعلقة به؟
فهذا اجحاف كبييييييير
فى حق نفسها

لذلك يخاف الابوين جدا على ابنتهم فى فترة الخطوبة
لانها غير مضمونة

وسيعوضها الله خيرا منه
اذن الله
اعلمان مشاعرها مجروحة وانها تعانى
ولكن ان حدث زواج فيما بعد
سيكون هشا لا قدر الله

فانهيار الزواج
اعظم واصعب

بوركتى

جزاك الله خيرا أختي الغالية بلسم الجروح......
و الله حاولت اقناعها بذلك كثيرا
و لكني خشيت ان أكون مخطئة و لعل أحد يفهم طبيعة شخصيته فيفهم من كلامها ان كان يريد تركها ام لا..؟؟
لكن ماذا ان كان حقا يخوفها لا أكثر أو يريد ان يعرف انها متمسكة به ام لا....؟؟.....

كتبت بواسطة جودي 20

جزاك الله خيرا أختي الغالية بلسم الجروح......
و الله حاولت اقناعها بذلك كثيرا
و لكني خشيت ان أكون مخطئة و لعل أحد يفهم طبيعة شخصيته فيفهم من كلامها ان كان يريد تركها ام لا..؟؟
لكن ماذا ان كان حقا يخوفها لا أكثر أو يريد ان يعرف انها متمسكة به ام لا....؟؟.....

تقريبا مش بنتكلم في اي مع بعض من 3 او 4 شهور...
و الفترة دي كلها مشاكل علي الخروج و الملابس و طريقة الكلام و الاصحاب..........الي لآخره.......

اختى هذا رد عل تساؤلك
وهى اعلم واحدة
بطبيعة خطيبها
اذا كان فقط مجرد استفزاز لها
ام انه يقصد كل حرف
دمتى بخير

والله اختي وانا باقرا كلامها من لما قالت بيختلق مشكل على اشياء تافهة انا استنتج انه عايز يفسخ الخطوبة
حبيبتي شرط الزواج القبول والولد ما متقبلها لسبب ما وحاسس انها مو فتاة احلامه فتخرج من الموضوع بالمعروف
لا ترخص نفسها وتخليه يبقى معاها استعطاف لانها بتحبه ...وشو فايدة تحبه اذا كان هو ما يحبها
فسخ الخطوبة ارحم مليون مرة من الطلاق

اظن انها هتندم كتير لو كملت معاه خاصه لانه هيزيد بعد الجواز ربنا معاها ويوفقها للخير خليها تصلى استخاره حتى لو كان بيهددها بعد كده هيبقى يقول لها نطلق برده عشان يهددها صدقينى خليها تاخد موقف ولو عايز يرجع تعلمه درس ان الانفصال مش سهل كلمه تتقال

جزاكم الله كل خير و الله انا مقتنعة جدا بآرائكم ....
ادعولي اني اقدر اقنعها......

شكرا شيمة الحب "خليها تاخد موقف ولو عايز يرجع تعلمه درس ان الانفصال مش سهل كلمه تتقال "...هي تقريبا عملت كده لانها طلبت منه يأجل الموضوع فترة بس العجيب انه وافق و قدرت تقنعه

و ادعولها ربنا يصلح حالها ...و يصبرها و يعوضها خير منه......

شوفي اختي انا لا احب المجامله في الردود

انت بتقولي المشاكل كلها على اللبس وطريقة الكلام والاصحاب

وده معناه ان ملابسها مش عاجباه ولا طريقة كلامها ولا علاقتها باصحابها

ولما بينصحها مش بتسمع كلامه ولا بتريحه لما زهق فضل فسخ الخطبة

واذا كان تحليلي صح يبقي عنده حق لانه هيتعب معاها جدا بعد الزواج وهتفضل المشاكل موجوده حتي لو بيحبها محدش بيحب يعيش تعبان وف مشاكل

البنت لو التزمت الشرع في حياتها من اجل الله طبعا مش من اجله

وسمعت كلامه وريحته لان كلامه صح هتعيش مرتاحه وهتريحه

اذا ريحته فيما يريدوراي منها ذلك فلن يتركها

تلتزم الحجاب الشرعي وتنتقي اصحابها تختار فقط المتدينات

تغير طريقة كلامها تشوف بيزعل من ايه في طريقة كلامها بالضبط

مش هتخسر حاجه لو عملت كده وهتتزوج من تحب

اما اذا انا فهمت خطأ وهي من تريد تغييره فالحمد لله انه تغير الي الافضل

ولا تنتظر الكمال واذا بتحبه ترضي به كما هو

معني انهم يقعدوا شهور في مشاكل على اللبس والخروج وخلافه انها مش بتسمع الكلام ومتعبه جدا

والرجل بيحب الزوجه المطيعه المريحه يتعب نفسه مع واحده بتتعبه ليه؟فهمتيني؟

واضح جدا من طبيعة الخلافات بينهم انه لا يوجد وفاق وان اكمال حياتهم معا

سيسبب لها مشاكل كثيرة


فهو لم يكن ملتزم ولكنه الان تغير

فربما التزامه كان مبالغ به

وربما كانت صديقاتها عاديات وهو يريد ان تكون علاقاتها

كلها مع ملتزمات فقط

وانا من راي انه لا يحق له طلب ذلك منها

الا لو كانت احداهن على غير خلق

او غير ملتزمة ابدا وتعيق التزام خطيبته

فالفتاو الغير محجبة ليست داء نبتعد عنها


يصعب علينا الحكم على طلباته تلك ولكن ما دام طلب منها فسخ الخطبة فعليها ان تتمالك نفسها


اصلا لا يحق لها الرفض لانه قرر وانتهى الامر

والشخص الذي لا تعجبه صديقاتي واحاديثي ولبسي

لا حاجة لي به


فان كنت ساغير كل ذلك من اجله

فمن انا؟؟؟؟؟

جزاك الله خيرا ام الخير

بارك الله فيك عيون 123

فعلا عيون ممكن يكون كلامك صح....
لانها كانت دائما تقولي انه بيطلب منها اشياء و هي تتعمد الا تفعلها و تزعم انها علي حق...و كنت انصحها ان تستجيب له علي الرغم ان انا نفسى لا اسمح بانه يتدخل في شئونها ممكن يكون ده السبب الحقيقي.......

بس الوقت بتقولي انها مستعدة تعمل اي حاجة بس تكون معاه..........
بماذا انصحها ان تعطي نفسها و تعطيه فرصة اخرى....؟؟؟