(للنساء فقط)
السلام عليكم و رحمة الله و بركاته
حبيت استشيركم فى مشكلتى
انا مخطوبة من شهر و علاقتى بخطيبى مدتها 3 شهور تقريبا
مشكلتى انى بشك فيه جدا رغم انه دايما يقول لى لو عاوز اغلط مع بنات كنت غلطت و كان هيبقى سهل بالنسبة لى
لكن انا عاوز اتجوزك و استقر معاكى لانى بدور على الطريق الصح
المشكلة اللى مشككنى فيه كلامه و انه مسك ايدى مرة و زعلت فقال انى وحشته وانه عاوزنى ابقى كل حاجة له عشان ما يبصش برة
و اللى زاد اليومين دول تجاوز بكلامه و قال لى حلمت بيكى فى حضنى! قلت له بالذمة فى حد يقول كده لواحدة بيحبها و بيحترمها قال لى انتى تفكيرك قديم اوى و لازم تغيرى من نفسك
ياترى يا جماعة انا صح ولا عشان تربيت تربية صارمة شايفة ان كل شىء غلط
و ياترى ينفع استمر معاه ولا اسيبه مع العلم انى من البداية قلت له انا مقدرش اعرف حد من ورا اهلى وانا اللى حفزته انه يتقدم لى
تفتكروا هو مزودها ولا طبعه كده مع انه حاج بيت الله و كان خاطب و خطيبته السابقة الله يرحمها و عاش فترة على ذكراها
ارجوكم تجاوبونى لانى محتارة و عملت استخارة و لسة مش واصلة لقرار
شكرا
الروابط المفضلة