السلام عليكم يا بنات و يا سيدات يا حلوات...
انا عندي مشكله مضايقاني...
مش عارفه اسيطر على مصروف البيت ابدا رغم اني بقالي 3 سنين و نص متزوجه و عندي ولد 9 شهور..
خصوصا ان زوجي بيحب الخروج و الاكل بره و كل ما اروح السوبرماركت اشتري حاجات يفضل يحط حاجات في العربيه ليس لها اي لازمه و انا مش بحب اضايقه..
انا كل شهر اقول اني هظبط المصروف و بيكون نفسي يفضل معايا شويه فلوس اجيب لجوزي هديه او اجيب حاجه جديده في البيت بس للاسف مش بيفضل معايا ولا مليم..
الموضوع ده مضايقني قوي و نفسي اغيره جدا..
يا ريت تساعدوني!!!

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شوفي لازم تكوني حازمة في امر توليك المصروف
لازم انتي وزوجك قبل ماتخرجوا للسوبرماركت تثفقوا على ايه اللي يلزم البيت وراح تشتروه
لانه حقيقي لو رحتوا من غير تخطيط
راح تخسروا وتسرفوا بدون لازمة
والحوار الحوار الحوار لازم يكون بينكم حوار حثى في الامور اللي زي ذي
لانه ذة مش عيب لا اطلاقا ذه خطوة من خطوات نجاح الحياة الزوجية
ولا حتسيبوا الامر كدة لغاية متوقعوا في ازمة مالية لا سمح الله
وكمان ذه الاسراف حرام
وربنا يوفقكوا لما فيه الخير

انت بإمكانك من اول مايجي الراتب تعزلي مثلا ؟؟؟دينار للأكل وغيرهم للمطاعم وغيرهم للصدقة وغيرهم للحاجات لاساسية وغيرهم مثلا تحطيهم في صندوق مقفل للعوزة او للهدايا الاقارب وهكدا
بس اول ماتعملي قبل ماترتبي هاي الامور لازم انك تشيلي مبلغ معين وتحطي على جنب وماتلعبي في نهائيا يعني تحطي في عليه مسدودة او اي مكان وهاي بتكون عشان التجميع لان الواحد لازم يجمع كم قرش لان مابيعرف الزمن شو مخبي له وبعدين بترتبي الفلوس المتبقية على الاشياء الثانية ولمن تطلعي تسوقي اكتبي كل شي تحبين تشتري وبتاخدي فلوس معاكي تكفي فقط لهاي الاشياء مو اكثر حتى لا تصرفي اكثر و
وان شاء الله راح تحققي الى بدك اياه

ربنا يعينك

بس ممكن فعلا تقسمى المصروف بحيث تتحكمى فى مصروفاتك

او متنزليش الا بفلوس يدوبك على قد الى انتى عايزاه

اه فعلا موضوع مصروف البيت ده مشكله الواحد مش بيبقى عارف يخليها بالشهر وللا الأسبوع .. ؟؟؟
ونزول السوق من غير تحديد بيبقى بعزقه للفلوس ربنا ييسرلك أمرك يا حبيبتى بس انتو لازم تتفقول فعلا مين اللى ماسك المصروف

حبيبتي لازم يكون فيه مبلغ محدد لمصروف البيت بالشهر والشهر 4 اسابيع يعني كل اسبوع كذا
وقبل ماتروحي السوبر ماركت تكوني كاتبة طلباتك في ورقة وتعرفيه ان كل اسبوع فيه رنج ثابت لا يتعداه والا هتطلبي منه زيادة
وشوية شوية ممكن تعرفي تحوشي اي مبلغ

والله شكرا يا بنات..
انا فعلا باقسم الفلوسعلى الاسابيع بس المفروض فعلا اني لما انزل السوق آخذ فلوس على القد بالظبط..
و فعلا الواحد لازم يكون حازم لانه كده مش هينفع..
ادعولي..

ربنا معاكي و معانا يا أختي

كلنا تايهين في موجة الغلاء اليومين دول

انا كمان عندي مشكلة في المصروف, بس جربت حاجة كويسة

ممكن كل أول أسبوع تشيكي على المخزون بتاعك من لحوم و دجاج و رز و سكر و الحاجات

الأساسية كلها, أنا بشتريها بالشهر, و ساعات بتكمل معايا للشهر الي بعده

و ده مريحني شوية, زوجي بيحب البيزا من برا جداا, بس انا تعلمت كذا وصفة من المنتدى

و بقيت بعملها لدرجة انه بطل ياكلها من برا البيت هههه

و الكيكات و القاتو و كل حاجة حاولي تجربيها في البيت, أوفر و أضمن خصوصا لو بتعملي كميات

على قدكم

اشتري الخضار الي بتتخزن في الفريزر و نظفيها و فرزنيها, و كده توفري مجهود و وقت و فلوس

المنظفات اشتريها بالجملة, و اعملي مثلا قزازة فيري أو بريل مع كلور و ديتول للمواعين و

وحدة زيها في الحمام أكرمكم الله, و كده هتوفري ان شاء الله

لو تعرفي تكوي اكوي في البيت و بلاش تودي الملابس للمكوجي, لو ما تعرفيش ممكن

تتعلمي و كده بردو هتوفري مبلغ كويس, استعملي منظف ملابس من غير داوني أو كمفرت

و خدي قزازة منظف الزجاج الرشاش و حطي فيها شوية ماء و عليه كيس فرنل, ملطف

الملابس, ريحته حلوة و يقعد معاكي و الكيس بجنيه أو أقل

لو أفكاري عجبتك, قوليلي, ممكن أشغلك دماغي أكتر من كده و أفتكر كل الحركات التوفيرية

ههههه

ربنا يرزقنا بالحلال و يباركلنا في المال و الأزواج و الأولاد و يرزقتي بالذرية الصالحة يااااا رب

ام فرح و حسين...
ما شاء الله عليكي انت ممتازه و افكارك حلوه قوي..
ربنا يكرمك..
كل لما تفتكري حاجه قوليها و جزاك الله كل خير