السلام عليكم ورحمة الله
ياحبوبات عندي مشكله جايبه لي كابه وقلق
عندي صديقه تحب النميمه تنقل اخبار خلق الله كلهم لي اي شي تسمعه تقوله لي ولصديقه ثانيه بينت لها لني مااحب هاالاسلوب واني اتضايق من سيرة الناس بس بدون فايده تعرف اني متضايقه وتتصل علي وتعلمني بفلانه وعلانه اللي يخصها واللي مايخصها المهم وصلت لحد الانفجار لانها ضايقتني لابعد حد واصبحت ثقتي فيها معدومه نهائيا ومن نقل لك نقل عليك وارسلت لها بالجوال رساله علمتها فيها بكل شي وانها راح تحاسب على هالشي وانها احرقت الناس بذكرهم والتدخل في كل صغيره وكبيره تحصل لهم وانها هتكت سترهم واني اخذت موقف من اللي حكتني عنهم وصرت احتقر اعمالهم واللي ماكنت اعرف عنها شي قبل مااعرف هالانسانه كانت علاقتي بالناس حلوه سطحيه صح بس حلوه امزح واسولف بدون مااعرف عنهم شي ممكن يخليني اصد عنهم المهم سبتني وقالت ان انا غلطانه لاني سمعت لها والمفروض هالشي ماياثر فيني وان ثقتي معدومه في نفسي ومادري كلام ملخبط بس اتوقع لانها زعلانه مني المهم قلت لها اذا بتستمرين كذا ماابغى صداقتك والموضوع هذا راح يتم بينا وقالت اللي مايبغاني ماابغاه وانقطعت العلاقات صح ارتحت من الاتصالات المزعجه ومن سيرة الناس بس احس بحزن وضيق واكتئاب ومو راضيه السالفه تحل عني الموضوع هذا من قبل شهر بس نفسيتي مره تعبانه من بعد ماواجهتها عارفه ان مافيه حل غير كذا بس احيانا اتمنى لو كنت قطعتها بدون مااقول لها شي واحيانا اقول لاكذا احسن عشان تحس بغلطها وتعرفها وتتوب ومااكون محاسبه معها على غيبة الناس اكون بكذا انكرت منكر ....المهم من هذاك الوقت والشيطان يوسوس لي لاتكون شوهت سمعتي ولاقالت عني كلام ماقلته لصاحبتنا الثالثه خصوصا انها قطعتني هالصديقه الثالثه اتصلت علي مره بعد السالفه ومارديت وهي اخر مره تتصل علي فيها وهي وياها سمن على عسل ومبسوطين مره مع بعض يعني اقول لنفسي وش يفرقني عن غيري تشبك صداقات مع الناس كم شهر واذا سمعت شي ماعجبها شرشحتهم مع خلق الله المهم ارسلت للصديقه الثالثه هذي رساله ابغى اعرف هي قالت لها شي ولا لا ليتني ماارسلت شبت النار فيني اكثر قلت لها انتي انسانه خلوقه وطيبه وماتحبين ذكر الناس وانتي اكيد عارفه اللي صار بيني وبين فلانه وانتي عارفه كيف سحبتنا في مواضيع مالنا دخل ابغاك تتمين مثل ماانتي الانسانه اللي عرفتها وماتحبين سيرة الناس ولاتتغيرين وانا مارديت على اتصالك لان نفسيتي كانت تعبانه شوي وكرهت جوالي يعني مو عشان شي مارديت بالعكس انتي قمة الاخلاق
ارسلت لي رساله بعيده تماما عن رسالتي فقلت بس قالت لها كلام عني اكيد ...ولاكان قالت ايش بينك وبينها ماقالت عنك الا كل خير كذا بتخف عني الوسوسه بس للاسف ماارتحت
وقعدت فتره ونسيت الموضوع تقريبا احيانا اتذكر الايام الحلوه مع بعض واحيانا اتذكر سوالفها عن الناس وترجع لي الضيقه بس اشغل نفسي باي شي وارتاح
المهم وانا قاعده اتصفح النت لقيت حكم الغيبه وان الانسان اذا ماانكر كانه مشارك في الاثم اما اذا نصح ماعليه شي ان شاء الله وقريت موضوع قوي مررره عن النميمه وان النمام من اخبث الناس والأمهم وانه أسوأ من المغتاب وكلام مرره يخوف وحسيت اني لما قريت هالكلام انه يتكلم عن اللي صار بالضبط وبما انه انقطعت علاقتي فيها مستحيل اجيب لها طاري شي وحذفت من عندي كل شي يخصها وقلت لنفسي حرام البنت اللي معاها طيبه من جد ولاتحب هالسوالف لازم انصحها عشان ماتكون مشاركه معها لو سكت باكون شيطانه وماعندي ضمير وقامت الافكار تودي وتجيب فارسلت لها رساله وتوكلت على الله قلت فيها انا قطعت عن فلانه ومابيني وبنها اي علاقه الان لكن انا وكلت امر نصيحتها لك وباخليها في ذمتك ان كان سمعتي منها شي عن الناس او مشاكلهم او عيوبهم انصحيها بتقبل منك اكثر لانك قريبه منها ماتقدرين بشكل مباشر غيري الموضوع ولاتسمعين لها او تسمحين لها تطول فيها ولاتسايرينها تكونين مشاركه معها في السالفه وانا لقيت هالموضوع من حبي للخير لك ولها بارسله لك لاني مصره انها تتغير لاني عارفه ان فيها نواحي كويسه وارسلت لها حكم الغيبه وتحته موضوع عن النميمه
نص ساعه الا والثنتين مرسلتين لي هذيك تقول ايش الموضوع اللي تبغينها تعرفه عني اعتقد السالفه بننا انا هنا حزنت بشكل ماتتصورونه طلعت هذيك متصله عليها تسالها ايش اللي بينكم قالت لها مابنا شي وحلفت لها كمان استغفر الله انا لاحظتها تحلف للناس وتقول لي احلف على حاجه بخاطري (أنا ماعلمت هذيك بتفاصيل شي ولا بالكلام اللي صار بينا كل اللي قلته ان انا نصحتها وزعلت مني وتقاطعنا وان نفسيتي حاليا زفت )
واللي انا ارسلت لها الرساله ...ارسلت لي تقول ماني فاهمه ايش السالفه اللي تبغيني اعرفها واذا على سالفة البنات اياها فاحنا نخرج مع بعض شبه يوميا ولاعاد جبنا سيرة احد
فقلت لها انا ماابغاك تعرفين شي اختلفت انا وهي على موضوع البنات نصحتها وزعلت مني وتقاطعنا وابغاك اذا جت سالفة انسان او اغتابت احد تنصحينها وسلمتك هالشي فقط لاغير
ومن هذاك الوقت وانا مره ضايقه فيني الوسيعه واقول ياليت اني مابحثت ورى شي ولانصحت ولاسالت خلاص قطعت المفروض انتهت السالفه ومالي دخل فيهم ثنتينهم شسوي الحين انا غلط صح لو اني تركتهم لرب العباد وشلت يدي من البدايه كان احسن انتوا بعيدين عن السالفه وماتعرفون احد منا يعني بيكون حكمكم صح ان شاء الله وواضحه الامور قدامكم ياربيييييي تريحني من هالضيقه والحزن
الروابط المفضلة