اختي الكريمة لمسة حنان..
اولاً الاخت زينب ماقصرت .. مشكورة ..
نجي لمشكلتك :
غلاتي في مثل بيقولك : زوجك على ماعودتيه..
وانتي للاسف مبدأ الاحترام ماتعود عليه معك فصار عادي يبهدلك بالشارع وحتى يوصل فيه الامر يمد ايده عليكي ..
سؤال وين تطبيقه لكلام الرسول الكريم (( استوصوا بالنساء خيراً ؟؟ ))
انتي لازم تصبري شوي لانو زوجك مارح يترك العصبية بكبسة زر
وانتي متل ماقلتلك عودتيه على هالتعامل معك ..
اجلسي معو بهدوء اكيد في نقطة انتو ماعم تلتقطوا فيها ..
وطبعأً اطلبي التقدير والرومانسية بوقت يكون مرتاح ورايق مو تعبان ومتدايق لانو بوقتا رح يزيد الطين بلة ..
ناقشيه بالعقل قوليله مافي انسان مابيخطئ
اذا شايفني عم اغلط او عم اعمل شي يعصبك كلمني وجهني ..
انا ام بنتك وزوجتك وحبيبتك هاد الاسلوب عم يبعد بينكم ..
وانتي ماتحسسيه بالضعف حتى ماياخدها نقطة ضدك ..
لانو مابعرف شخصية زوجك بالضبط ..
::
وحاولي حطي قرآن بالبيت مثلا صار وقت الصلاة يلا نصلي حمسيه على هالشغلات اكتر
حتى يعم الخير جوا بيتكم وتنصرف الشياطين
::
وبخصوص بنتك اختي الكريمة اذا بدها تضل تشوفك بهالموقف عنجد رح تطلع عندها مشكلة نفسية لا سمح الله .. يا مابيصير عندها ثقة بالرجال مستقبلاً خوفاً مايكونو بيعاملوها متل والداها مابيعاملك او بدا تطلع ضعيفة الشخصية .. وانتي بغنى عن هالشي لانو لازم تورجيها انك قوية ومرتاحة وابوها انسان منيح .. مو العكس ..
اختي فكري ملياً وضلي استغفري ربنا وادعي ليل نهار الله يهدي بالكن ويسخرلك زوجك ويبعد عنكن كل سوء وهم وحزن
وصديقني الزوج لما بيشوفك غيرتي انتي من اسلوبك لحاله رح يمل من التعصيب والمشاكل
استعملي اسلوب سياسة الاعصاب الباردة كم يوم
يعني شايفتيه عم يخانئ ويعصب استحملي وتركيه يحكي 2 معصبين سوا عم يحكو ماحدا رح يسمع حدا .. هاد بيكون اسمو حوار الطرشان ..
انتي ناقصك شي يمكن زوجك ماعم يعرف يعبر عنهـ يمكن مفكر انو طالما عم يلبي واجباته الزوجيه ومستلزمات البيت هاد بيكفي
مو كل الرجال لسانهم جميل اختي الكريمة حطي هالشي ببالك ..
يمكن ضغوطات عمله عم تخليه ينرفز ويعصب على اتفه الامور ..
طيب جربتي تسألي نفسك شو عم يصير معه برا ؟؟
الزوج بيجي ع البيت ليرتاح مو ليلاقي مشاكل اكثر من العمل .. فهمتي عليي
احتويه انتي بكل ماعندك حتى تكسبيه وماتخربي بيتك .. طبعاً بعد ماتحاولي اللي قلتلك عليه .. و ماتخلي العشرة بينكم تهون مشان مشاكل لاتنسي في بنوتة بينكم ..
وهو بقى من خلال اسلوبك بالكلام لما تكوني انتي هادئة وزوء مستحيل يجي يسب ويعصب
يمكن يعملها مرة مرتين لكن بعدين رح يستحي على دمه
ويقول كيف عم سبها وهي ساكتة ؟؟
::
اما لو لاسمح الله ضل على حالهـ
و بعد كل هالتنازلات ضل مستمر على اسلوبه
كلميه بنبرة فيها قوة وأدب وحزم بنفس الوقت .. مو بوقاحهـ
قوليله انا فيني رد المسبات والشتائم بس انا بحترمك وبقدرك لاني بدور على رضاك للي من خلاله رح فوت الجنة بإذن الله .. ولاني بخاف الله .. وبحترمك عيدي كلمة بحترمك مرة 2
وانا كرامتي غاليهـ ولاتنسى انو كرامتي من كرامتك.. بس اذا انت تعودت على انو تسب مو يعني اني ضعيفة بس مستحملة وصابرة كرمال حبك وكرمال البنت وكرمال ما اخرب بيتي بس بيكفي هالإهانة .. واتركيه خليه يعد مع حاله ويفهم غلطه .. وماتحاكيه ليعطيكي عهد يقدرك ويحترم مشاعرك .. لانو اذا بدك تضلي ساكتة وهو ماعم يتغير هاد رح يخليه يتمادى اكتر واكتر ..
::
والله يهدي بالك اختي وعفواً ع الاطالة بس والله حسيت فيكي
وجملة بنوتك بكتني .. شايفة كيف حتى الاطفال بيحسو فينا بس متل ماذكرنا لك لاتخليها تشوفك بهيك موقف مرة 2 ..
وعديني ..
::
تقبلي مروري
الروابط المفضلة