موضوع حلو قووووي يا جميل انا كمان مش مقتنعة بالفكرة رغم انها حصلت مع صاحبة اخت صاحبتي واتجوزت عن طريق موقع للجواز واديتني اسم الموقع وقلتلي اكتبي بياناتك وحطي صورتك ويمكن ربنا يوفقك بس بصراحة انا خوفت قوي من الفكرة دي لأني مضمنش ايه اللي ممكن يعملوه بصورتي لو حطيتها و ببياناتي ممكن يستغلوهم بشكل وحش فقلت علي ايه اكيد ربنا كاتبلي نصيبي واكيد هيجيلي لغايه عندي.
يا رب ارزقني انا وكل بنات المسلمين بالزوج الصالح ميسور الحال عن قريب يا رب العالمين

شكرا لكم مشاركتكم لى فى موضوعى
وفعلا ما فيش حاجه اسمها موقع اسلامى او غيرة للزواج كله اى واحد يشارك فيه بيكون للتسليه بالبنت واللعب على وتر الزواج وتكوين الاسرة والاخر بتنصدم اما تعرف حقيقه الشخص دى

أختى الغالية أولا أشكرك لعرض هذا الموضوع فأنا ضده بكل المقاييس لم أمر انا به ولكن مرت به صديقاتى وفى كل مرة كنت أتأكد من انها طريقة جديدة وملتوية بإسم الزواج والحب لللعب بالبنات وشعارات الزواج وشجع على ذلك ظروف حياتنا فاصبحت أقل كلمة للأسف تؤثر ولكنها والله ما هى الا طريقة جديدة لنشر الرذيلة ولعب الشباب بالبنات ليس أكثر من هذا
الشات موضوع غير مجدى أو ذات فائدة

اختي بالنسبة للحب عن طريق النت فلا انصحك بيه نهااااااااااااااائي لانهم معظمهم بيبقوا كدابين ومنافقين وداخلين بغرض التسلية

اسمعوا بقى الحكاية دى انا بنت من مصر عندى 25سنه كنت فى يوم زهقانه ودخلت على النت الكلام ده كان يوم 1مايو2004وبعدين اتعرفت على شاب وكلمته مرتين بس وبعدين طلب يقابلنى فى الكليه بتاعتى لانى كنت لسه بدرس ساعتها ووافقت ومن اول نظرة حسيت ان هو ده الراجل اللى بحلم بيه واللى ربنا كاتبه لى وقعدنا بعد المقابله دى نتكلم فى التليفون مع بعض فترة وحسيت انى بحبه جدا بس كنت بحس انه بيعتبرنى صديقه بس فقلت انا لازم احسم الموضوع ده وقلتله انا ابقى ايه بالنسبه لك فاعترفلى انه بيحبنى بس عايز يتأكد من مشاعرة الأول علشان منتدصمش فى الحب ده لو طلع مش حقيقى طبعا انا كنت مخنوقه جدا وبعد كده بقى يقوللى انه بيحبنى جدا بس انا كنت خايفه اوى انه يطلع بيلعب بيا وكنت حاسه ان فى مفأجاه منتظرانى فى الوقت ده وفعلا بعدها حصلت المفاجأه اللى زلزلت كيانى وشقلبت حياتى لقيت فى جاى يقوللى انا كلمت ماما عليكى وهى حبتك من كلامى عليكى وانا عايز منك انك تحددى لى ميعاد مع والدك علشان هاجى اخطبك مطولش عليكم جه واتقدم لى واتخطبنا وكل يوم كان بيفوت كنت بحس انى بحبه اكتر من الأول ويوم 6ابريل 2007كان يوم جوازنا وانا دلوقتى ببعت لكم من بيتنا انا وهو وعايشه معاه اجمل ايام حياتى بحبه جدا وهز كمان بيحبنى ومبنتمناش حاجه فى الدنيا الأ اننا نفضل مع بعض طول العمر وربنا يرزقنا بالذريه الصالحه قولو آمين

ايه يا جماعه محدش رد عليا ليه محدش عاجبه القصه بتاعتى بس هى دى الحقيقه والله العظيم

فاااااااااااااااااااااشل
لا اؤيده و ان ما كانت المشاكل في البدايه حتكون مع مرور الزمن
شك ×شك

يا جماعه اللى عنده كلمه حلوة يقولها وبلاش الفال الوحش ده

دوندون الف مبروك زواجك يا اختى واتمن لك السعادة والتوفيق من الله عز وجل
لكن قصتك تعتبر شئ شاذ عن القاعدة انك لاقيتى انسان صادق وبيحبك وكمل معاك
لكن ال 99.9% كلهم بيتسلو بالبنات للاسف
ومرة تانيه مليوووووووووووون مبروك

الله يبارك فيكى يا قمر وعقبال كل البنات ان شاء الله