أبغى أفضفض

أبغى أدخل في الموضوع علطول أنا متزوجة من عشر سنين يعني مو توني جديدة من تزوجت ما سافرت أنا وزوجي لحالنا إلا مرتين الأولى لما طلعت من النفاس ببنتي الأولى (أقصد عمرها 9شهور موعودة بها من طلعت من النفاس على بالي (طلااااااعة مثل ما يسمونها )والمره الثانية بعد ما جبت ولدي كان عمره ثلاث سنين بنتي داخلة المدرسة هالسنة وولدي بيدخل السنة الجاية ومن يومها ما سافرنا أبدااا لحالنا العام بعد ما طلعت من النفاس ببنتي وعدني يوديني الشرقية طبعا ما أخلف وعده ركبنا السيارة ولما وصلنا الرياض (احنا من قرية شمال الرياض مسافة ساعة)قام يتثاوب ويقول ماأقدر أكمل أبغى أرتاح شوي طبعا سفرتنا كانت يوم الأربعاء (اللي يسمعني وأنا أقول سفرتنا يقول رايحة باريس)والمفروض نرجع يوم الجمعة لأن عنده السبت دوام أنا لما شفته يتأأفف قلت خلاااااص مو لازم نروح الشرقية نقعد في الرياض لأنه ماراح نوصل الشرقية إلا في الليل وراح ينام علطول ويكون ماعندنا إلا يوم الخميس ويوم الجمعة راجعين من صباح الله خير قلت أختصر التعب وأقعد في الرياض أبرك لي المهم ما صدق خبر إني قلت نقعد إستانس وبسط ووعدني يعوضني ومن يومه لاشفت تعويض ولاشي
طبعا ما راح أجحد اننا نروح مع أهله لمكة كل سنة بس طبعا نروح زي العزابية هو ينام مع الرجال وأنا مع الحريم وما أشوفه إلا إذا بغيته يعطيني فلوس
وقهرني اليوم زود قلت له أمس خلنا نروح الرياض(حدي الرياض ولاحصلت)نتمشى ونغير جو قال للي شايفتني فاضي عندي عمال أنتي ما تشوفيني محتاس رحمته وقلت خلاص تتعوض قمت الصبح اليوم على رسالته الساعة ثمان ونص أنا طالع البر وما راح أجي إلا المغرب مو شي يقهروين كلامه أمس عندي عمال
سفر مانسافر عشان أهله أنا ساكنه طبعا معهم يعني لامرتاحة في البيت ولابرااااا
شاركووووني معاناتي

أنا متزوجة من عشر سنين يعني مو جديدة طول هالسنين ما سافرت أنا وزوجي إلا مرتين مرة كان واعدني يوديني للشرقية من طلعت من النفاس ببنتي الأولىوما رحنا إلا وعمرها تسع شهور والمره الثانيه لما كان ولدي عمره 3سنين رحنا مع واحد من ربعة معه زوجته طبعا أول مرة أشوف وجهها في الشرقية وطبعا كل ما بغينا نطلع نطلع سوى وطول النهار هي عندي وهو عنده في شقته وما نشوف بعض إلا وقت النوم والسنة اللي راحت قلت له وديني الشرقية بعد ما طلعت من النفاس وبعد إقناع ودموع ركبنا السيارة بنروح الشرقية ولما وصلنا حول الرياض (قريتنا شمال الرياض بساعة )بدأ يتثاوب ويتململ ويقول تعبت ودنا نرتاح شوي (ما مشينا إلا ساعة ويبي يرتاح )قلبتها في راسي وقلت يابنت الحلال وش لك في التعب طبعا حنا ماشين يوم الاربعاء وما راح نوصل إلا متأخرين في الليل وبينام ويوم الجمعة من صباح الله خير راجعين حنيته وقلت خلاص مو لازم نروح الشرقية خلاص نقعد في الرياض طبعا ما صدق خبر (فاهمته من قام يتأفف وأنا دارية إنه يبغى القعده في الرياض ولو رحنا ما راح نستانس)المهم ماصدق خبر جلسنا في الرياض وقال لي بعوضك ومن يومها ماشفت شي صار لي سنة طالعة من النفاس
ما أبغى أكون ناكرة كل سنة نروح لمكة مع أهله بس طبعا عزابية هو مع الرجال وأنا مع الحريم وما أشوفه إلا إذا بغيت فلوس
وما فيه قولت يطلع بي يمشيني أنا والعيال إذا صرنا معهم ما يبغى يطلعني وهم لا
قهرني زود أمس قلت له خلنا نروح الرياض نغير جو قال لي ماأقدر مشغول وعندي عمال ماأقدر أخليهم لازم أتابعهم كل يوم قلت إصبري يامرة الرجال مو فاضي لك ومشاويرك
قمت اليوم من النوم الساعة ثمان ونص على رنة رسالة الجوال وإذا مكتوب فيها أنا طالع البر وما راح أجي إلا المغرب
انقهرت وطار النوم من عيني يعيي يوديني عشان العمال وآخرتها يروح البر
وياليت هالعمال يبنون بيتنا كان يرجي الواحد شي لكن يرممون بيت أهله
مو قهرررررررررر

كان الله في عونك عزيزتي والله إتأثرت جدا لكلامك وإتغظت أكتر من زوجك

بس نصيحتي ليك لا تيأسي وتستمري تزني علي زوجك كل يوم لحد ما يقولك يالله نسافر

أصل الرجال ما يجوش إلا بالزن والكلام الكتير

أمنياتي ليك بحياة زوجية سعيدة مليئة بالسفر والفسح

الله يعينك يا اختي على دا القهر صحيح انا وزوجي ماطلعنا الا رحلة وحدة من تزوجنا و يخدني بس محلات لشراء اغراضي وااغراض الاولاد بس انا عدراه لانو بيشتغل طول السنة وكمان هوما يطلع لا مع اصدقاء و لا غيرو بس ما لينا غير الصبر

حبيبتي شكل زوجك من النوع اللي مايحب الطلعات بس تسمعين النصيحة لاتجلسي تزني في اذنة لانه لو مشاكم راح يوديكم من غير نفس وانت اهون عندك انك تجلسين بالبيت من انك تخرجين معاه وهو متأفف بس انت يوم من الايام قولي لة انت روح سافر مع اصحابك وخلص اشغالك وانا مو طالبة منك غير اسبوع من السنة لي ولعيالك اذا مستكثرة علينا ماراح اناقشك مرة ثانية واتركية لاعاد تفتحين سيرة ترى الرجال يسوي مو مهتم وكل الكلام استوعبة وانت اشغلي وقتك بالزيارات والجمعات ولاتحبسين نفسك وتجلسين تتحسرين صدقيني مافية شي يجلس على حاله

واذا وافق وأخذكم هالله هالله بالدلع والسنع اقلبي حياته راسا على عقب عشان ينبسط وكل مرة يقول يالله اوديكم فهت

مشكورة أم بلال على ردك
أبغى أحد يتفاعل معاي

الحال من بعضه أختي .. انا مش بطلب منه يوديني الشرقية ولاغيرها .. أنا حتى بطلب بس نخرج من البيت نتمشى ومايرضى ويطلع لي الف عذر وعذر ، لكن لو احد من اصدقائه يبغى يطلع تلاقيه على طول زي الصاروخ يطير يروح عنده ..

حسبنا الله ونعم الوكيل

مشكورة أختي عطر الليالي على ردك أنا مثل ما قلت لي عشر سنين وما ني كثيرة حنة بالعكس وسفرتنا ياليت أسبوع بس خميس وجمعة ومن ناحية السنع والدلع لاتوصين حريص ماأخلي منه شي حتى ألاحظ عليه انه ينبسط مني
بس في السفرة الأولى كنت أسوي كل شي حركات ودلع وغيره وأشوفه يناظرني اذا صرت غافلة وطول الوقت لا ابتسام ولا كلام مع إني عارفة إن في داخلة مبسوط بس ما يبغى يحسسني بشي يخاف يعجبني السفر وآخذ عليه

أشكرك أختي باحثة عن الحب على تفاعلك
اللي قاهرني وباط كبدي إذا جاء يقول حبيبتي أطلبي وتمني وإذا طريت السفر والا أي طلعة نتمشى قلب وجهه وزعل ولا عاد حكى معي

أنقهرت عشانك /// لا تهتمين حبيبتي ، الدنيا كذا مطبوعة على كدر

الله يشرح صدرك و ييسر أمرك



تعقدت من كثر مشاكل الرجال اللي ما يقدرون المرأة و لا يتحملون المسؤولية الوحدة تجلس في بيت أبوها أريح لها نفسيا

الله يعينكم