لو كنتى مكانى تعملى اية..........!!!!!!!!!!!!!

ارجوكن لو كانت اى واحدة مكانى فيكن تقوللى هتعمل اية لانى مترددة ومش عايزة اعمل مشكلة مع جوزى

الموضوع انى مبروحش اى مكان على مزاجى
يوم الجمعة اللى فاتت كان فرح واحدة صاحبتى وكنت قايلة لجوزى علية من 3 شهور وكان موافق لحد قبل الفرح بيومين قاللى مش هتروحى عشان فرح شبكة اخويا (اخو جوزى يعنى) يوم الاربع الجاى كتير عليكى فرحين فى اسبوع واحد

الصراحة اتخنئت وقلتلة خلاص احضر فرح صاحبتى ومحضرش فرح اخوك
مرضيش وقاللى انتى بتهددينى .. لما قولتلةانا ممكن مروحش فرح اخوك

مع العلم ان فرح اخويا انا لما اتجوز خلانى محضرتش غير ساعتين فى الفرح وبعت اخوة عشان يروحنى مع انة كان يقدر ياخد اجازة ويحضر الفرح معايا وطبعا احرجنى قدام اهلى ... ولا حضرت كتب كتاب ولا اى حاجة بحجة ان انا حامل وانا كنت بقول خايف عليا

جة فرح اختى اللى اصغر منى كرر نفس الحدوتة بردة بحجة ان انا حامل بس حضر معايا الفرح .. بس كنت حاسة كانى واحدة صاحبتها مش اختها لانى مكنتش معاها لافى الحنة ولا كتب الكتاب ولا اى حاجة...........الخ

اخويا واختى اتجوزو وانا فى فترة الحمل ورا بعض

دلوقتى انا بفكر مروحش فرح اخوة للسببين
اولا انة يحس يعنى ايةاحضر فرح اخويا من غيرةويكسفنى قدام عائلتى
ثانيا يفهم ان ليا رغباتى ويحترمها

بس مش عارفة ابعاد الموقف ممكن توصل ل اية معاه او مع اهلة وهل هيفم اللى انا عايزاه يحس بية ولا اية ولا فى الاخر انا اللى هطلع غلطانة مش عارفة الموقف دة هيكون سليم ولا رايكم اية...................
مستنياكم

اقولك هدديه بانك مش هتروحي فرح اخوه وهتحرجيه امام اهله اولا الغلطه دي غلطتك لانك من الاول عودتيه علي كده لان مش مفروض يكون التحكم لدرجه علاقتك باهلك حاولي بعد ماتحسسيه انك ممكن تحرجيه في الموقف ده انه بلاش تكون الحياه بينكم علي الوضع ده وكلميه بهدوء وعقل وانك في ايدك تحرجيه بس انتي الي مش عايزه وربنا يهديهولك وصدقيني كل الرجاله متسلطين بس بدرجات وعلي اختلاف شخصياتهم لكن المهم ان يكون عندك شخصيه لمواجهه تسلطهم

السلام عليكم
عزيزتى انا بنصحك انك تروحى فرح اخوه وتشيليه بمعنى تخدميهم على قد ماتقدرى وتخدميهم وتقدمى هديه غاليه ومهمه وتكترى من الدعاء لزوجك ان يهديه الله
ولا تحسسيه بحكاية اهلى واهلك لان بمجرد جوازك اصبح اهله اهلك انت كمان وبكدا ان شاء الله يتغير لما يلاقيكى انت كدا
والله يوفقكم

بصراحه الموقف صعب جدا
وجوزك زي كل الرجاله كلهم كده علي فكره او اغلبهم انا عن نفسي جوزي تقريبا زي جوزك
لو قلتلك متروحيش ممكن الموضوع يكبر وحماتك واخو جوزك يزعلو منك جدا وهما مالهمش ذنب وهيبقي شكلك وحش اوي في عيلته
ولو رحتي من غير نقاش يبقي انت كده بتقدمي التنازل تاني وتالت ورابع
انا رايي حاولي تروحي الفرحين وبعدين ليه كتير عليكي فرحين هوا انت هتسافري؟

شكرا على ردك انا فعلا مش عايزاة يكون فاكر انى شخصيتى ضعيفة قدامة على راي ماما

كتبت بواسطة mano_YHIEA

اقولك هدديه بانك مش هتروحي فرح اخوه وهتحرجيه امام اهله اولا الغلطه دي غلطتك لانك من الاول عودتيه علي كده لان مش مفروض يكون التحكم لدرجه علاقتك باهلك حاولي بعد ماتحسسيه انك ممكن تحرجيه في الموقف ده انه بلاش تكون الحياه بينكم علي الوضع ده وكلميه بهدوء وعقل وانك في ايدك تحرجيه بس انتي الي مش عايزه وربنا يهديهولك وصدقيني كل الرجاله متسلطين بس بدرجات وعلي اختلاف شخصياتهم لكن المهم ان يكون عندك شخصيه لمواجهه تسلطهم

كل اللى انتى قولتية دة تمام انا فعلا بفكر اهددة بس
بس مش عارفة هيجيب نتيجة فعلا التهديد
انا والله شخصيتى قوية بس معرفش معاة هوة لية دايما بحس انة صح ف كل المواقف

كتبت بواسطة om uomna

كل اللى انتى قولتية دة تمام انا فعلا بفكر اهددة بس
بس مش عارفة هيجيب نتيجة فعلا التهديد
انا والله شخصيتى قوية بس معرفش معاة هوة لية دايما بحس انة صح ف كل المواقف

ده علشنك بتحبيه وده عادي بس حاسسيه بانك ليكي راي خاص بيكي مهما كان رايه وصدقيني في الاول هيعترض وتحصل مشاكل لكن بعد كده هيحترم دماغك وقبل مايفرض عليكي اي راي هيفكر حتي لوكانت النتيجه ضعيفه صدقيني بس اهم حاجه متعانديش حسسيه انك مش موافقه وليكي راي تاني بس من غير عند ربنا يوفقك

كتبت بواسطة اوى

السلام عليكم
عزيزتى انا بنصحك انك تروحى فرح اخوه وتشيليه بمعنى تخدميهم على قد ماتقدرى وتخدميهم وتقدمى هديه غاليه ومهمه وتكترى من الدعاء لزوجك ان يهديه الله
ولا تحسسيه بحكاية اهلى واهلك لان بمجرد جوازك اصبح اهله اهلك انت كمان وبكدا ان شاء الله يتغير لما يلاقيكى انت كدا
والله يوفقكم

موضوع الهدية كدة كدة هتتقدم بس لحماتى انتى ناسية عيد الام قرب
وموضوع اهلى واهلك اتعاملت على الاساس دة شوفى الوضع وصل ل اية
مسالة اخدمهم فى الفرح دة هيكون فى دخلة اخوة لانة هيسكن فى الشقة اللى قصادى وطبعا انا مرات الكبير..........انتى فاهمة
وانا بدعى لجوزى والله ربنا يهدى ازواجنا جميعا

كتبت بواسطة نايس1

بصراحه الموقف صعب جدا
وجوزك زي كل الرجاله كلهم كده علي فكره او اغلبهم انا عن نفسي جوزي تقريبا زي جوزك
لو قلتلك متروحيش ممكن الموضوع يكبر وحماتك واخو جوزك يزعلو منك جدا وهما مالهمش ذنب وهيبقي شكلك وحش اوي في عيلته
ولو رحتي من غير نقاش يبقي انت كده بتقدمي التنازل تاني وتالت ورابع
انا رايي حاولي تروحي الفرحين وبعدين ليه كتير عليكي فرحين هوا انت هتسافري؟

بصراحة موضوع شكلى قدام عيلتة دة اللى انا خايفة علية
لان من اسبوعين كدة كان فرح ابن خالتة ومروحتش وكان الفرح بعد بيتى بشارعين
ومانت كل خالاتة وحماتى عايزين يشوفو بنتى

اختى العزيزة اصلاح الخطأ بالخطأ اكييييييييييد خطأ فالافضل لكى ان تستمعى لكلام زوجك
واجتنبى اى مشاكل قد تؤثر على حياتكم وجربى ان تقنعيه بطريقة او بأخرى ولكن لا تردى عليه النار بالنار لان هذا سيرجع عليك وحدك ووحدك ستكون الملامة
لذا الافضل لكى ان تطيعى زوجك حرصا على حياتكم الزوجية
واتمنى لكى التوفيق والهداية والصواب لك ولزوجك