|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

توجهيها :

لكل متزوجة / لكل مقبلة على الزواج / لكل فتاة أرادت الإستفادة ..

هدفها :

كسب الزوج الحبيب بطرق عملية سهلة و بسيطة ..

أدواتها :

ورقة و قلم / متابعة / إرادة و تنفيذ ..

|,",|| دورة : كيف تكسبين محبوبك ||,",|| للمتزوجات و المقبلات على الزواج ||,",|

خلونا نبدأ دورتنا بـ (( الحب ))

إحنا كحريم و كبنات و كأناث عموماً الحب هو الغالب علينا و متملكنا .. حبنا للأهل للوطن للأحبة ..

بس وايد من المتزوجات يجهلون حبهم لأزواجهم .. فعشان نكون على بينة كلنا .. راح نعرّف (( الحب ))

الحب عندنا نوعين :

1- حب مطلق

يعني تحبين بدون حدود و بدون شروط و بدون قيود .. مطلق عام ..

2- حب مشروط

يعني كأنك تقولين لزوجك ( راح أحبك بس / إذا اشتر أو اشتريت لي حاجة معينة أنا أبغيها ... ) ..

*
*

لو جينا للنوع الأول : الحب المطلق :

هذا هو الحب المطلوب منك كزوجة .. تحبين زوجك حب مطلق .. و لا تخلين أي عائق يواجهك في الحياة يمس شي بسيط من ذاك الحب ..

يعني اتفقتي معاه على إنه يجيب لك شغلة مهمة .. و لما رجع للبيت قال لك : اوووو نسيت ..

مثل هالموقف لا تخلينه يأثر في حبك أو يخليكي تكرهينه .. أنتي يمكن تكرهين التصرف نفسه

لكن ما تكرهين زوجك .. و في فرق أكيد .. لأن في قاعدة تقول :: فرّق بين الفعل و الفاعل :: إحنا نكره أفعال أو تصرفات معينة اصدرت من قبل أشخاص لكن ما نكره الاشخاص أنفسهم ..

أكيد من خلال جلساتكم .. صادف و سمعتوا فلانة تقول : ( بديت أكره زوجي لأنه مهمل بيته ) و المفروض إنها تكره إهماله مش تكرهه هو ..

عموماً :: ابي كل وحدة فيكم تقول و تردد بينها و بين نفسها

( أنا أحب زوجي لذاته .. و ما راح أخلي أي تصرف طارئ يهز شي من حبي له )

الطيبون للطيبات .. و الخبيثون للخبيثات ..

سمعناها كثير .. هي قاعدة قرآنية يماثلها مثل دايماً نردده ( الطيور على أشكالها تقع ) تعرفونه أكيد .. و في قاعدة روحانية تأكدها ( الأرواح المتشابهة تلتقي ) ..

لو جينا لحياتنا .. و أعطيكم على نفسي مثل :: أنا وسط أهلي و أستحقهم و يستحقوني .. ليش ؟ لأن إحنا أكفاء و متشابهين كثير ..

إرتبطت بزوجي .. لأنه هو اللي يناسبني .. بس من أي ناحية ؟؟ ناحية أرواحنا تتشابه ..

أنتي و زوجك .. ارتبطتوا ببعض .. ليش ؟ لأن أرواحكم متشابهة .. أنتي تستحقين هالزوج .. و هو يستحقك ..

مستواكي و مستواه متشابهين من أي ناحية ؟ ناحيةالمستوى الروحاني نفسه عشان كذا صار بينكم تجاذب

هذا التشابه يلغي الفوارق .. إحنا دايماً نركز على إن الشخص هذا وسيم و غني ... الخ يعني لازم ياخذ وحدة من مستواه المادي !! و نتفاجأ إنه أخذ وحدة مستواها المادي أقل منه ..

و سمعنا كثير ( أنا جميلة و جامعية و من عايلة لها مركزها ) و نشوف إنها تزوجت من شاب عنده ثانوية عادي بحياته الإجتماعية ..

دايماً ننهي إستغرابنا بإنه (( نصيب )) هو نصيب و الله كاتبه فعلاً .. لكننا غفلنا عن مسألة تشابه الأرواح .. يعني من اليوم و رايح لو شفتوا حالات مشابهة قولوا (( هذا نصيب و تشابه أرواح و الله سبحانه و فق بينهم )) ..

و في بنات تزوجوا من ناس أكبر منهم أو أغنى أو أكثر وجاهة ... الخ لكن مستوى الزوج هذا هو نفسه مستواها .. و حريم تطلقوا من أزواجهم و تزوجوا غيرهم .. و هكذا ..

طيب و الحل ؟

هم حلين :

1- تتكيفين مع الوضع الحالي .. و تحسنين من طرق التعامل .. و تمشين معانا لآخر الموضوع ..

2- إنكم تنضجون مع بعض عشان تحققون سعادة أكثر و فهم أعمق ..

إذا و لا حل اعجبك .. اطلبي الطلاق .. هاا اشقلتي ؟

قرري من الحين :

تبين تستمرين ؟ إذا جاوبتي بـ لا .. لا تنتظرين و اطلبي الطلاق .. بس تأكدي إن هذا نصيبج و هذا مستواج و ما راح تلقين أفضل منه من ناحية الروحانية ..

إلا إذا قررتي إنج تنضجين .. و أنا أنصحج إنج تنضجين معاه و في نفس الوقت ..

و إذا جاوبتي بـ نعم .. اشتغلي على نفسج من الحين و اسعي عشان تحسنين و تعدلين من علاقتكم ..

الواجب الأول :

اخذي ورقة .. و كتبي عليها من فوق ( ورقة المفاهيم ) .. و بعدها اكتبي الجملة الجاية :

سأطبق جميع الواجبات و التمارين

هاذي حلقتنا الأولى من الدورة .. أتمنى إني قدرت أوصل لكم اللي أبغي أوصله ..

بس يا ليت من كل وحدة ترد .. تعطيني رايها : أستمر أو لا ؟ و بتكون متابعة معانا أو لا ؟

*
*
*

الحلقة الجاية : 3 شروط للسعادة الزوجية

منقوووول

مجهود موفق أختى كونتيسة

إلى الأمام كلنا معك

وجعله الله فى ميزان حسناتك

متابعة الموضوع الرائع

أختي كونتيسه
قرأت كلامك كلمه كلمه بعيوني وقلبي
أظن أن الكلام من كتاب كيف تكسبين محبوبك
ولكن الجميل في الموضوع انك شرحتيه بأسلوبك
أكملي وأنا معك
واذا أردتي أي مساعده أنا حاضره لان عندي الكثير من الكتب والمعلومات
في هذا المجال ولكن ليس لدي أسلوبك الرائع



أنا متابعه ولكن تحملي أسألتي يا معلمتي الغاليه

اهلا ام حبيبة نورتي

A-F ان شاء الله اكمل لزا شفت استجابة

كلام جميل جدا غاليتي
يعطيك العافيه قلبووو
تحياتي 00
0

موضوع رااااائع أنا متابعة معاك

كونتيسه حبيبتى مجهود رائع

كملى يا قمر

مشكورة انين الورد شرفتي الموضوع
مشكورة نوال على مرورك
مشكورة دنيا الاحلام ان شاء الله لي عودة للتكملة

موضوع رائع جدا
الى الامام ونحن ورائك