LinkBack URL
About LinkBacks
معاناتي مع زوجي
السلام عليكم ورحمة الله وبركاته
لا اعرف من اين ابتدي قصتي مع زوجي،،، الحمدلله انا متزوجه ولي 3 سنوات حاليا وزواجي كان عن حب ولي ابن والان حامل والحمدلله
بدأت المشكله بعد سنتين تقريبا من الزواج حين اكتشفت احد الايام وانا ابحث في الانترنت وفتحت ايميل زوجي ووجدت انه يكلم بنت وله صله بها ،، في الحال قلت له من هاذي وووو المهم انه قال انه لسه يكلمها من يومين وانه مابينه وبينها شي وووو سكت انا عن السالفه وقلت له الله يسامحك بعد فتره لما بقيت انا على نار فتحت ايميله مره ثانيه وكلمت البنت وعرفت انه يعرفها من شهر تقريبا وبينهم مكالمات هاتفيه بصراحه جن جنوني وحسيت اني عبيطه وماعرفت شاسوي معاااه اسكت!!!! ولا اتكلم،، المهم انا مرأه عامله يعني شفت هلكلام كله وانا في الدوام على الكمبيوتر رجعت البيت منهاره ، سكت وماتكلمت قلت مابي اخرب على نفسي لان زوجي وعدني انه خلاص ما راح يكلمها وانه غلطان..... ماقدرت فاتحته في الموضوع وزعل وقال انتي راح تعيدين السالفه كل مره وماراح تنسين خلاص انا غلطت...طبعا الغلطه بالنسبه لهم عاديه بس بالنسبه لي انا جرح بقلبي ما يشفى....... المهم الحمدلله على كل حال رجعنا سمن على عسل والحمدلله طبعا كانت بينا مشاكل بس نقدر نقول بسيطه بعد فتره شفت انه رجع يستخدم الايميلات بس يفتح كل شي قدامي وقلت معليش ما احب اضيق عليه وماقلت له شي بس طبعا ما كان فيه لا بنات ولا حاجه...
جاني يوم من الايام قال لي ان ايميله انسرق وما عاد يقدر يدخل على الايميل وانا كان قلبي حاس انها لعبه وسويت نفسي متضامنه معاه وسويت نفسي حزينه وقلت له معليش استخدم الايميل الثاني وصار يستخدم ايميله الثاني الي ما انسرق
وكل شي كان ماشي عال العال،،، يوم من الايام فتحت ايميله الثاني وشفت انه مرسل منه ايميلات عاديه بس للايميل الي المفروض انه انسرق وانه ما يقدر يستخدمهمعناته انو ما انسرق وانه كان يكذب علي وغير الباسورد ولحد الان ما اعرف ليش ،،، المهم ارسلت له مسج وانا كنت في الشغل وقلت له شكرا لانك كذبت علي وقلت لي ان ايميلك مسروق وانا عرفت انه ما انسرق ،، رجعت البيت وكان يعاملني بكل طيب ومافي احن منه ولا تكلم في الموضوع قلت خلاص دام ان المسج وصل له اكيد حس بالذنب وماله داعي نفتح السالفه ونبتدي مشاكل مالها داعي ،،، وصار كل مره يعاملني الحمدلله احسن واحسن مع وجود بعض المشاكل بس الغمووووض في ايميله الي غير عليه الباسورد وما عارفه اذا كان فيه اشيه غلط ولا فيه بنات ولا فيه ايش الله اعلم لاني ماعرفت الباسورد تبعه المهم.... بعثت له ايميل على ايميله وكتبت له اني متضايقه واني ابغي اعرف ليش كذبت علي واني زعلانه وايد علشان هذا الشي واني ابغي ا عرف السبب،، قرى الايميل وما رد علي... الموضوع صار عليه شهر تقريبا ولحد الان مو عارفه هل
مازال زوجي يكذب علي هل ما زال يفكر يخوني
اعذروني طولت عليكم وايد بس انا تعبانه نفسيا علما اني اعاني من صدفيه وحاليا الصدفيه بدت ترجع بجسمي بسبب الحاله النفسيه وكمان علشان الحمل والضغط وابغا ارتاح .... ساعدوني ارجع لزوجي وانسى الي صار.
اسفه على الازعاج بس محتاجه مساعدتكم
ام فهد
رد مع الاستدلال
الروابط المفضلة