صارلي حوالي شهر تعباته ديما و حاسه حالي مش عم برتاح بنومتي
ركت للدكتورة أنهاردة حكتلي عندك أكتئاب ما بعد الولادة خفيف
(مع أن بنتي الثانيه عمرها 6 شهور)
و راح تراجع علي بعد فترة


الحمد لله علي كل حال


أنا أصلا تعبانة من وجودي لحالي هون بدون أهل ولا سند
و زوجي فعلا بيساعد
بس بعد حرقة الدم و الخناق
و إيش ما بسوي ديما مو كفاية أو مو منيح
ولا في شي بيعجبه
لازم ينتقد كل شي

و كمان بحس حالي كل الهم علي راسي
بحزن علي حالي أمرات
أني أتزوجت صغيرة و هيك شبابي راح
بحس حالي كأني عمري 60 مش 20
من جد والله أمرات بتحسر أني أصلا أتزوجت


بس برد برجع و بستغفر الله و بحمده
البني آدم ما بيعجبه شي
"و لا تجدن أكثرهم شاكرين"



المهم





بس حكيت لزوجي تعرفوا شو سوي???







فرح
و صار يستهزأ

عندك مرض نفسي?
معناته أنا كنت مظلوم هالفترة
كنتي أنت سبب المشاكل كلها
والله كنت بدي أبعتك لأهلك فترة منشان أرتاح
ووووو



من جد حبطني أكثر

والله و أنا كنت عند الدكتورة كنت عم بحكي لحالي
لا تبكين يا بنت أمامها
أحسن ما يجيبوا الشرطة لزوجك!!
ما بدي حد ياخد فكرة مش منيحة عنه


بس والله يحبط

هللا راح يجيبلي الدوا
إذا ما جابلي هدية راح يكون يوم نكد النهاردة


خلوني أروح أحسن هيه أجي!!!

كتبت بواسطة أم عبدالأله

فين الموضوع ....؟؟؟؟؟؟؟؟؟؟؟؟؟؟؟؟؟؟

آسفه يا حلو
الكمبيوتر عصلج معاي شوي

معليش حبيبتي الله ييسر أمورك ويهديلك زوجك والله أنا حاسه فيك وبمعاناتك الله يعينك خلي أيمانك بالله قوي وقوي ثقتك بنفسك ولا تخلي كل كلمه تنقالليك تنهارين منها أمامه

أحرجيه بالكلام الطيب واجلسي معاه جلسات وديه تصفي النفوس ... و إذا رضيان روحي غيري جوا عند أهلك

سلام عليكم
حبيبتي اكثر الرجال ما عدهم اهتمام بالمراة ولا بيحسو فيها وانا مثلك بس لازم تكوني قويه وتعيشي وتفرحي باولادك لانهم همه الشي الحلو بالدنيا واحمدلله على كل الحال وانشالله الله يهدي زوجك ويحنن قلبه عليكي .......وكمان حسسي انو ما عندك احد غيرو بهدنيا وانو انت بحاجتو وبتعتبري صديق اول شي قبل كل شي يس بدبلوماسيه وذكاء................
ما في اذكى من المراة صديقني
...........مع تمنياتي بلسعاده وراحة البال والصحه والعافيه

كتبت بواسطة أم عبدالأله

معليش حبيبتي الله ييسر أمورك ويهديلك زوجك والله أنا حاسه فيك وبمعاناتك الله يعينك خلي أيمانك بالله قوي وقوي ثقتك بنفسك ولا تخلي كل كلمه تنقالليك تنهارين منها أمامه

أحرجيه بالكلام الطيب واجلسي معاه جلسات وديه تصفي النفوس ... و إذا رضيان روحي غيري جوا عند أهلك

الله وحده يعلم قد أيش بصبر و بتحمل
ما بنهار امامه أبدا
المشكلة أني بدي رضاه
بس هو ما بدو يرضى
بجلس معاه و هو نفسه بيعترف أنه مقصر ووو
بس بدون مبالغه
تاني يوم بالضبط نفس الحركه اللي سواها و تناقشنا فيها
تصير هي هي.

أهلي ما بقدر أروح عليهم
في بيني و بين أمي مشاكل
بدها إياني أنا أكون راجل البيت
و أنا ما بدي
و هو أول واحد عارف هيك
ناهيك عن النقاب اللي مجننها
و ولا عمرها راح تطلع بره البيت معاي و أنا لابسيته
و تخاف علي أخواتي مني و من تفكيري المتطرف
فموضوع أهلي هاذا كان زي ما تقولي
تعبير عن مدي طفشانه مني

كتبت بواسطة sibel

سلام عليكم
حبيبتي اكثر الرجال ما عدهم اهتمام بالمراة ولا بيحسو فيها وانا مثلك بس لازم تكوني قويه وتعيشي وتفرحي باولادك لانهم همه الشي الحلو بالدنيا واحمدلله على كل الحال وانشالله الله يهدي زوجك ويحنن قلبه عليكي .......وكمان حسسي انو ما عندك احد غيرو بهدنيا وانو انت بحاجتو وبتعتبري صديق اول شي قبل كل شي يس بدبلوماسيه وذكاء................
ما في اذكى من المراة صديقني
...........مع تمنياتي بلسعاده وراحة البال والصحه والعافيه

بقوله أحلي من هيك حكي
و شعر هو عمره ما بيكتب زيه
و كروت و رومانسيه
و دلع أنا بدي إياه بس مو لاقيته

و عندك حق في شغلة أنه ما بيهتم بالمرأة
حتي و أنا مريضه
بيصير فيه هواش ليش ما خسلت الجليات
و أكون شارحيتله أني ظهري موجعني موت
و بدوخ من الوقوف كثير
ألاقي خناقه تسمع اللي ما يسمع عن الغسيل اللي ما أتسوي
و الجلي اللي ما أنعمل
و و و و و


عاد هو أعطيته مسؤلية الغسيل
أنا بعطيه إياه و هو بس يحطه في الغساله و يطلعلي إياه
هللا الله لا يوريكو
جبال و تضاريس و أخاديد عندي في البيت
و البنات لابسين لبس إياس أكبر من عمرهم
عاد لو هو أستلم المسؤليات اللي علي كلها شو بدو يصير في البيت?


بعد هاذا حتي شكرا ولا الله يخليك لينا
ما في إلا بالشحاته




أنا بدي أفرح بأولادي
بس كيف بدي أفرح و الواحدة بتتصبح و تتمسي علي حفاضات
و كل شوي بدي بدي بدي
و كل شي فوق نافوخي حتي مسؤلياته علي
الفواتير و المعاملات الحكوميه و الأوراق و و و
كله علي أنا
و يا ويلي و سواد ليلي
لو شي مش معمول


صار ضغط كثير علي


أدعولي يغير من طبعه هاذا شوي
بعد ما سمع شو حكت الدكتورة
بدو ما هو شهادة من الدكتورة تثبتله إني فعلا تعبانه
منشان يرحمني شوي
الطبع هاذا ما بيتغير
متعود علي دلال أمه و جدته
و أكمنه الوحيد كل شي يدور حواليه هو
و لو فكر في و خرجني مثلا ما يخليني أنساها
عاد هو ما بيتذكر أي شي سويته له أو أي تضحيه ضحيتها منشانه


أستغفر الله
إلا يكون أنا في عيوب كمان
بس علي الأقل بحسسه أني بحبه
أما هو كل اللي بحس منه أنه بدو روبوت يشتغل عنده
يربيله في أولاده و ينظف و يشتغل
ببلاش ما هي الشغلة!!

أختي الحبيبة
هدي اعصابك
ورفقا بهذا الرجل!!!!
معروف طبع الرجال..لا ينكره أحد
وانتي لا تكبري الأمور
صح عليك كل المشاغل متل ما حكيتي بس هو ايضا اكيد وراه مشاغله ومسؤولياته
وهمومه
واكيد ما بدو حدا يزيد فوق همه!!!
بعرف انك مو مقصرة معه
بس لازم تعرفي طبع الرجال
ولاتتوقفي عن العطاء
رح يجي يوم تكوني فيه في بيتك ملكة
بس اصبري
واستخدمي ذكائك
تغلبي على الاكتئاب ولا تفكري بالظروف حولك لانها حتزيد المرض
فقط توكلي على الله
وادعي ربك يهدي زوجك
ولا تيأسي
ولا تجعلي للشيطان عليك سبيلا
وربنا ييسر امورك

حبيبتي الله يكون بعونك يارب
ما عليكي الا الصبر والدعاء مشان ولادك حرام
وحاولي احكي معي بهدوء يمكن يغير من طباعه
الله يهدي بالك ويصلح جوزك والله حاسة فيكي وكلامك كتير مؤثر
ضلك ادعي اللهم الف بين قلوبنا واجعل بيننا مودة ورحمة

كتبت بواسطة وأبقى غريبة

أختي الحبيبة
هدي اعصابك
ورفقا بهذا الرجل!!!!
معروف طبع الرجال..لا ينكره أحد
وانتي لا تكبري الأمور
صح عليك كل المشاغل متل ما حكيتي بس هو ايضا اكيد وراه مشاغله ومسؤولياته
وهمومه
واكيد ما بدو حدا يزيد فوق همه!!!
بعرف انك مو مقصرة معه
بس لازم تعرفي طبع الرجال
ولاتتوقفي عن العطاء
رح يجي يوم تكوني فيه في بيتك ملكة
بس اصبري
واستخدمي ذكائك
تغلبي على الاكتئاب ولا تفكري بالظروف حولك لانها حتزيد المرض
فقط توكلي على الله
وادعي ربك يهدي زوجك
ولا تيأسي
ولا تجعلي للشيطان عليك سبيلا
وربنا ييسر امورك

مشكوره علي المرور
كلامك زي البلسم
أنا فعلا عم بفكر في كل السلبيات هلا
بس لو بفكر فيها مضبوط
مهو بردو متعب حاله منشاني
و أكيد زي ما أنتي حكيتي
هو كمان مضغوط من الغربة و الديون
و و و
يعني
ما بيسير أكون أنا كمان سبب في تعاسته للرجال
من جد
جزاك الله الجنة!!

كتبت بواسطة tama77

حبيبتي الله يكون بعونك يارب
ما عليكي الا الصبر والدعاء مشان ولادك حرام
وحاولي احكي معي بهدوء يمكن يغير من طباعه
الله يهدي بالك ويصلح جوزك والله حاسة فيكي وكلامك كتير مؤثر
ضلك ادعي اللهم الف بين قلوبنا واجعل بيننا مودة ورحمة

من ناحية الحكي
بنحكي كتيييييييييير
حكيت معاه أمبارح
و حسيته شاف وجهه نظري شوي

قلتله
تتذكر اليوم اللي تركتك مع الصغار في السيارة
منشان أجيب أشي لي من المول
ولا أنت جاي معصب مش قادر تتحمل البنات
طيب ما أنا هيك 24 ساعة في اليوم
بدون إجازة

و شغلات تانية كثير
لين ما وعدني أنه بيحاول يخفف عني شوي
و أنا وعدته إني مش راح أنكد تاني
و إن شاء الله الله يعيني عليه
و يعينه علي!
عادتا بس أكون زعلانه منه
بتذكر كل الأشياء المنيحة اللي فيه
و كل الحاجات اللي سواهالي
بس يجوز هالمرة كنت كتير مضغوطه منشان هيك
ما أتحملت هالمرة

كلامك يا أم البنات هوه اللي بصير مع كل الستات
الرجال طبعهم هيك همه بكونوا مقدرين تعبك ووضعك بس ما بحبوا يبينوا مش عارفه ليش !!!!!!!!!!!!
بس انت بمعرفتك بزوجك وبذكائك بتقدري تستشعري رضاهم في كتير من المواقف
وكويس أنكم بتتناقشوا بالأمور هاد الحكي كتير ضروري شوفي طالما انتوا بتحكوا كل شي ما في مشكلة المشكلة بتبلش لما بتيأسي وبتبطلي تحكي هون بتتراكم الأمور وبصير في فجوة بينكم
لما تتعبي حاولي تفهميه انك تعبانه بس رح تيجي على حالك ميشانه وميشان ولادك وما تشكي لأنهم ما بحبوا الشكاوي والتوتر خليلك هاديه رح تشوفي انه هوه من حاله رح يساعدك هوه كمان إنسان وعنده قلب
اللي يهدي سركم ويبعد عنكم الشيطان